1
Antonse , kuandi suto nú poleba resití, pensá ke a sendá kaiko ke enú rejá suto pó trá solo endi Atenas.
2
Suto mandá a numano Timoteo i minitro ri Rioso endi ebangelio ri Kristo, pa fottalesé i konsolá enú, pa ke narié jueba petubao pó e kusa.
3
Enú sabé ke pa é kusa suto a ta kojió.
4
Ri belá belá, kuandi suto tatba kú enú, suto a chitía ri nbe ke prondo akongojamiendo tán miní, a sufrí akongojamiendo i a paso, kumo enú i paso a sabé.
5
Pó e kausa, kuandí i polé aguatalo nú, i mandá a Tímoteo pa polé sabé fé ri enú. Kisá é tentaro uniera atentao i makaneo suto tanba pelé.
6
Poro Tímeoteo a miní a tree má fecha ri fé i gongorokó ri enú. Elé a chitía enú tó tiembo a tén buena memoria ri suto, i ke enú resia pa suto topetá tando kumo suto resiamo topetá a enú.
7
Pó é kusa numano suto sé kosolao pó enú pó merio ri fé, endi tó é kusa i tó kongogá.
8
Agüe suto tá bibí, si ennú kelá kú bilanté endi Ño.
9
¿Ke grasia suto polé ndá Rioso pó enú, pó tó jarochería ke suto a tén ri lande ri nuetro Rioso pó ensima ri enú?
10
Pó okkurana i pó ría suto a tá pirí a Rioso kú kañaña ke suto polé güatía kala i probeé lo ke a tá fattado endi fé.
11
Ke Rioso memo i Tatá suto , i e memo Ño Jesús ririjí kaddume suto pa andi enú.
12
Ke Ño aga ke é gongorokó kreka pó chochá lendro uto i uto asia tó gende, kumo suto a enú.
13
Ke Elé aga é kusa pa fottalesé kolasó sutto ri kulpa endi satirá lande ri Rioso i Tatá,endi benía ri Ño Jesús kú tó ma satto.