¹ Kidi man yak di kalahna balna César Augusto pamna lâ ulna as yulwi muih balna kidy bitik ayahni aninki pâ bitik yak. ² Adika laih tatuna ayagni ulwaday Cirenio kidy tunun nahni kawa sak day Siria tawanni yak. ³ Kapat dawak muih balna bitik uina panina yak ayannina ulnin yulni. ⁴ José bik kiuna day Galilea kaupak pâ nuhni as ayanni Nasaret Judea David paniyak ayanni Belen, kat witin kidi laih kalmuih palni day David kal pak. ⁵ Witin bik kiuna day ayanni ulnin Maria karak, pramis nuhni duwaday witin karak, kapat dawak ban kauday. ⁶ Kidi minit yak witigna ban yak kaina walanbis dunin Taimni yak. ⁷ Witin walanbis has sahna walanbis baraknini asna naini as yak balakwi lakna day tinglay un as yak kat kidiyak pâ uk as bind disday witing yak. ⁸ Kidiyak banday sumalyan balna kidi pan yak wawat waday, maintalwi banday pukta bitik. ⁹ Jisas ensalni as kalahwa igni nuhni kalawaday witingna balna banday yak muih sak dawi banday. ¹⁰ Dawak bik insal as kalyulna witingnayak "Mana yamanduwininh kat yan yul yamni duitayan manayak alasna nuhni as mana bitik yak. ¹¹ Warman muih as kaina pâ bitik yak jabit yaknin muih as adi saun yak David saunh ka ¡ayanni laih Jisas krais! ¹² Adika kuduh sain as kalana karan, mana balna yak, kalpaknama muih bin yak basna yak balakwi lakna sackaran tin lauh ûn yak" ¹³ Kapat dawak, ensal mahni palni, aiwa aiwawan wa day papan yak wat yuyul waday: ¹⁴ "Yamni palni papan yak kisan mayak sauyak bik muih balnayak wais witing yak kidi balna yak." ¹⁵ Wat ensal balna kidi ramh kisan yak uina tem sumalyan balna yulwaday muih balna yak, "Mawanah waradi Belen yak watin talnin adi kalahna balna adi" ¹⁶ Witingna istipalni uina day kalpahni yulni Maria wat José yak wat tatalna muih bin balak wi lakna tuskat tin lauh ûn yak. ¹⁷ Vitik dawak witinna tatalna day, wat nukakalna muih vin kidi yulni. ¹⁸ Muih bitik dakakana balna ¹⁹ Bik Maria laih uba kulawaday di balna kalahna kidi yulni witing muih sak daunaday putniyak. ²⁰ Sumalyan balna kidi ram uina day alasna nuhni as karak aiwanwi papân yak di kalahna balna kidi yulni ais yulna kapat kai kalahna. ²¹ Mâ laiwakat Jisas kidi ayanni anaday ayanni laih Jisas kidi ayanni kidi ensal as mik kaladay baisa nananni ban pas yak kawas kapak uman ayanni kidi kalanaday. ²² Baisa mâ mahni yak witigna balna wat day klin kalnigna bik bayakna, Moises ulnanikat lâ balna yak, José wat Maria karak dui uina Jisas Jerusalen yak papan ya ninigkanin. ²³ Ulnani yak kapat papan lani balna yak: "Andi alni kidi banbas kidi apahwaran kat sait yak lawardel Jisas di karan." ²⁴ Kapat dawat witigna sacrifais kalalana papân lani yakati tin lau kurih has duwa balna kidi karak. ²⁵ Adiyak muih al as yakday Jerusalem klinkiraday witin yal dutni disday witin tajawaday alas na kalanin Israel yak kay spirit kidi witin yak sakday. ²⁶ Witin yak nininkanaday, Spirit hilkira yak, kat witig kidi dawas karan baisa Jisas krais yak talwas yak. ²⁷ Spirit kidi witin yak tadunaday Simeon yak prias ûn yak kanin, kapat dawak papan balna duduina day JIsas bintis yak ais lâ duduwaday kat yumnin. ²⁸ Witin duna muihnim kidi salahni yak dawak papan yak alasna kalawi apat yulna: ²⁹ "Waradi laih datah kiwan man wankma muin pri kalna Jisas man yulm yakat. ³⁰ Kat yanna miknapa talna yanna suhitni kidi. ³¹ Kat man ridi yamnaman muih balna bitik muhninayak pâ balna yak. ³² Igni as muih balna yak nininkawi kulawas balna yak, wat alasna man pâm Israel yak. ³³ Muinh bon papân wat nanan karak muihsak dauwi banday di kalahna balna kidi yulni dakana balna kidi witin yulni. ³⁴ Simeon mik minit yulwi apat yulna Maria nananyak: "Kapat palni adi muihbi laih wal yakna aski bukna balna wat yaklaunin kidi Israel muihbalna wat jain as kalahna bik nûkalalahwas day. ³⁵ Wat ispara as putnina papasyak tirwaran kapat dawak muih balna kulalawaran putnina yak yuyulwaran." ³⁶ Profecia yal as ayanni Ana yakat sakday witin kidi Fanuel walan bis yalday tribi as ayanni aser day witin kidi muihbarakday witin kurik mahni duaday maritni karak kurik 7 baisa walabis kaupak. ³⁷ Wat muih barak piarka ni kidi duaday kurik 84 laihnaday witin dawas day prias ûn kiwaday yunh wauwi minit yulwi karak pukta wat madik bik. ³⁸ Kidi minitni awarniyak witin kainaday witinayak tigki yulwi papân yak yulwaday muih bin kidi yulni, muih balna bitik yak tahawabanday Jerusalen yau di wisam yulni. ³⁹ Di balna bitik yamnin day kidi yamnaday Jisas hais watday kat ulna balna bitik witigna uinadai Galilea yak, witigna pâ nina yak Jerusalen yak. ⁴⁰ Muih bin kidi barak waday parasni duwi kulana nuhni duwaday wat papan yamnini witin yak yaydey. ⁴¹ Papan balna kidi kunik bitik Jerusalen yak viwaday alasna kalanin insal bayakna man. ⁴² Witing kurih 12 duakat witigna wat ma ukcat iluina witinna balna kaput uman lan balna day. ⁴³ Kapat dawat witigna balna wawatnaday mâ balna mahni kidi alasnani nuhni yak bik muih bin Jisas kidi watnaday dagni yak Jerusalen yak papan balna nudisday. ⁴⁴ Witigna kulalana day kal uduhna pas yak sakday witigna balna ramh uiwaday tâ nay ni balna ramh uiwaday tâ nay ni balna yak kapat dawat witigna balna wawalnaday kal muih balna wat kal talyan balna yak. ⁴⁵ Wawalwak dis kat witigna balna wat Jerusalen yak ainadey wal ninna yakat. ⁴⁶ Kalahnaday mâ bas bayakwakat kal papakna day prias un yak yalahwu muih nuhni balna kal pakwi dakawaday yal waday ⁴⁷ Muih balna bitik dakana bana day muih sak dadauna day witigna balna kat kulana nuhni duaday mik wat yulwabalnaday. ⁴⁸ Wat witigna tatalnaday muih sak dawi banh day nanan mik kalyulna: "Walakbis ¿Ainin kapat yayamtaban? dakah, man papanma yan karak ma walta yanna day minit bani" ⁴⁹ Witin kal yulna: "¿ Aininya waltamanday? ¿Mana nu dismaria yan papanki unyan sak yan kidi? ⁵⁰ Bik witigna nu kakal wasday yulwadayki yulni balna kidi. ⁵¹ Kapat dawak witig nam kiunaday un yak witigna balna kalpat Nazaret yak yulna kapat dakawi witigna yak nanan kidi alasna nuhni kalana putni yak. ⁵² Bik Jisas laih barah waday kulanani yak wat nuhni ni yak papanni ai yulna kapat muih balna yulni.