Ruvambi 46
Kuvampititi vamusika. Ntjumo davana vaKorahi vavakafumu; kupitira kwaAlamothi. Rushumo.
1
Karunga ndje mupopeli wetu namunankondo wetu ghuye kumoneka kumaghudito ghakatere.
2
Mpo ngolishi kapi ngatutjira, waronka ghudjuni ghukutjindje, nampiri ndundu ngadi ndundume mudimushima dalifuta,
3
mpiri ngoli ndjigho yamema ntani ghugara, ntani nampiri ngoli ndundu kundunduma nakundundu
S Sela
S*
4
Mpoghuli mukuro watumukuro two twatulitopo ruhafo munkurumbara yaKarunga, livango lyakupongoka oko vakaranga vavanene.
5
Karunga mpwali mukatji kend; kwato ngavi mughupopo; Karunga ngamuvatera, ntani ngakirugha mukulya kuvaliyuva ngurangura.
6
Dimuhoko ghadigarapa, ntani virongo ghavikunyungu; ghashuku liywi lyendi, ntani livhu ghaliyengumuka.
7
Karunga wavakareli natwe anakara; Karunga waYakobu ndje mupopeli wetu.
s Sela
S*
8
Yiya, mukukengurura virughana vyaHompa lidjonaghuko lyo ghayititapo palivhu.
9
Ghuye kushayikita vita kughura wapalivhu; ghuye kutjora ngumba ntani nakuteta lighonga maruha namaruha; ghuye kushora vikupopilita vyavo.
10
Mwena ntani yivashi ame Karunga; ngavankarera mukatji kadimuhoko; ngavankarera palivhu.
11
Hompa wakukarerapo natwe anakara; Karunga waYakobu ndje mupopeli wetu.
s Sela
S*