Juan_HRomeroC-tca-CO-ticuna_mat_text

Kapituro 18

¹ Yeguma ngẽma i nguneü̃gu, ngema nawé i i̇̃i̇̃i̇̃ü̃, rü naü̃tawá na i̇̃ ya Ngechuchu rü ñanarügügü: "¿Teéti arü tamaeẽ i dauguü̃ i nããnewá?". ² Ngechuchu rü wüi a bueka̱ na ka, nã naü̃tawá ta uü̃ka̱, rü nawé i i̇̃i̇̃i̇̃ü̃tanügu tüna mũ. ³ Rü ñanarugü "Rü aikümama pemã nüchi u, ngurachimanãẽka pegü pena kaichigüẽẽgurika rü bua̱gurüü̃ pegü pena i̇̃i̇̃chiquẽẽ gurika, rü kawakütãã pechoku i dauguü̃ i nããnegu. ⁴ Ngemaka̱ tee ya tügü irü irae dae buerüü̃, rüta tarü ta, mae i dauguü̃ i nããnewá. ⁵ I teé ya tüü̃ yauẽ a wüi bue, ñuma daerüü̃ i chauegagu, rü choü̃ni ta yauü̃. ⁶ I teé i na üẽ, na wüi i daegü buagü i chowá a õẽ, nã chieü̃gu ta nguü̃, rü narü memae i tüü̃ nã wüi taü̃ma nuta i molina naka̱ i iü̃, rü̃, rü tümanaãgu na weẽü̃, rü ochinã tüna ñagüü̃ i martamagu. ⁷ ¡Takü tana ngupetü i nãnemãci ngẽma guchaü̃güka̱! Erü woó ngemaakütata, ngẽma guchaü̃gü ina ngugü notürü, ¡Ñuatagüü̃tawai a yiema duẽẽ a tümaka̱ ngema guchaü̃gü i ngugüe! ⁸ Ngẽguma kume a kukutü kuü̃, ña ki ükuü i maügu ngechakuüakü o̱e̱ná ngaineküüaku, rü nã kuna ñayüü̃ i wüi i yauraãñeügu i taguma i oü̃, kuü na ngemaakü i kurü tarene̱e̱ o̱e̱ná kurü tarekutü. ⁹ Ngeguma kurü kuetü kuü̃ i ngẽẽgu, ina kauchi, rü kurü yaü gu na ña. Erü narü memaẽ i kuü̃ nã nagu ku ükuü̃ i maü̃ i wüitetümãta, rü nã kuna ñagüü̃ i ngema yauraü̃anegu ku tareetüaku. ¹⁰ Nü pe dau nã taweeütama na o̱o̱güü̃ i ñã buü̃gü. Erü choma rü pemã nüchi u i dauguü̃ i nããnewá, norü duü̃ü̃gü i üüneü̃gü, guüguma nüna daugü i nachiwe ya chorü chaunatü a daũãnewá ngẽmakü. ¹¹ Erü nane ya yatü, rü numa na ũ, i norü poüwá i ngẽma marü rü tauü̃. ¹² ¿Kü ñuapegüü̃? Ngẽguma wüi yatü, nüü̃ na ngẽmãgui i cien oveja, rü wüi a yiemarü tarü taugu, ¿Tamataená ngẽma tüna tarü̃ a yiema noventa i nuevegü i tümapüü̃wá, rü tümaka̱ a dau a oveja arü taue? ¹³ Rü ngẽguma nüma tümamã norü ũgu , aikümakü pemã nüchi u ña na taũeü̃ta yeiraãkü a yiemãka̱ a yiemagü a noventa i nueveka ya toma rü tauẽẽ. ¹⁴ Ngegumaüü̃ta taũ norü nguchaü̃ ni i̇̃ ya kurü papá i ngema daüãnewá ngẽmakü nã wüi i ñã iraü̃gü rü na yuü̃. ¹⁵ Ngeguma kuenẽẽ chieü̃ kumã na ügu, ku nüna we̱ i norü guehaü i nüikatama. Ngẽguma kuü̃ na inügu, rü marü kueneẽ kuna gana. ¹⁶ Notürü ngẽguma toma kuü̃ na inügu, ngẽma kumãã na ngẽ, wüi o tare i kueneegü, ngẽguma ngẽmããküka i naãwagü i tare otamepü i testigogü, i wüichigü i dea nã nüü̃ i kuachigaü̃. ¹⁷ Ngẽguma nüma tama peü̃ na inüchaü̃gu, ku namã nüi u i ngẽma nachiga i ngutake̱e̱ patawá na inüchaü̃gu, kü kuü rüta wüii tama tupanaü̃ kuaü̃ rüü̃ ya i̇̃, o̱e̱ná wüi i ngémaü̃ arü notanüarü yauruü̃ a i̇̃. ¹⁸ Aikümakü pemã nüchi u, nã guü̃ma i ngẽmãü̃ i nããnewá pe wẽẽü̃, rü ma wẽẽtata i daugüü̃ i nããnewá. Ru quü̃ma i ngẽmaü̃ pe wegüü̃, rü ni wegütata i dauguü̃ i nããnewá. ¹⁹ Rü yeira kü pẽmã nüchi ũ, ngẽguma taregü i pẽmagü wüigata perü inüegu i nããnewá i ingeü̃ruü̃ i ngẽmaü̃ka̱ i pe kagu, rü ta peü̃ nana u a chorü papá i dauguü̃ i nããnewá ngẽmakü. ²⁰ Erü ngẽmã tare o tomepügü i ngemagüü̃wá, choma rü ngẽma cha ngẽmã i natanügüwá. ²¹ Yikama Pedru ngẽma na ũ rü ñanarugü Ngẽchuchuü̃: "Pa korí ñarepü̱kñüna chorü chauenẽẽ chiẽü̃ chomã na üü̃, rü choma nüü̃ nücha ngẽchaüü̃?" ²² Ngechuchu nü̃ü̃ ñanarügü: "Choma rü tama kuü̃ wüime̱pü arü tare kuü̃ ñacharügü, rü wai setenta, rü wüimepü̃ arü tare wai". ²³ Rü ngẽmãka i nããne i dauyuü̃, nana wui, reyraü̃ i naweeü̃ tã na narü purakütanüü̃mã na meẽẽü̃ i tümarü ngetanügü̃ ²⁴ Ngẽguma na ügügu, rü ngẽma nana gagü̃ i wüi i purakütanüü̃ i diez mil talento nü ngẽtanüe. ²⁵ Notürü nã tüma taumã tü ngemaü̃ nã tana ütanüü̃ka̱ tümarü kori rü nüna mũ, nã tumamã na taegüü̃ wüigu i tümãmamãã rü tümaakügümaã, rü ochí guü̃mã i ngema tü ngemaü̃mãã rü ngẽmaãkü tana ütanüü̃ka. ²⁶ Ngẽguma rü yiẽmã úrakütamüü̃ ngẽma taã ngũ, rü tarü ma̱ãchi nãpeegu, rü nüü̃ ñatarügü: "Kü choü̃ i na nguẽẽ, rü guü̃tãã kuü̃ cha ütanü̃. ²⁷ Rü yima kori a yiẽmã purakütanüü̃, rü tümamã ni auãchi, rü tuü̃ ni nge, rü ochi tümarü ngẽtanü na ngẽchaü̃. ²⁸ Notürü yema purakütanüü̃ rü yema na ũ, rü tümamã narü ũ a wüi a norü purakütanüü̃ nüü̃ na ngetanüe cien venariu Ngẽma purakütanüü̃ tüni yau a norü purakütaüü̃, rü tümãmããgu túni yau rü ñanarügü. "Na ütanü ngẽma choü̃ ku ngetanüü̃. ²⁹ Notürü yiẽma mamükü ngẽma tã ngũ, rü ochi nüü̃ ta ka̱gü̃akü nüü̃ ñatarügü: "Na ngẽchaüra i choü̃, rü guü̃tamã kuü̃ cha ütamü̃. ³⁰ Notürü nüma nü iraü̃ i purakütanüü̃ tama na nawe̱e̱, rü wai, nüma yema na ũ, rü yema tüü̃ nã ña i pokupataü̃gu, ñumata norü purakütanüü̃ nüü̃ tana ütanü i ngẽma nüü̃ ta ngetanüü̃. ³¹ Ngeguma ngẽma togüamã i purakütanüü̃gü nü daugügu i ngẽmã ngupetüü̃, rü porãkümã narü mãẽ i rü numa na i̇̃, rü nomã nüni ugü a norü kori, guü̃ma i yemã ga ngupetüü̃. ³² Ngẽguma rü norü kori a yima purakütanüü̃ rü naka̱ na ka, rü nüü̃ ñanarügü: "Pura kütanüü̃ i chiemareü̃, küü̃ nücha ngẽchaü̃ i guü̃ma i ngẽmã choü̃ ku ngetanüü̃, erü choü̃ naka̱ ku ka̱a̱ü̃. ³³ ¿Taũchie̱na kuü̃ ña ngẽmaü̃ i ngẽchaüü̃? ³⁴ Norü kori rü na nu, rü nüna nana mũ i pogütaeruügü, ñumata nüma na ütanüa gaüma i ngẽma nümã na ngetanüü̃. ³⁵ Ngẽgumarüütata, chorü chaũnãtü̃ dauguü̃anewá pemã nana ü, ngẽguma tama pena pendonagu i perü maunemã i wüichigui peenẽẽ.