1 Kuandi ria lonkoló a Kabá Maria Magadalena i María mae rí santiago kú Salomé, a traé habita kú oló, pa ané pole miní a ungi kueppo rí Jesús pa entielo. 2 Po maana endi prima ría rí makori ané a baé pandi oyo rí muelto rí Jesús kuandi só taba salí. 3 Ané bae chitiando ané ku ané kú ané ¿kiene a rorá piegra rí puetta rí oyo rí muetto po suto?. 4 Kuandi ané a miná, ané a miná ke aggien a rorá piegra kú sondá ngando. 5 Ané a lendrá endi oyo rí muetto i a miná un ombe betio ru chepa blanka, sendao a a lao rerecho, i ané aá asombraó. 6 Éle a Chitiá ané temé nú. Enú a ekabbata a Jesús. Ma nazareno, kiene jué krusifikao. ¡Éle ta akí nú. Miná paraje andi ané a pone Éle. 7 Pelo baé chitiá a risipulo rí Éle i a pedro ke Éle bae lande rí ané pa Galilea. ai enú a miná asina kúmo Éle a chitiá. 8 Ané a salí ledendo rí oyo rí muetto; ané taba temblá i marabilla. Ané a chitía na nú a Narie pokke ané a ten mielo. 9 Pa maana endi prima ria makori repué ke Éle a lebandá, Éle a salí a María Magadalena lo que Éle abeba ichao sielingó epiritu puekisusio. 10 Ella a bae i a chitiá a la ke taba ru É le. Ané tando akongajao i yolando. 11 Ané a kuchá ke Éle ta kú mbila i ke Éle jueba minao poele, pelo ané kré nú 12 Repué rí e ma kusa, Éle a salí rí uto fomma a bilingó gende, kuandi ané bae jariando pa monde. 13 Ané a bae a kond;a a uto risipulo i ané a kré nú. 14 Jesús a salí a onlingó kuandi ané tulon rekotao endi mesa i a brajutá pokke ané kreé nu a kiene a miná Éle repué ke Éle a lebandú rí muetto. 15 Éle a chitiá ané: "bae a tu tiela i prediká evangelio a to kreasio. 16 Kiene kré i tá bautisao tan sendí sabbo, kiene kree nú tan sendá kondenao" 17 E seña tan bae kú gende lo ke kré. endi nombe mí ané ta ichá epiritu puekisusio. Ané tan chitiá endi uto lengua. 18 Ané tan ngalá kulebra kú mano i sí ngalá kusu ke polé natá ané bae pasá ané na nú. Ané tan poné mano endi chajoso i ané tan saná. 19 Repué ke no a chitiá ané Éle jué tomao pa sielo i sendao en di rerecha, rí rioso. 20 Ma risipulo a bae y prediká andi ané keleba, Ño a makaniá ku ané i a chitiá ke kusasendá asina po seña milagosa ke seguí ané.