¹ Akishkí Jesus, a espiritu Santo aumus te'borií tóh auyá ordanña chiíá I tóh a espiitud santoña Pakí aku'' çennaña ² Tóh án ukuaka aakichewamá ameisara arka sepirishki Ekama akinachaní e'tií to''chema y akes tesh uwá kií. ³ Akes ameisará ti'kí: "para patatishta ayeérwarima Tunhu insaáh pan tishkerpiro'" ⁴ Jesus akawarpishki "kakosharóh a akí:"Pan YPEMÁ CHITIPE TOH ARWAI". ⁵ Akashkí ameisaramá paki Jesusró aku'kaán asña I achiwishki tóhkrí akua' kaa uyaro intankré in chaparña. ⁶ Ameisara tikií: paroh panche'pa incriiro I tóh kriíchamarri inma tasróh terírii I tasma kawishkarawa taróh wishpamá ⁷ Akes, Paróh achyope tishki aaku tasperóh adora'takeimá, papeíripé ⁸ Akashikí Jesus akawarpishkí Äcoskaróh aakí" Adora"kaupe al Señor PI PATATISH TA PERO TÓH EKA PERO ENCHAUME. ⁹ Akes, meisará Paki Jerusalenña sakí sinkinkao anu'kaanña I ti'kí pará patatishtá ayerwarimá nastuíña. ¹⁰ IN KAKOSKARÓH AAKÍ: "TÓH EKA KATUMPÉAS'NATARÓ TE'KRA PICHEREMIRO PARÓ, PIR WAKERPIRÓ: ¹¹ I"EKAMA PIÍSHPAKERPÉ PESSAWAYO PITA'SAYO NAATU'KUTIRÓ". ¹² I Akawarpishkí, Jesus ti'kí: "Ñaáróh a akí: "TU'KUTÍ TÓH SEÑOR PI PATATISHTA A PRUEBA" ¹³ Akes ameisará arkaseýa'kiwamá a jesus. nei akasteshkí antis. ¹⁴ Akashki Jesus te'boní Galilea tóh akuasa'Atapunyo I tóh Krí weshcherí ekaróh tóh krichiríabri chata. ¹⁵ EKA kashiwishkí pakí tóh sinagogaña I en akawesh kerurí krí'ro. ¹⁶ EKA te'ki nazaretña, tóh akaá chiíwa akiriña tóh kiri ishkiruriké, Sinagogaña toki tóh síe reposorí, tohkenariraí ishtakí añá tapura kií aweshkí. ¹⁷ Wartruihá tóh profeta isaiasmá wishkrí. iika tóh wartruihá apri'í I apaskí tóh kakoskaró aakirí ¹⁸ TÓH SEÑOR AÁKUASA TASÑA AÁKI, TOH EKAÑA UNHITAKIÍ TOH EÑA NA'PARO TOH OÍSILERRO EKAÑA TATU'HI IN NA'PARO I TOH EN KAWISHPARO I TOH CAUTIVOS I PESH WÁ CHERENUÍ EN KAKA'RO I TAÉÑA TOH TARO AMESH AAKI, I ¹⁹ ENA ÑA'PARO TOH AKUI ENA TE'KUAI DEL SEÑOR. ²⁰ Akes awikawa wartruiha kakoskamá apiira wishkrito'ro peshwá apiira wesh tawarki ekaró cherá sinagogaña ²¹ Ekamá ka'kapashkí ne'í "inkata in kakoskai ake tishkua" ²² Kri'ro cherí toh ne'hií I kri'ro wesh tawarkí toh ñehií tóh ña eña apasskí asa'paña. ne'riïntaí Jose ate'erwá". ²³ Eka ti'kakí ÿar pamawá weshkerpe in ña"haí chama pestaró papé entisku. toh inke weshbrií toh Capernaumña inkurí to'ke ishku in piku'nawa". ²⁴ inka eka inke ñe'í: "yar ñaáwá tóh. profeta asnaní ente'tuwa aku'eka i'ña. ²⁵ inka in ta'kaka awá Yarró, tóh kaa uya weçhirií tóh Israelña tóh Elias chiíché, tóh pirí tá akatishkiché kui maiarrakí, tóh uwá a'kaas te'kiché ku'krí'ro ²⁶ inkariké eliasmá tu'retirí asnani ñaçhaní ekaña inka sarepta ñapé I sidon, I kaa uya asñaritó'ña chua. ²⁷ I leprosos we chirií tóh israeleña tóh elias akuiíriché, inka asnaní chaní achaná karteshtir, excepto naaman el sirio". ²⁸ inka to'ro peshkri'ro tóh sinagoyaña akai cheri tóh inro weshkemá". ²⁹ inka ishtacra araskra akas paskerpirishkrí kaá ara'na I tóh pakrí tóh cumbre del monteña tóh akaá kiíriña, eka pechiíro tóh tunrepiíó to'ké pricipicio' ³⁰ Ankarike ekamá eka peshbrike tu'teshki iku ''akuaké neí. ³¹ Akashki eka chreí capernaunké, kaauya Galileaña, y kachiwishki pakí reposo aeché. ³² Ekamá wa'tawarkri tóh kachiwishkuamá tóh autoridadyo newaró. ³³ inkatama tóh sinagogañama arwaaschií tóhmá akuasa warkua achií wa'narvri tapurí: ³⁴ ¿A? ¿irish artokapisá payo Jesus de Nasaret? ¿pamá untá? warkuá kate'kia? ¿Tasmá ariáwa tarikema Paí pama Santo patatistaria? ³⁵ Jesus awarpishki tóh akuasa warkuaro ti'kií ¿kapashkuti apasku ekaña? akashkí akuasa warkua Ta enwamá ku'ña eka pes arra'kera apaski ekaña, inwarkua ki'tií asnanrí chaní ³⁶ Tóh peshkriíro wa'tawarkri, i'ka kapashkra to'ro ñera a ekapé. eka ne'rií? ¿ in ña'rasa inhí? i'ka autoridad yo y atapunyorí eka katunwa peskuasa warkua iekama apaskera' akashki eka aya'má ³⁷ Akashkí eka aya'ma kriýas naboçhe tóh kri abriohata. ³⁸ Akashki Jesus apaskí sinagogaña chi'íá iakes simon akaoña tokí. akes simon aawamá archanawaró oisí tishkí ahiírí tishki a'kayo y eka akape'rí eka apinyo. ³⁹ Akashkí eka achanyopé tiskí eka abriña y fiebre ti'tikí apaspiro inka Fiebremá apaskí. Akashkí waripé inshtakí ekaró eña cherí ⁴⁰ Akashkí tóh án boramá, pesh kaweikerurí Jesusña tóh taróh achaná kakachiímá chana akuañas. Eka asawá tukuarurí ekaña tóh eka asas en tishkerurí. ⁴¹ kuasa warkiwa we'karboní, wá'ra ne'ra: "¿paró patatishta ayerwaria?" Jesusma demonio karwa'narurí i kakasteshkuarurí kapashkepiró tóh ekama ari'lerurí Cristo rií ⁴² tóh alba te'kuamá, ekamá neí kuáspeña, pesh wriátis pro'ra wetrí i te'kritóh kuéka akiriña. Ekalerimá netuá chaish kakií. ⁴³ Akashki eka ti'kaki"taswa aña'eña pakarawá tóh aña'we'ka del reyno patatishta kaá akuayas, tóh yar aakíraska tóh tasró tatunrií iñá"" ⁴⁴ Akashkí eka añaéña wartapeí ñehí Sinagogaña tóh Judea.