1
Pablo, Silbano i Timoteo a ilesia ri to má tesalonisenses endi tatá Rioso i Ño Jesukristo. Ke nglasia i pá tan sendá kú to enú.
2
Suto to tiembo ndá nglasia a Rioso po to enú; chitiando ri enú endi orasión ri suto.
3
Suto a kolá to tiembo ri enú, lande ri Rioso tatá suto, po obra ri fe ri bo, makaneo ri gongorokó i pasiensia endi konfíansa endi futuro endi Ño suto Jesukristo.
4
Numano amaos po Rioso,
5
suto kunosé ñamao ri enú, kumo ebangelio ri suto a miní a enú, nú sendá kú palabra nú má si nú tambié kú kutú, endi Epiritu sando i kú chochá ri konfiansa. Ri e memo fomma enú a kunosé kiene jueba suto lendro ri enú po e gongorokó ke suto a ten po enú.
6
Enú asé lo memo ke suto i ke Ño, miendla a resibí palabra endi tribulasión kú jarochería ri epiritu sando.
7
Kumo resultao, enú a bobbé endi ejemplo pa to má kreyente endi Masedonia i akaya.
8
Pokke a salí ri enú palabra ri Rioso asé kuchao, i nú sendá aí Masedonia i Akaya nú má, si nú endi to paraje andi fé ri enú endi Rioso a regá. Kumo prueba, suto ten nesesirá ri kombetsá na nú.
9
Pokke ané memo a kondá, kumo enú a resibí a suto. Ané a kondá kumo enú a kambiá má idolo po Rioso, pa se moso ri Rioso lo ke a sendá bibo i ri belá belá
10
i ané a kondá ke enú tan eperá a moná reje nsulú, a kiene éle a lebandá reje má muetto, E sendá Jesús, kiene a librá a suto ri ira ka a ta po miní.