¹ Inkatama inke tu'teshki to'hkri pesh atauwéhí aakrimá kri Jesus abri tóh Patatishta a'kapash weshkra. ² Ekama aakiri tóh aso abri Genesaret. Eká puró pok kacheí aso abriña. Toh wichá pastamá apaskra pes redesró suka ki'rí. ³ Jesus tokí toh purúh asña. Tóh Simón i'riña i akapeitis araspiró toh abriña. Akashki eka chechihi kachawishki toh puró ara'na, ⁴ Akashkí kapashya'kií, ti'kií Simón: "Paku'h toh purú aso uru'ña acha'u la redes wicha paska." ⁵ Simón ti'kií "achiwista untasma krí kakañañas katuishbarchi i wicha as naní pasbatua, akes papiña'raí in redes acha'pa." ⁶ Toke ki'remá wicha wria'katis uwe'ri i toh redesmá katauweska ishkí. ⁷ Akashkra karwa'taró karwari toh purú akua wetri te'kra karwarke3piro. Eka te'kri i umustri toh purúpok, i akes cha'toki nerí. ⁸ Akashki Simón pedromá, inró chewamá, achanyopé tishki Jesusña. Ne'hia: "Tisteshku tasña, tamá arwá warkuá ishtarawá, Señor." ⁹ Akes toh kri'ro ekayo aakrimá, wa'tawarkri toh wicha paskerwá aakiriró. ¹⁰ Inrerirí Jacobo (Santiago) toh Juan Zebedeo ayerwá, taro Simón arwa'tarerí. I Jesús tikirií simónró: "Akatiutí, toh inkatama pamá wicha arwa'pastaropé. ¹¹ Eka peshpurú pe'kra ku'ña, tu'kra akashteskra nerí. ¹² Akaskí tu'teshkí, eka toh kaauyá asña aakuamá, arwa abraspeas aakirí to'ña. ¹³ Akashkri Jesusró chewamá, eka achanyope tishki abriña i inké ti'kií ñe'ia "Señor eñarimá, te'tausku. ¹⁴ Eka ti'kií asnanií ti'kitipiro, inka ti'ki: "Nau pita'ke achiwishku toh paré i sacrificio as. Cau pi uskririskiá, toh Moisés ye'hí tonhike toh testimonio eka reri." ¹⁵ Inkariké eka aña'ma kara'naboní i pesh wria'katis te'kri weskerpiro aña'a i toh peschana karpespiró. ¹⁶ I akes tishkua eka tisteshki toh ku'asennaña i arñehí. ¹⁷ I tu'teshki to'che toh kachiwiskakiwamá, to'ña Fariseo as aakiri maestro de la leyrí acha'a ishkri taro te'kri ka'a akua chata toh abri toh Galilea Judea y akes toh kaa Jerusalenri. Toh atapun del Señor ekañá aakirí chana karpespiró. ¹⁸ Inkatamá arwá tiste'kerá, camilla as atu'kra te'kra arwa as aa'turi i ekama pro'ra pe'tukepirishki asaña pe'kra pe'pishkerpiro Jesús aki'ña. ¹⁹ Ekama to'keki'retiri, toh pesh wé rishkra, ake pe'ri kao kaanke pe'ra toh arwá atapa'h ő'ti as ki'ra toh kao i akamilla, toh pesh peshkera mono'pishkri Jesús aki'ña. ²⁰ Toh pesfé kacheí Jesús ti'kaki: "Arwa, pi warku pipeshkawa." ²¹ Tóh escribas i tóh Fariseos akape'ri inke, ñe'ra: "¿Tasa inhí in blasfemia ñe'waí? ¿taró karpeshkasa pecado. Toh Patatista peí?" ²² Akashki Jesús kacheí tóh eka warkua ameshka inshkriró kawarpishkí ñe'í. "¿Irish ña'ñawisa pawaí peshturusaña? ²³ ¿Piña'ro cresh eñasa ña'a: 'Pi pecadoí kipershkaí; o ña'a: 'Ishtakú tarteshkú?' ²⁴ Inkarke pawá ari'upiwaró toh arwa aye'erwá autoridad aka'chuí inku'ña pecado karpeshpiro, tas paro tapikaawá: 'Ishtaku, pikamilla suku'u nau pi kaoké.''' ²⁵ Akaski waripé ishtaki ekakri peshkera, camilla ishpaki toh aprishkuaruriña; a kaoke te'ki Patatishta eyeshkíá. Kri'ro wa'tawarkra Patatishta eyeshkríá. ²⁶ Kri'ro wa'tawarkra Patatishta eyeshkí. Akatia'ishkra, ñe'rí: "Untasmá chamará chamati'iwayas inkata." ²⁷ Akes intu'teshchewamá, Jesús apaski tohñá chi'ia i to'ro cheí plato impuesto uwa'taas apinmá Leví achi'iri toh tienda toh colectores riña de impuesto. Eka ti'ki "Taracha'u." ²⁸ Akashki Leví ishtaki arachi'inai, kri'ro su'ña akasteshkia. ²⁹ Akaski Levimá banquete a'kaas kií Jesús i'ro. I tohya plato impuesto uwa'ta wé aakri i pesh akuatis taróh toh mesaña aaishkri aske ekaño. ³⁰ Inkarike toh fariseos i toh escribama ñe'ri asu'nata lero, ti'kakira: "¿Irish pawaí a'uto'kuwa iskiawisa toh plató recaudadores de impuestos reyo i toh pesh akua warkuá ishtareyowá? ³¹ Jesús kakawarpishki: "Toh taróh pesh pesh ensarema ekama: chana peshta ameshkertuá, taróh toh pesh archanawá leperó untasró ameshkera. ³² Tasma te'ka pesh eña pero karwá te'tari te'arrepeti akirepiró." ³³ Eka ti'kiri: "Toh Juan asu'natamá atunáishkra arñe'rera i toh Fariseo pesh su'natawa askashkera. Inkarike pisu'natama e'ra to'kra ishkera." ³⁴ Jesús ti'kaki ekaró: "¿Ki'piti as toh aakiña ayunaishka, i'ka toh tu asen atewata aakii ekayo? ³⁵ Inkarike a'as te'pe toh pesenmá kartesu'pe, akashki to'chemá. ³⁶ Akashki Jesuswá ye'hí parabola as ekaró: "Arwá as chani tastuwá kaowa tas ás kaowá we'ka asña i to'ro tu'tuwa kaowá warwa asña. Inró ishkuamá. Ekamá wesche'pipra toh kaowa warkuama akashki kaowa wé'katisma tauwrí'che'pipro. ³⁷ Akashki arwa as chani tu'tuwa vino we'kaas ache'tua odres warkuaña. Eka inró ishkuama toh vinoma ta'awar'pipra i toh odresmá toshpipra. ³⁸ Akes toh vino we'kamá tu'karó eñai toh odres we'kaña. ³⁹ Toh arwa as chani toh vino toka ukua toki teshkuama tokish kiwa vino we'karó, tóh inkenewá: toh warkua tis eñai.'"