Juan_HRomeroC-pay_rom_text

Capítulo 11

¹ Akashkuá tasma ñahawá, ¿Patatishtama kakaspaskití to pesh wriha eka e'riró? Akenma tãripé. I'ka taswá Israelita as rawá, Abraham ayerwã as rawá tribú to Benjamín rawá. ² Patatishtama to pesh wrihalerma kakaspastií, tãró eka kari'hiró. ¿Pamawá arihutuwãwĩ to Elias, kakurskí irõ ñehíkena, i'ka Ekama Patatishtaró arkapẽ'í artapa' Israel yó. ³ "SEÑOR, EKALERMA PI PROFETALERÓ KARMASKRÍ, EKALERMA SIKIN AYAÑRO WOHKRI, TAS ASPE TAWARKARI, I EKALERMA TAS CHAARÓ TAPRÓLERWA". ⁴ Akãro, ¿Patatishta aña eñama to Israelró piãrisá? "KA'WAKAISHKAWA TO ARWÃ TAWEH TAWAH AKASNARI ĨLERMA KE ACHANMA PIKISHKERTIRI TO BAALRÓ". ⁵ Akashkuá akén tõ'kenma, i chapatñama atewata remanente as chuwá tõrishki to akamanas kaparkarií. ⁶ Akãró ke kaparkarima, ima akatun yotãripé, inkentãrima to kaparkama kaparkatãrishkí. ⁷ ¿Akashkua inken? Israel prohaishkima, ima asnani suku'lertirií, akãro to arkamaskalerma tõ'ma suku'rí, to akuama kuakuatishkrí. ⁸ Aken tõ'ken kakorskama: "PATATISHTAMA AKUANSA AS KAWISHKI SUKUARÓ, AWA ACHẼLERTURO, I SUN TAPAK WESHKERTUWÃ I'KA ÃN AS TÕ'CHẼ". ⁹ Tõ'wã David ñe'wã: "TA' TIS WISHKÚ TO ARTESA KA'SUKUHA TISHPIRÓ, ARTATAS AS, SÁ ARTATA AS REPRESALIA AS EKA PESH E'RO. ¹⁰ TA'KAWISHKÚ TO PESHWARÓ SUKUATISHKERPIRO TO EKALERMA CHELERTIPIRÓ. AKÉN KUAAKUPIWA PIKISHKU PI SURÓRO". ¹¹ Tas ta'pikaawa akashkuá: "¿Atatastri ekalerma ta enlerpiró? Akénma tãripé. Atawartu'ma, to tawartishkiró, to ontiima gentilesñaró te'boní, akenkií katiwá kakilerpiró. ¹² Inkata eñama, to tawartishkima ima nonripe i kuk chaparñá, to gentilesma to non õshkrima, atewata gentiles pesh e'í, pish wê a'kama admisiónripé? ¹³ Akãro inkatama tasña ka'kapashkaishkawa paro'wá gentiles, atewata tasma apostolrawá parõwahá to gentilesreró tas takachuwá to ministerioró. ¹⁴ Ta'kaá tas ta'kakapawá to akatiwaró toh talerma tayuku tanlerma tayuku tanlerwá. Ta'kaá untasña karpeshkapiwa to asna ekaleró. ¹⁵ Akẽsh to kakaspaskiró toh talerma warki arñehí kapashkí i kuk chaparñá, ¿Ima ña'ma ña'taripé, i'ka chipé to onniapishkerñá? ¹⁶ To primiciama enkaaróachihíma, tõ'wã untorkama akennaí. to apisma enkaaró achihima, ã ãsã tõ'wã tõ'kennaí. ¹⁷ Akãro ã ãsã asná ta enhíma pamawá, olivo wahachatakén ã ãsã as ma, nera ka untukri kra ekalerñá i askeén ẽ'lerma ekaleryo to apisñá to olivo penña nanhí, ¹⁸ ima chẽ ã ãsãma wa'lertuwá. Akãro akriki wa'lerwá, to apis kuã akima paña'tariñawĩ, i'ka ima to aspiñá kuã akima paña'tariñawĩ, i'ka ima to apisñá kuãakuá paro'wá. ¹⁹ Akãshkua pamawá nahúpiwá: "To ã ãsã ukaki'rí inkenká tasñá untu'pá". ²⁰ Ima yarí. Inken toh yarñe'lertuma kartaskri to ekaleró, akãró pamawá aakurí to fe rishkuá. Kaán ameshkutiiwãwĩ papekawá, i'ká akatiuwãwĩ. ²¹ Patatishtama pen ã ãsã chani perdona kaki'tii, pachaniwá perdonapikitipiwá. ²² Akãshkua, chauwãwĩ, to katún eñaró severidad Patatishta e'ró. Atẽshkema, to severidad'ñama judíos pesh aaya te'kí talerima taenriró. Tõ'kenma tõ'wã pamawá pirtas kerpiwá. ²³ I'ka ekalerwá, nelertuma to yarñe'lertuma warkerá waika ka untu'kerpiwá. Akẽsh Patatishtama waika warki ka untu'piprá. ²⁴ Akẽsh pamawá pirtaskriraska to aoríakenarima to pen olivo wahachatakén i atomakenma to aoria wahañama ima pen olivo eñaña na ta untuki, ¿I'lerma judíos chaní, tõ'ñaró ã ãsã lerwá, untu'kerpiti warkía to pen olivo ekae'ñá? ²⁵ Akẽsh tasma tarataripé wapechaima, arkiwas in ministerioma, akenma asã watõ ken tishkutupiwá pisã amẽshka pape' e'yopé, in ministeriorama ima aschií kuakuanias Israel aspeñá, tõchẽ to admisión to gentiles te'kechẽ. ²⁶ Akenma to Israel kri'lerma ima onlertipé, tõ'kén kakorskakénma: "ZIÓN ÑA CHII PITAPESHKUARO TE'PE EKAÑA MINI'PE TOH JACOB IMPIEDAD'RIRÓ. ²⁷ IMA ÑAÍ TA PACTOA TO EKALERYO, AHÍ ÑAWARKÍ KARPECHEÍ". ²⁸ Atẽsh askenma tõ'kén to evangelioma, ekalerma peshwarki ekae'lerwá parishkiwá. Akãro to atẽsh askenma, Patatishta akén akamanaskí, ekalerma eñakakilerwá to kekeri teshkiró. ²⁹ Akẽsh to doneslerma Patatishta karwãnima ima ãshkatahĩ. ³⁰ Akẽsh akenma inken pamawá ki'ri nerima Patatishta añawẽshkertirií, akãro inkatama õihsiro suku'ri ima añawẽshkertiriró. ³¹ Tõ'kén askenma inkata i judioslerma ima añawẽshker tirií. To inkentishkuma õihsiró paró kachiwishkí, tõ'wa to ekalerwá inkatama õihsi suku'lerwá. ³² Akẽsh Patatishta aña wẽshkerturó karkatishkí, tõ'kenma tõ'ñá õihsi kri'ró karchiwishkí. ³³ ¡Oh to uruña'ma to nonrí asã wê ari'warí toh Patatishta asãn amẽshkuakenarí! Ima insondablesrí ima eka apistií, pesh to'ma kãrá chii chelerpiró! ³⁴ ¿Inkén tañá Patatishta asán amẽshkuasá? O, ¿tãró tawartuki akapashka sukuhísa? ³⁵ O, ¿Tañá kĩ'iñá as wishkisa Patatishtaró, warki nera wishkepiero? ³⁶ Akẽsh eka e'ma ekarishkiã, ima Eka e'rí, ima yas kri'rorií, Ekaró gloriatishpé tõkemaripé. Akenaí.