¹ Ame nahora Karunga mbyovyo shighuye kuyuvha liywi lyande ntani kundjuvira nkenda. ² Mukondashi ghuye kuntegherera, ngani mushungida pashirugho ashi nakuparuka. ³ Mango damfa dinankundurukida, ntani ghutjirwe wantoko ghunankundurukida; ghoma naghutjirwe naruguvo. ⁴ Makura mbyona kukugha lidina lyaKarunga: ''Nakanderere Hompa, mpopere liparu lyande.'' ⁵ Karunga wankenda naghushiri; Karunga wetu ghuye muwa. ⁶ Karunga kupopera vakudira nkondo; angupire mughudito nakumpopera. ⁷ Monyo wande ghuvyuke paghupyuyumukiro wawo, mukondashi Karunga muwakwande. ⁸ Waparura liparu lyande mumfa, mantjoghande mumaruntjodi. Nampadi dande nashawa. ⁹ Ame kunipanda Karunga pandunda yalivhu. ¹⁰ Napura mumwendi, mpili ndi anighambashi, ''vinampatakana ghunene.'' ¹¹ Mpilindi momo napiyaganine nakughambashi, ''Vantu navantje vana vipempa.'' ¹² Weni mo nganimufuta Karunga kunkenda yendi kwande? ¹³ Nganimutwarera Hompa ndjombo yaviyimwa, nakukugha lidina lyaHompa. ¹⁴ Ngani tikitamo maghano kwaKarunga kumeho yambunga yendi. ¹⁵ Ngoli ghureru tupu movyakoranga Karunga, ntjene muntu wendi anafu. ¹⁶ Hompa, weno, ame nishiruwanito shoye; Ame nishiruwanito shoye, mona muruwanighoye wamukamali; ghuna ntjutura mumango dande. ¹⁷ Nganidjamba ndjambo yakutapa mpandu nakuyita lidina lyaHompa. ¹⁸ Ngani tikitamo mughano kukoye Hompa kumeho yambunga yaKarunga, ¹⁹ Mudimukara dakundjugho yaHompa, namuYerusalema, pandenu Hompa.