¹ Inka Jesús tis ta'teshki tuki newamá sikin kao, discipulos asña ti'kí, "¡Kachawishta, chausá insa eña as rerí i eña rerí toh kao kaan!" ² Eka ti'ki, "¿Chaiña toh kao kaan rerí? Sá as nani tawartipé warki'tipií". ³ Akashki chre'chi'í achi'irí toh wa'a Olivos ña toh abri aakirí sikinkao, Pedro, Santiago, Juan y Andrés akape'ri ekaperó. ⁴ "Unta ishku, ¿ahiripisa in tu'peshpi? 'Piña'ripisa toh in tu'teshpií?" ⁵ Jesús ñe'i apaski, "Tis ahi'rowá as nani karkasetipiro. ⁶ We'tekepé tapinyo i ñe'repe tasrawá, i wé kanastrachi'repé. ⁷ I weshkermá toh ata anikerí i anuka ishkeri ameshkuti'iwawí; toh yasmá tu'teshpiwá akarike fin taripé. ⁸ Inka akes ishtakepe ka'a uya akua ka'á uya akuayo asá a'ta akua asá a'ta cheryó. I apan chipé ku'kri'yas ũwari. Imá inta ki'chaipakapé toh apa'nu kakiwaké arye'reké. ⁹ Tis weshku aakuwawí, Ekamá piwakepiwá paro'wá toh concilio aakriña yas piki'repiwá sinagogaña. Na ki, tishku aakupiwá toh asá a'to reri i reyesrí tas rishkra, testimonio ke ekaróh. ¹⁰ Inkarike in evangeliomá aña'ñeretani inkri ku' akuayas. ¹¹ Akashki piwakra kawishke, aweshkuti'iwá iró ñahupiwákena. Inka toh tisrí, katawishoe inró ñahupiwákena; Pama in ñahutipiwá akes Espirítu Santo ripé. ¹² Ã'arkima kawishpé ã'arkiró ompiró, i atusma aye'ró. I peshye'ma anukepé peshtusyo i tokerpé õnnañá. ¹³ Pamawá tis ka'teshkerpe tapin rishkra ankarike taro tapé nabonama a'eché tohmá salva aki'pe. ¹⁴ Taro cheremá toh tu'teshka ishkuaí toh tu'teshtipiña (Taro kaweskuamá weshki), toró Judeaña a'akima wa'aké tro'rá, ¹⁵ inká taró kao a'aña aakimá chre'ti, toki paspiró, toh akachuí kaosaña. ¹⁶ I taró akatunña a'akimá nastra chi'ite'tií pro'ña toh akachuró. ¹⁷ ¡Inkariké tis oísi rera toh ata pesh yé kakachuí o suha ishkeri toh ãeché! ¹⁸ Arkapauwá toh tu'teshtipiró asô eché. ¹⁹ Akes tribulación a'kachipé, toh asnani tu'teshti'iké kiriña, Patatishta in ku'kiiché, inkata chani wartapehi tu'teshtipé. ²⁰ Oh Señor toh anró, tis artaskuamá apesh as chani salva aki'tipé akes Eka enki'iras ata kaprohiró, inka kaprohí, inka tis taski ãn chamaró. ²¹ Akes taña, ti'kakiwamá, ¡Inña chauwá, Cristo aaki! o, ¡iña chauwá tohña aaki! aka weshkuti'iwá. ²² Toh ake apaskerpé falsos Cristos i falsos profetas i ki'repé señalesrí eña asrí, karkase'repiró, inkakes apro'añas. ²³ ¡Tis ahí'rowá! In kri'yas ro, ta'kaka awá ki'ñaháã. ²⁴ I akes toh ta'teskuamá toh aché, TOH ANMÁ SU'TISHPÉ, INKA YAWICHANI KAMASTIPÉ, ²⁵ PIRIWAMA PIRIÑA CHIRA TA'ENREPÉ, i akes piriña aakrima kakamanas che'pé. ²⁶ I akes ekamá cherepe ata TOH ATA ARWA AYÉ ERWAÍ TE'KUA CHEREMA WANA'ÑA ATAPUN PEYO. ²⁷ Inka eka katumpe Ángeles asu'natareró i kauwe'che'pé toh ampish ká cherñas, toh ku'kriñas i pirí kri'yas. ²⁸ A'chiwishkua toh higuera ñarike. Toh ata waripé âasá i'ka te'ki apa'ya te'kua, pamá tohña ari'ñawi ki'kis te'kua anki'piró. ²⁹ Akes pa inke, yas chañawimá toh tu'teshka ishkuaí, pamá ari'upiwá ki'kiski te'kui kaosapá akatishkuá. ³⁰ Yarro, ta'kaka awá, intu'teshtipé inkri'yasro tu'teshche'tumá. ³¹ Pirí ku'ri tu'teshkerpé, inkarike taña'ma tu'teshtipé. ³² Inkarike toh ñaparimá tohchemá p aechemá, asnani ari'tuwá, toh ángeles asu'nata pirichata chani ari'retua ayerwa Chiní, a tus Pe'kaa. ³³ ¡Ahi'ru aakuá, awakuá, pamá ari,hu tuwawí ainkri ripikena. ³⁴ Inmá arwa as apaski newá kenaí: ekamá akao akasteski i akua katu'newa akao cheremiró, as as akatunyo i eka ti'kiwa chanaró tis waki aa'piró. ³⁵ ¡Ta'pikaawá awakua! Toh ari'returas ahi'te'pikená kaó iwá, kakaña rani, anitasa'rani o totoni wa'naña, o kapa'ni rani. ³⁶ I eka te'kuamá êiretuña, tis okaishrkrá tekawasti. ³⁷ Toh paróh ta'pika awawimá kri'ro ta'kakaawá: ¡Awakuwa!".