¹ Akashki Jesús in akayá kachawishki. Eka ñehí: "ARWÃ AS PEMWÁ TISHKÍ, I TEKO AKATISHKI ASO URÚ AS KI'RÁ. Akes kaokahan as ki'ri tohña áaki chelermiró i eka pehwra pastá as tukí apaski neí. ² Toh krih aechehri, toh akatuhistá as tunhí túh penwa pasta kachaña Eká wushkerpiro penwra. ³ Inka Ekama sukurrá arkaterã, tunrí in patií. ⁴ I wartapehí aka kakatuhí katuishta akuaró tahró asaña antaskra ashkrí. ⁵ Eka wartapehí akuaró tunhí inma amaskrí. I Ekamá tohkepe kaki'rí toh akuawa arkate'rá karmaskrá. ⁶ Ekamá atewatá kuaakiri pesh ás tumpiró, ayerwá eñarí. Tohperí toh kakatuhí. Eka ñehí: "Ekamar weshkepe toh tayerwãí". ⁷ Inkarikí toh katuishtama ñehrí ekapé: "Ihñaró a iwaí te'kuá amaspra, toh akachumá untas ti inripé". ⁸ Ekamá sukurrá, amaskrí i akasnerí katún ishkeruri arahná. ⁹ Inka ¿Inkashpisa penwa aiwá te'kuama? Eka te'kí karmas chehpé toh penwá pasterií i toh penwrama akuaró kawishpe. ¹⁰ ¿Aweshkútu' wãwĩ toh kakoskaí: "INSAMA TOH KAHTA'RERÍ CHAISHTAN KIHRÍ, HA IMA KIHRÍ. ¹¹ INMA TE'KI PATATISHTAÑA CHIHIA I EÑA AS SI UNTAWAÑA?" ¹² I Ekamá sukurrá tikerpirishkrí Jesúsró, i akati'rí toh peshwriharó, Ekamá eílerihí toh ñehií i parábola Ekaro ti'kakí i tohró akasteshkrá nerí. ¹³ Akes tunrí Fariseos i Herodianorí arkaserepiró ñahyo. ¹⁴ Naborá ti'krí: "Kachiwishta arihbara pama inpiki'tua toh akua ñerechaní i pesh akua kachaunuwá pamas Patatishtá atá eñaró kachiwishkiá eñati artimibarí Cesar o. oh?" ¹⁵ Inkrikí Jesús arihí toh hipocresia. I tirakí: "¿Irish tuke aprueba takañawisa? Takapekuá arriahas chamaró". ¹⁶ I akapakri Jesúsña i eká ti'kakí: "¿Tayó askenasá in Platahí?" I Eka ñehrí: Cesaryo". ¹⁷ Jesús ñehí: "Wishkua Cesar ró in Cesar ihi Patatishta in Patatishta iî Ekamá wahtawarcherí. ¹⁸ Toh Saduceo toh ñe'recurí toh warkí waketurí i tekra ekaró akaperí, ti'kira: ¹⁹ "Kachiwishtá, Moises kakoshií untasró: TOH ARWAHAS A'AKRI AS AKACHUMA OHNI AKAWA AS AKASTESHKUAMA SUHÑA YÉ AKACHITO TOH ARWÁ SUKUHATI TOH AARKÍ AKAWÁ Y YÉPẼPIRO TOH ÁARKI I'RIYO". ²⁰ Áarki tawak chirí; as kí akawá sukuhí onní, ayé asnaní Akasteshtii. ²¹ I áarkí pok aswa sukuhí onní yé akasteshtí i may wá akentá ishkí. ²² I aké áarki tawakró yé akasteshkertirí i akes kortawa onní. ²³ Toh eka ataní instarkerchemá picaró akuaripisa, toh aarkí tawak peshkawarií. ²⁴ Jesús tíkakií. ¿Imatahí in toshkia aakiawí pamá toh kacoska arihutuwãwĩ toh Patatishtá atapucnhaní? ²⁵ Tóh akes intakema toh onrií, asukuhritipé toh asawá asukuhchaní; tohmá Patatishta asukhacháta kentalerpé piriña. ²⁶ I tú ñahbarí toh onrií ishtakerí, ¿Aweshkertuwá toh Moises awĩkawã toh ñehwãña tenwá apaskií toh Patatishta akapashki ti'kí: "TASMA ABRAHAM APATATISHTA RAWA, ISAAC, APATATISHTARÓ, JACOB APATATISHTARÍ?" ²⁷ I Ekamá Patatishta onní tahí. Ekamá wakuáí Pamáwe toshkiro akiawí. ²⁸ Escribas as te'kí weshki toh ñehí aakri: I eká cheí toh Jesús eña ñehí eka akapeí: "¿Pí mandamiento kres eñasa inkrihí?" ²⁹ Jesús akawarpishkí: "KRES EÑAÍ WESHKU ISRAEL UNTÁTUS PATATISHTA ASPESHÍ ³⁰ PAMAWA EÑA CHAUMIWA TOH PITUS PATATISHTA PIKRI ARRAYO, PIKRÍÍKUASAYÓ, PIKRÍPISAYÓ, PIRIPITAÚNYO". ³¹ In mandamiento pok má inñaí: PAMAWÁ EÑA CHAUMIWA PIH HARKI PAKE". Toh mandamiento áhka as naní chi tuwá inke". ³² Toh escriba ñehrí: "¡Eña kachawistá!" yarró ñehiyá PATATISHTAMA ASPESHÍ I as akuama chitowa. ³³ EÑA CHAUWA PIKRIH ARRAYO I KRIH PISAEÑAYO PIKRÍ PITAPUNYO I EÑA CHAUME PI ARKI TÁ EÑA TACHAAKE, Tohró kresh eñaí inkrí holocausto i. ³⁴ Tóh Jesús chewamá ñá eña akuarpiskí ti'kí: "Pamá kará aakutirí toh Patatishtaña". Tohró asnaní wartapehí arkape'retirí. ³⁵ I Jesús kakawarpishkí toh kaó kachiwishkaña aakiá, ti'kakí "¿Inké toh escriba ñehrema Patatishtamá David aferwá? ³⁶ I eka Davidmá akuasayo yehí El Señor yehí tá Señorró: Chrechahú tasawá ehñañá, tukitaní toh enemigo tata awa'ña. ³⁷ David Ekamá arwahná al Cristo "Señor" inkakes, ¿Davida ayerwãrai? Pesh wrihmá weshpren weshkri. ³⁸ Kachiwishkí aaki Jesús ñehí: "Ahirowá toh escribasyo taróh Peshkawá vehtí anuhí wetepirishkerá Ekameí karraí kacheremiro Mercadoña. ³⁹ I achahá eñapeña toh sinagogaña. I aaka eñapeña: toh asa aahta aakeña toh banquete. ⁴⁰ I Ekawá ché éña ishketua toh viuda peshkaoña i wãstá wé arñehlerwá toh pesh kachelermiró in arwá lermá wé warkua kakate'pé". ⁴¹ Akashki Jesúsmá ki'tishkí achihí toh plató achahaña toh kao achiwishkaña: Ekamá kacheí aakí pesh krihró toh tukeró plató toh achahaña. Pesh wé nonmá achehrí wérí plâtó. ⁴² Akashki viuda oisi as te'ki achehi plâtó ayé pok aohás. ⁴³ Jesús karwaní toh abahtarero ti'kakí yarró ta'kakaawá in viuda oisi asma kresh ache'wa toh akua krih achehri toh plâtó achahaña. ⁴⁴ Tóh eka krihmá, tukrí toh tis karkatawar kuaró inká in viuda oísí asmá tu'chehí toh plató krihró toh chipiriyo.