¹ Kurih salop minit kau sinka Tiberio Cesar king kawadai; pailat laih tunun nuhni dai Judea pâ niyak, Herod laih taka Rom yak tunun kawaday Galili kat, Herod wahain Philip laih iturea, trakunite kidi said yak tunun kawada; ² Anas dawi kayfas karak tunun kawaday Juan Sakarias walanbis al papang yuln kaina, muih yalahwas poni yak. ³ Witin pâ bolna bitik yak kiuna Jordan kun yak, sumalwaday putni lanin dawak was siwi yaknin yulni kapat laih dutnini balna dawi disnin yulni. ⁴ Prafit Isaias wouhnitaya yak ulna sakki; MUIH YALAHWAS PANI YAK TINPAS AS YAKAPDANA DAI: "PAPAG TAN KIOI KAMA PALNI YAMTANAUH, ⁵ CUDUNNI BALNA KIDI PAPAT LANIN NAWAKAT PANPAS ASANG BALNA KIDI SAHLAKNAKARAG DAWAK TÂ KAWAIMY BALNA KIDI BARANGNI LANAKARAN DAWAK PÂ BALNA PAPAT AWAS BALNA KIDI PAPAT LANIN ⁶ DAWAK KAPAT LAIH MUIH BITIK PAPAG TALWARAN." ⁷ Kapat dawak Juan yulna muih mahni balna yakat witin ayangi yak was bik siwi yakwakarang. Warad: "¿Mana, muihi dutni kira muihn balna mana?, ¿Wais mik mana yulwak dakanamana papang witin ramh kaiwakidi? ⁸ Kapat banh, minik yamni yayakwan dawak putnina bik yamni karak lalawarang. Dawak tatuna yuyulwas karang mana dawak witinna balna karak: "Yangna Abraham yak duta yangna papang kina rapat", kath yangmik mana yultayang papang laih sipki dulaunin Abraham walanbis balanki adi kidara pisni balna ady. ⁹ Waradikidi ki kidi ana sakki pan saryak. angdi panan minik yakwaskidi dakwi rumna karan kuh pau yak." ¹⁰ Dawak muih balna kidi yuldakakawadai: "¿Dawak ais yamniknaya?" ¹¹ Witin kalyulna:"Muih as di bû duwakidi, as kalaninki dis kidi yak wais diukna duwakidi kapat yamninki." ¹² Tunun minit yakwa muinh balna bik aina daih was siwi yakwaran yulni wat kalyuyulna: "Sumalyang, ¿ais yamnik naya?" ¹³ Witin mik kalyulna witinnayak: "baisa lalah yayakwini ais pitni kidi kat". ¹⁴ Soldado balna as mik dakana: "¿Wath ais yangna yak? ¿ais yamni nayah?" Witin kalyulna: "Lalah duduwini muih kau pak taih yakta ais duta man kidikat." ¹⁵ Waradi muih balna tahawaban dai Jisas kaiwaran yulni, muih bitik yuldakakawa dai putnina kidi Juan yak Jisas kulalawadai Juan yak. ¹⁶ Juan yulwi yulwadai muih balna bitik yak: "Yang kidi, was sita yang mana balna yak was yak, bik kaiwi parasni kau duwi yang karak yang sip awasyang susni wanhbik uluhnik. Witin was siwaran muih balnayak spirit holikira dawi kuh pau karat. ¹⁷ Witin tingni yak sakki klin yamnin din kidi dawak anayakminkidi trigo kidi apaknanniyak. Bik untak kidi busna karak kuhpau karak. ¹⁸ Mahni smalkna karan, Juan yul yamni balna kidi muih balna yak, ¹⁹ Herodes kidi muih sak dauna day wahaini yalni karak duwa dai kidi, Herodias wat dibalna bitik dutni yamwa dai kidi, ²⁰ Witin naini yamna muih ina balna dai: Juan yak silak yak ana. ²¹ Waradi kaina ais yamnin muih balna bitik siyaknin, Jisas bik was kawi kalahna dawak witin minit yulwa sakkat kisang kidi apahna dai, ²² dawak Spirit Hulikira kidi witin minit tanyak kaibuknaday butku as kapath wath yakapdi yulwa day, kisang makoupak: "Man kidi yang walakbis latuan matalyan yang manyak latuan matalayan." ²³ Dawak Jisas warkni ta dulauna ten, witin duwa day kurih trainta, witin kidi walanbis day Jose walanbis day, witin kidi Eli walanbisday. ²⁴ Witin matah walanbis, Levi walanbis al, Melqui walanbis, Juana walanbis, Jose walanbis al day. ²⁵ Jose kidi Matatias walanbis, Amos walanbis, Naun walanbis, Esli walanbis, Nagai walanbis. ²⁶ Maath walanbis, Matatias walanbis, Semei walanbis, Jose walanbis, Juda walanbis. ²⁷ Juda kidi Joana walanbis, Resa walanbis, Zorobabel walanbis, Salatiel walanbis, Neri walanbis, ²⁸ Melqui walanbis, Adi walanbis, Gosam walanbis, Elmodan walanbis, Er walanbis, ²⁹ Josúe walanbis, Eliezer walanbis, Jorim walanbis, Matat walanbis, Levi walanbis. ³⁰ Levi kidi simeon walanbis, Juda walanbis, Jose walanbis, Jonán walanbis, Eliaquim walanbis, ³¹ Melea walanbis, Mainan walanbis, Matata walanbis, Natan walanbis, David walanbis, ³² Isai walanbis, Obet walanbis, Booz walanbis, Salmon walanbis, Nasón walanbis. ³³ Nasón kidi Aminadab walanbis, Admin walanbis, Aram walanbis, Esrom walanbis, Fares walanbis, Judá walanbis ³⁴ Witin kidi Jacob walanbis, day Isaac walanbis, Abraham walanbis, Taré walanbis, Nacor walanbis, ³⁵ Witin kidi Serug walanbis, Ragau walanbis, Peleg walanbis, Heber walanbis, Sala walanbis, ³⁶ 36 Sala kidi Cainán walanbis, Arfaxad walanbis, Sem walanbis, Noé walanbis, Lamec walanbis, ³⁷ Matusalén walanbis, Enoc walanbis, Jared walanbis, Mahalaleel walanbis, Kainan walanbis, ³⁸ Enós walanbis, Set walanbis, Adan kidi papag wanabis al.