¹ Nese yai Booz, iriacawa capi imuna nere walinacatenawa neni. Sicota niai iyacale minanai mawieniyeica iri yai Booz, natanica yapicha iwali yai Booz, naima iri pia numanubaca piawasisara mawanita pianawa chai, yate asiali yatewa mawianita yawina cawa. ² Nesete Booz, yeda diez (10) asianai niani beyei iyeyeica yacale iricu, ya imaca nali piawinawa chai yate neni nayama nainacawa. ³ Booz, imaca iri yai yenacawa mawianirica iiri Noemí, yepoacatewa aiba yacale nesete yai Moab, yasu cali, nese iwendaca yepunicawa aberi yasuli yai cali yasucate yai wenasairi Elimelec. ⁴ Yate nuinaidacawa numaca piri, piwenia naacualico nia iyeyeica yawineyeicawa neni beyeica iyeyeica yacale iricu, yewa caali pepoadaca. Pepoadani camicali yewawa ya pimaca nuli nualiacatenawa cana quena aiba yepoderi pinatani ina nua iyeri pidenami, yete aiba asialica imaca, nuasi yeeweri yepoada cani. ⁵ Nesete Booz imaca: yasu eeri piweniaca yai cali uicha uai Noemí, yewa pina uedaca uani Rut ua moabita nesechúaca uai yacuerimi yetechúacawa, yewana pina ipidena iwalicani yai ⁶ calica. Nesete yai yena mawianita imaca, núa camita yewa nuepodacani nuliwani bawa caicha numanica nuyalewa pia imacawa nuipidena iwali, nuaquena camita yewa nuepoadacani. ⁷ Yate naiwitaise baluisaini niai Israel naica caica naiwitaise nepoadana pian aberi cayaberi aiba iri yewadapina nebaidaca macaita yai tacaisi, yai aberi asiali iwataca yasu zapato nese yaca imanubaca iiriba. Yate icacanawa namaica nalua tenawa baisicani yai namarica niai Israel. ⁸ Yasi yai yenasairi mawianita imaca iri yai Booz piwenia piriwari, nese yate iweniacani iwataca isapatuni. ⁹ Nesete Booz imaca nali niay beyeica macaita niai weneicaca, piacatacacue numanubaca icaca nuweniacani macaita yasuca yai Elimelec, macaita yai aiba yasu yai Quelión, yai Mahlón yate undenierica uai Noemí. ¹⁰ Nenite natanica uwali uai Rut moabita yacuetomi yai Mahlón: noata aiba yepoaderi pirini piyatena caide iyua nuacawetoa nuchaini iyu ide numacani numichaidacatena ipidena yai asiali yetericawa, iwali yai yasu cali, ipichana namusuadaca icha yani yenasairi iricuise nacai yai yaluca. Pitacue numanubaca siuca. ¹¹ Macaita nia weneicaca iyeyeica inumalicu nia beyei yanaca naimacate wiacata iqueyeini. Imanirica uli yai Wawacalica uli uai inanaica iwaloacalitewa picape iricule iyuwa uai Raquel yai Lea neni pilee, nawali niai imaniyeicate yai capica yai Israel. Cayabatena yacawa alei Efrata neni iwalisaidacawa alede Belén. ¹² Yatena piasu capi caicanide iyua icape yai Fares, yai asaite uri uai Tamar ipidena Judá, nawalise niai itaquenainami yai Waiwacali yeripinaca: piri ulicuise ua manacauca. ¹³ Yate nese Booz yedaca uai Rut, yate yacuetoca ua ya imaca uapicha. Yate yai Waiwacali imaaca quenibeca ua yate asaica uiri. ¹⁴ Quewa uai imanaica naimaca Noemí. Yai Waiwacali ibendisia pinaca piawa ya aita canaca penanai mawianita. Yacata pirii cayaberi pina ipide newi nia Israel. ¹⁵ Yacata ichunieri pina piri picauca yeri pina pichaini beru cali pia nese petacawa, caina cainina icacapia caina yai caineripinairipia cayaberi naicha nia penibe wia sieteca wia asaiyeica picha. ¹⁶ Nesete ua Noemí, uibaca yai sumai uliada cani ucutawa nese ya ucucani. ¹⁷ Uai umanubaca uaca uli ipidena umaca uli yai pirico aseirica Noemí. Nacate ipidena Obed, yate yaniri Isaí, yaniri pina yai David. ¹⁸ Siucade idenamiyei iyaca yai Fares: Fares ya yanirii yai Hezrón, ¹⁹ Hezrón irique Ram, Ram irique Aminadab, ²⁰ Aminadab irique Naasón, Naasón irique Salmón, ²¹ Salmón irique Booz, Booz irique Obed, ²² Obed yacate yaniri yai Isaí, yai Isaí yate yaniri yai David.