¹ Paurusa, o muapostelo ua Muhona Jesu Kristu mo mbango ja Mukuru, otja ko makuizikiro uo muinjo nge ri mu Kristu Jesu, ² ku Timoteusa, o muna uandje o musuverua: O tjari, no hange okuza ku Mukuru Ingui Tate na Kristu Jesu o Muhona uetu. ³ Metja okuhepa ku Mukuru, ngu mbi karera oku za koo tate mukururume, no urizemburuka o ukohoke, kutja noku hina ndjandero mbi ku zemburuka mo zongumbiro zandje o utuku no mutenja. ⁴ Tji mbe zemburuka omahoze uoje, mbi zera oku ku muna, okutj mbi urisiue no ndjoroka, ⁵ Tji me zemburuka o ngamburiro joje ndji hina tjavivi, rutenga ndja karere mu njoko mukurukaze Lois, na mu njoko Eunice, ndji mbi kambura kutja uina iri move. ⁶ Opu me zu oku ku zemburukisa kutja u rurumise o tjijandjeua tja Mukuru tji tjiri move no majambekero uo make uandje. ⁷ Orondu Mukuru ke tu pere o mbepo jo umumandu, nunguari jo masa no rusuvero no zondunge o zo mbua. ⁸ Opu u ha sere oku tisiua ohoni ijo mahongononeno uo Muhona uetu, poo i uami, Paurusa, o mupandekua Ue. Nunguari, kara no rupa moku ihamisirua o Mbuze o Mbua otja ko masa ua Mukuru, ⁹ ingui ngue tu jama nu ngue tu isana no maisaneno o majapuke. Neje uaungura itji, ku ku heri otja ko viungura vietu, nunguari otja ko mbango Je o muini no tjari tji tja jandjeua ku ete mu Kristu Jesu ngunda ape hija kara o ire. ¹⁰ Nunguari nambano ondjamo ja Mukuru ja vandururua mo maraisiro uo mujame uetu Jesu Kristu, ngua jandekere o uvara uo ndiro, a jeta o hupo no muinjo ua aruhe ko ndjerera mo Mbuze o Mbua. ¹¹ Nu indji, ami ndji mba toororerua o muzuvarise, no muapostelo, no muhonge. ¹² Ojo uina ndji mbi ihamisirua mo vina mbi. Nunguari hi tohoni, tjinga mbi tjiua ingui ngu mba itavera mo. Nu me tjiua kutja eje ma jenene oku takamisa itji tji tja tuiiua mo ndjeverero jandje nga ke Juva indo. ¹³ Kakatera ko ngaro jo mambo o maua ngu ua zuvire muami, mo ngamburiro no rusuvero ndu ruri mu Kristu Jesu. ¹⁴ O tjina ijti o tjiua Mukuru tja tua mo ndjeverero joje, takamisa no Mbepo o Ndjapuke ngua, tura muete. ¹⁵ Itji ove mo tji tjiua, kutja avehe mberi mo Asija ve ndji tanaukira. Tjiva vao averi oo Figelus na Hermogenes. ¹⁶ Muhona nga sere o ndaja ko ndjiuo ja Onesiforus, eje tjinga ae ndji huhuminine po tuingi nu tje ha zepaisirue ijo mapando uandje o honi. ¹⁷ Nunguari, eje tje ere mo Rome ue ndji pahere no uvandi nga tje ndji vaza. ¹⁸ Muhona nge mu pe kutja a mune o tjari oku za ku Muhona me juva ndina. Mo tjiua naua kutja ue ndji karerere vi mo vina o vingi ko Efesus.