¹ 3Nu tjiua tji uina: kutja mo majuva uo maandero ma ku je ku kara o tuveze o tuzeu. ² Orondu o vandu ma veje ku rira o verisuvere o veni, o vasuvere vo vimariva, o verihive, o veritongamise, o vajamburure va Mukuru, o vehina nduviro ko vakuate vao, o vahinandangi, no vehinaujapuke. ³ O vehina zonduma zo ngaro jo vandu, o vehinanduvasaneno, o vakuminine, mbe ha sora oku porisa o zonduma zao, o vindandi vio ku njona, o vanjengue vo uua. ⁴ Mave ku rira o vahorore vo vineja, o vehinanatja, o verivare, o vasuvere vo mizeze oku kapita Mukuru, ⁵ Ma veje ku munika otjo vakambure kombanda, nunguari ave patana o masa uo ukambure. Kara kokure na imba mbe ri nai. ⁶ Orondu imba o hamukueena imba ovo imba mbe njongera mo zondjiuo nu ave pukisa o vakaendu o majova. O vakaendu mba haverua ijo mauvi, mba pukisiua ijo zonduma pekepeke. ⁷ O vakaendu mba mbe rihonga aruhe, nunguari mbe ha roro oku vaza ko ndjiviro jo uatjiri. ⁸ Nunguari otja Janes na Jambres tjiva pirukiririre Mose, imba uina otji ve pirukira o uatjiri. O varumendu vo zondunge nda zundara, o hunga no ngamburiro ka ve jakurirue. ⁹ Nunguari kavena ku ma vei. Orondu o ujova uao tjinga ama u je ku raisiua ku avehe, tjimuna o uo varumendu mbena tji ua raisirue. ¹⁰ Nunguari ove, ua tjiua o mahongero uandje oku ura, o muano uoku hupa, ezeva roku hupa, omngamburiro, oku kondja orure, o rusuvero, o muretima, ¹¹ mbamisiro, ozo ngondjero, na mbia karere kombanda jandje ko Antioka, ko Ikonium, na ko Listra. O zondatumisire ndu mba zara. Nunguari, muzo azehe Muhona ue ndji kutura. ¹² Nu avehe mbu mave kara no umukuru mu Kriste mave ihamisiua mo mbamisiro. ¹³ Nunguari o vandu o varunde mave riama ko murungu mo urunde, amave pukisa ova kuao noku pukisiua. ¹⁴ Nunguari ove, kara mo vina imbi mbi ua hongua, mbi ua zikamisirue mu vio. Amo tjiua kutja ue rihonga muani. ¹⁵ Nokutja oku za ko utiti ove ua tjivirue o matjangua o majapuke. Nge jenena oku ku pa o unongo mbu tuara ko ndjamo mo ngamburiro ndji ri mu Kristu Jesu. ¹⁶ O matjangua ajehe ja suvanua i Mukuru. Nu jena o ndengu ko mahongero, ko maverero, ko maviuriro, no ko marongero mo usemba. ¹⁷ Kutja o mukarere ua Mukuru a puisiue, aa rongerisirua o tjiungura atjihe o tjiua oku ura.