Ruvambi 47
Kuvampititi vamusika. Ntjumo davana vaKorahi vavakafumu.
1
Kandenu maghoko ghenu, namuvantje nwe vantu; yighirenu kwaKarunga naliywi lyamukumo.
2
Mposhi Hompa wapawiru ghuye kutjilita; ghuye Hompa wamunene palivhu.
3
Ghuye kughupa vantu munda yetu ntani dimuhoko munda yampadi detu.
4
Ghuye kutowerapo ghupingwa, ghuntungi waYakobu ogho ghaholire.
s Sela
S*
5
Karunga ghayenda nandjiyo Hompa naliywi lyarumbendo.
6
Yimba mukupandura Karunga, yimba nakupandura; yimba mukupandura kwaHompa wetu, yimba mukupandura.
7
Mposhi Karunga ndje Hompa palivhu napandje; yimba mukupandura nakuvikwata lighano.
8
Karunga kupangera dimuhoko nadintje; Karunga kushungira kushipuna shendi shakupongoka.
9
Vahompaghona vavantu vamapongo pamwe navantu vaKarunga vaAbrahamu; mposhi shipopelita shapalivhu kwahemana kwaKarunga; ghuye kwamupandanga ghunene.