¹ Kwamupititili yimbiti, Kushighumba shangodi. Pisaromu lyaDaviti. Yuvha shiliro shande, Karunga; kara pandapero yande. ² Kutundilira kughura waghudjuni, ame kuna kukukugha morwa mutjima wande ghunadompo; ntware paliwe lyalire ghunene lyampitakano. ³ Morwa ove mupopeli wande, rushungu rwankondo kuvanankore. ⁴ Ndenke nikare mundjugho yoye yakupongoka naruntje! Ndenke niwane ghuvando munda yaghughameno mumavava ghoye. S Shera

⁵ Morwa ove, Karunga, wayuvha matwenyidiro ghande, wampa ghupingwa movo ovo vafumadekango lidina lyoye. ⁶ Ove ngaghurepita liparu lyahompa; mwaka dendi ngadikare yira dimuhoko dadingi. ⁷ Ghuye ngakarerere kumeho yaKarunga naruntje. ⁸ Ame ngani yimbe nitangaghuke lidina lyoye naruntje ngoli okuno niruwanange vyalitwenyidiro lyankehe liyuva.