¹ muih mohnikidi kalalana dai di yamni baranni as yamsalenna yul yulala muenh as darinna kidi balna pasyak di as yamni dawaran yulni dawak mayangna barak, ² ampat polni dana daikidi kapat dana dai mayang yak,wais balna pâ tâ tuna yah kaupak kau di nû yah yulwa yulni dawak sumalwa dai papanh yulni ³ yang bik yamni kulatayang yuldakanik kulatayang dai yulbana bitik sakkidi dilbalna bitik lân kalna tâ tuno kaupak baranni ulna kidi man yak,yamni palniki teófilo. ⁴ adi laih mari nû kalma rait palni kidi dibalna bitik kaupak mâ sumal na kidi yammi talma. ⁵ Herodes Sakatna maniyak,king kawa dai Judea pani yak,sak dai rait palni Sacerdotes as ayangni laih Zacarias, witin laih abias balna pas yak sakdai witin maritni yâl kidi laih Aarón walanbis.yâl dai dawak witin ayangni laih Elisabet. ⁶ bupak kasak balna dai papani munhyak,papanh lâ dana balna kidi bitik kasak kalalawa dai dawak papanh lâ baranni dana kidi kat. ⁷ bikg witinna walabis disbalna dai,kat Elisabet kidi ban wirna dai sip walabis sahwas dai dawak witinna bupak muih barak balna dai kidi taimni yak. ⁸ Zacarias witin papanh munh yak witin sumalwa dai tem, Witin minitiak pramias mahni wark mahni duwadai witin korak tulu kidi balna mik kapat dana dai. ⁹ Witinna yamnanina duduwa dai kidi sacerdote as walyaknin witinna yak sumalwaran, witin úman waliakna sakdai muih mahni kanina want dai papanh ûn yak kawi wayan yamni purwakidi buswak nanninatak yak wayan walapni dakanin yulni. ¹⁰ muih bitik bandai ahniyak mioitna yulwi bandai di wayan walapni buswa sak awarniyak. ¹¹ waralaih Papanh insalni as kalahna dai witin yak, dawak yaklau sak dai tigni nuhnini saitrak di wayan walapni buswasakkidi ûn yak. ¹² Zacarias witin talna teim muih sak dauna dai dawak bikg yaman dawi bukka kiuna dai witin minit yak ¹³ bikg insal al mik yulna witin yak: "ýantan suwinih,Zacarias,man mamat yulnaman kidi dakana. man maritmayâl elisabet walabis As duma.dawak ayangni pakma Juan. ¹⁴ Alasna duma dawak putma yamni awama dawak muih mahni liliakaran muih bin as duma sakman kidi yulni. ¹⁵ witin kau nuhni karan papanh munhyak.witin binabik diwas karan wasni dutni balna as bikg diwas karan dawak laih duwaran spirit yamnni manah witin manan utun sar yak sak dai kaupak. ¹⁶ dawak Israel walanbis balna mahni wat arwaran Jisas yak witin papán yak. ¹⁷ witin kiwaran tatuna Jisas yak spirit ni dawak Elias parasni ni karak.witin adi yamwaran muih balna putnina lawaran papn dawak walanbis balna bik,bik tapan dadasni balna kidi sip karan lapakninna kulana tanyak,bik,ridi kakal waran Jisas yak kidi pâ muih balna witin yak".' ¹⁸ Zacarias kalyulna insalyak:"'¿ampat nuawaki adi?bikg yang al muih barak as yak dawak yang yalki bik muih barakki'" ¹⁹ ensal mik kalyulna yang kuduh Gabriel,wais yaklawaran papanh munh yak.yang yapamna yulbauna yul yamni balna ²⁰ dawak adika yak walma yul bautasapdis sak awama di balna bitik kalawaran kat.man kulatasman dai yang yulkbalna yak,dibalna bitik kaikawaran Taimni karan."' ²¹ baisa pâ muinh balna kidi tahawa ban dai zacarias yak.witinna muihsak dadauna bandai witin ai ninh aihwa watwi sakkiah sumalnin ûn yak. ²² bikg witin kalah kiuna teim, sip yulbawa dai.witinna nu balna dai witin minik apaya di balna talwa sakdai kidi witin baisa sumalah ûn yak sak dai yak.witin baisa tanit yak sumalwi ninin kawa dai dawak bikg witin apdis sakdai ²³ kalahna dai witin sumalwa ûn yak sumalwa sak yak bayalna dai, bayakwi kiuna dai witin ûn yak. ²⁴ Mâ apis bayak wak,witin maritni yâl elisabet kidi ban kau kalna dai.dawak witin woiku sinka kidi yakmaldi manah sak dai.witin yulna: ²⁵ "'adika kuduh Jisas witin yamna kidi yang yak witin yatalna teim yamni karak yayamna dawak di barangni yamni karak yayakna muk sim dutayang dai muih balna muhnina yak'." ²⁶ Tias kau as warku yank,Insal Gabriel pamwak kiuna dai papanh mik pâ nuhni as yak kidi laih Galili yak dawak bikg pâ uk as ayangni laih nazaret. ²⁷ miri yal as sak dai promas nuhni muih âl as karak kidi laih José.witin laih sakdai David ûn yak,dawak miri yal ayangni kidi laih Maria ²⁸ Witin kaina dai witin yak dawak yulna:"parastanauh,iman wais manh yal yamni kasak kulayang as!Jisas witin man karak sakki.'" ²⁹ bikg witin kasak putni kulawa sak dai yul balna kalyulna kidi yulni dawak bikg kalyulwi dakawa dai ais sat kalparasnani yah adika adi. ³⁰ witin insal mik kalyulna; '"yaman duwinih,Maria,kat di prisat yamni as yakna monh papanh munh yak. ³¹ dawak man,talah utumsar yak walabis as dunea ayangni pakma 'Jisas'. ³² witin laih nuhni plani karan dawak bik yakap daran papanh kisong mayak sakman kidi walanbis.mâ pakwaran dawak papanh witin Jisas mik kalawaran witin pân kidi uk balna bayak wi aina David kapat ³³ witin king kawa karan Jacob ûn payokat kaunh sak karan dawak bikg sâu saran bikg diskaran witin king kawakidi yak.'" ³⁴ Maria mik kalyulna insal yak.'"¿ampat adi din adi kalah waran, kat yang baisa al as bik Dutos yang adi?'" ³⁵ Insalmik kalyulna: '"witin spiritni yamni kidi kaiwaran man mamat tan yakdawak witin parasnini kisang makaupak kai buk waran man mamat yak.kapat dawak witin yamnini kalah kaiwaran kidi laih yakapdaran papanh walanbis âl."' ³⁶ dawak talah,man wirahna yal Elisabet,kidi bikg walanbis âl as duwaran muih barak kalna yak.adi laih waiku duwi witin muih yal kidi,kalyulwa dai biarpara yal. ³⁷ kapat banh papanh nininyak di as bik di atnin din kidi diski.'" ³⁸ Maria yulna;adika kuduh yang yang Jisas yulni sumalwa kidi,yamtah yang karak bahan yultah man yulma sumalwa yalni as yang."' dawak witin insal kidi dawi kiuna. ³⁹ kapat dawak maria witin yaklauna kidi mâ bayakna man balna yak dawak isti patni kiuna dai pân pas pâ as yak,Judea pani nuhni yakat. ⁴⁰ Zacarias ûn yak kana dai dawak kalparasna dai Elisabet yak ⁴¹ Elisabet witin dakana dai maria mik kalparaswak,witin utunsar payak walanbis kidi bik sutna dai dawak Elisabet kidi alasna nuhni dakana dai spiritni yamni kasakni karak. ⁴² witin tinpas parasni karak yulwi dawak yulna;'"papanh yamni palni ma yamna yayal bitik pas kaupak dawak bik yamni plani karan utumsar payak sakkidi yak bik. ⁴³ ¿dawak bikg aininh yang yak yakalahna yah adi din adi Jisas nanan kidi kaiwaranh yang yak? ⁴⁴ bang talah,ampat yakapdakidi kalyulwi parastah yang tapak yak dakana yang,yang walak bis utuksar payak bikg sutwi alasnini karak bik sakdai ⁴⁵ dawak bikg yamni awama man,wais kulnayah bikg sak karan man yamni kulanamanh ban,di balna bitik karak karan Jisas yulna kidi kat."' ⁴⁶ Maria yulna:'"yang putki payak arwantayang Jisas ki yak. ⁴⁷ yang spiritki kidi alasna nuhni karakki yang papanhki yayamna kidi. ⁴⁸ dawak bikg witin talna dai yal as sins kira dawak kulawa yalni as talwi,waradi kaupak tanit yak dawak di bitk kaiwaran kidi ya yakapdaran yamni palni awah. ⁴⁹ bikg witin kidi ais yah di yamni balna dî nuhni yamna yan yak dawak witin ayangni laih santo. ⁵⁰ mai mikan dakawa kidi laih mâ bani dawak mâ bitik yak karan kidi balna yaman duwa balna kidi.witin yamna kidi parasnini karak wakaihwi duwaran; ⁵¹ witin parasni karak bikg yamna mih anwa balna kidi bik;putnina payak kulalawa balna kidi bikg. ⁵² witinna king balna unina yalalahwa kaupak lakna dai saû yak dawak dulauna dai muih kulawa yamni balna yak mâ yak dulauna. ⁵³ witinna yuh diwa muinh balna yakal dî ukna yamni karak,bikg muih nuhni lalah kira yak laih diskarak dana dai. ⁵⁴ witin hilp yamna sumalwa muinh as israel kaupak yak,witin kalawas dai ampat nininkanayah dalanipulni dakanin. ⁵⁵ (apat karak bik yulnamai papanhki balna yak)abraham yak bikg dawak muih uk balna banbalna yak bik yalcunh karan.'" ⁵⁶ maria watwi sak dai Elisabet karak waiku bas yauhnit yak dawak kidi bitik dawak ûn yak kiuna dai. ⁵⁷ kapat dawak Elisabet walanbis dunin termni yak kana dai dawak witin walanbis sahwi duna dai. ⁵⁸ yaihnit muinh balna dawak witin muinh balna dakakana witin Jisas mik nininkana dalan nuhni karak witin yak dawak alasna muhni duduna dai. ⁵⁹ Wara laih kalahna mâ ocho pas yak witinna uina dai muihbin kidi ayangni ulnin,Witinna yuyulwaran "'Zacarias"',witin Papán ayangni kapat. ⁶⁰ bikg witin nanan kalyulwi apatyulna:'"dikah witin yak yakapdana karan Juan."' ⁶¹ Witinna bikg yuyulna dai:"'baisa diski man muihm balna yakapdin kidi ayangni yak".' ⁶² Witinna yayamna dai sain kara witinna papaninayak yulwi dakawi karak ampat witin want kidi yakapdipak waran. ⁶³ witin papan yulna tat pi as kidi yak ulni dawak ulnadai:'"man ayangma kalaih Juan'"kidi bitik witik witinna laih muihsak dadauna dai kidi karak. ⁶⁴ kidi minitni yak witin tinpas kidi wapahwi yulna dai dawak witin tûn kidi yakna dai.witin yulna dawak papanh yak ai wanwi kalana. ⁶⁵ yaman du as kaina dai witinna ban atna bitik minitna tan yak adi din balna bitik kalahwi yuyulna kidi laih pâ balna bitik kaupak dawak Judea panpasni kaupak bikg ⁶⁶ dawak kidi balna bitik dakakana yakat laihwi duduna dai putnina yak dawak yuyulna dai"'¿ais karanh adi walanbis adi?'"ban Jisas tingni yak manah sakkaran witin karak. ⁶⁷ man papanma Zacarias kidi spirit yamni mik putni yak bahn ulna dai dawak sumalwi,apat yulnadai: ⁶⁸ "'yanni palni karan witin Jisas, witin Israel apparihni kapat banh witin kaina muih balna bitik yak subit yaknin yulni. ⁶⁹ witin parasnini karak kaina dai muih balna yak subit yaknim witin sumalian David ûn yak. ⁷⁰ witin ais yulna kidi kat karan muih yamni balna tinpas kaupak yuyulnwaran wais mik ainayah umani kaupak balna. ⁷¹ witin duiwaran subit yaknin ma waikla kaupak dawak witin bitik tingnina kaupak waismik witin yak dutni tatalwa kidiyak. ⁷² witin yamwaran adi din nininkawarandalani dakanin mayangna papan hni yak dawak bikg kulannin pramas yamni as yananin karakkulanin. ⁷³ Witin promas as yamna abraham yak mâ papanh mik. ⁷⁴ witin promas yamna mâ wailaki balna kaupak dakwi mai yakno,yaman dudas yamda adnin ⁷⁵ mâ bani witin muhnyak di yamni balna kidi yamdi klinadnin witin munh yak. ⁷⁶ bahan,dawak,man walanbis,ayanni kidi laih apdama prafit as kisang mayak sak kidi yak,bang man yawama tatuna Jisas tan kidi yamna. ⁷⁷ Witin kalaworon yamni kulana lani subitna lani witin pani yak dutni yamwa balna kidi bitik dawi diswaran. ⁷⁸ adi kalahna dai sau yak yamni talna lani papanh kaupak,andi kaupak ingni nuhni kaiwa yah mâ kaupak kaiwaran hilp mai yamna. ⁷⁹ ingni yamnin kaina kidi muinh balna puksahwa yak ban kidi wat dauna balna kapat karan.witin yamwaran adika tân yak lapakninpri lani yak.'" ⁸⁰ waradi muihbin adi barakwadai wat parasni duwadai spirityak dawak sakdai muih dis pasyak mâ as kat kalahna muihbitik munh yak Israel pân yak.