Juan_HRomeroC-pay_luk_text

Capítulo 22

¹ Inkatama, toh aôrria ã pan apiniha akachituí ke bak tishkr, i´ka ti´kilerra Pascua. ² Atah asã aâhta lerma parehke escribasrí aekape kapashkera inke akií amas kerpirí ekana Jesúsro, i´ka akati´rí pesh wriba rish. ³ Amaisarama tokí Judas Iscarioteña, ukua pak asirrí. ⁴ Judas neí kupashkí toh asã aâhta leryo parehleryo inke akií sukúk lerpiasrí Jesúsro. ⁵ Ekalerma araríh akes kartaôkí plato wishkrí. ⁶ Ekama tohke ishkí, i´ka prohí inke akií kawishpiro pesh wriha chilertuña. ⁷ Toh pan apiniha akachitu chẽhpe te´ki, i´ka á cordero aôrriachẽpé tohchẽ pak prishkerpirií. ⁸ Jesúsma katúnhí Pedro i´ka Juanrí, ti´kakií: "Nauwãwĩ kaupiruwa sirâh patastero i aôrriaraí, inkatah aâpiró." ⁹ Eka lerma arkapehrí: "¿Prâ kaapisa toh sirai?" ¹⁰ Ekama kakawarkí; weshkuwãwĩ, akashkua pawaí ke kahaña na takuwa, aewã as na paskupiwa ani tawisti as yó atukí asoró pakí. Bakuwa ã kaôke eka tokí. ¹¹ Akashkua tahkaupiwa arwã kaô aíwaí: Áchawishta Ekaña ti´pikiwá: "¿Piá chiísa huéspede, piâ Tas â´pañá i aôrríachẽ ta tarbakta leryó?" ¹² Eka kachawishoe toh kaô chuñá i´ka yas akachuña. Akes tohña ishkupiwa siraâ." ¹³ Akes ekalerma nerih, na paskri toh karihro eka ti´kakiíke a yâs í. Akashkua ekelerma ki´rí á aârriachě. ¹⁴ Akashkua ke aê´tishkí tohchẽ, Eka achihí ã ¹⁵ arhaktaleryo.Akaskua ti´kakií:"Tasma ta´rrarí en chaãwa a´parpií i aôrriachẽ payawá ata´túk ke ôhsi taki´lerpiraí. ¹⁶ I´ka ta´pikaâwãwí parowa, Yasma wartapehí a´tapá, i´ka aê´tishkuatani Patatishta â reinoña." ¹⁷ Akashkua Jesúsma tokí copa as i´ka kaparen kií ñehí: "Tokuwa, kawishkuwãwĩ papewa. ¹⁸ I´ka Tasña ta´pikaâwãwĩ pwaí, Tasma wartapehí tohtapa i chaâí, Patatishta a reino te´kua taniâ." ¹⁹ Akashkua Ekama pan sukuhí i´ka akaparenkií, titish kií, kawishkí ekalero, ñehí: "Ima ta peshí, i´ka kawishkaí parowa. Tohke kauwa pi´sâ maña yawa Tas rish." ²⁰ I´ka Ekama tohke krí copa yowa ke ê´lerwaha, ñehí: "I copama wehkaí ta uriyowa, i´ka taâwarpiwa palerish. ²¹ I´ka wechen kauwãwĩ. Atah warkua taki´prima tawishkií tohma ña aâkí tasyo ĩ artesaña. ²² Akes tohkena ripe Arwã Aye´yomaâ i´ka tohkena ras. ¡I´ka âhsi ripe toh arwãma ã warkua takipií toh Ekaro!" ²³ I´ka ekalerma akapehrí aêkape, tariekana toh ishpirií aké yas. ²⁴ Akashkua ekape ti aki´lera toh ñehlero tariekana karesh a´ka. ²⁵ Ekama ti´kakií: "Toh pe asã aâhta gentiles pecheâ kakachuâ pesh ñah a´karí ekalerña, atah autoridad kakachuí ekalerña, i´ka ti´kakilewa asã aâhta honorable lerá. ²⁶ I´ka paperiñawĩma tohkena tanripé. Akua ripé, akes atah a´kama pi kerañama tahma aye´ kenaripé. I´ka taro a´karipima tohma pesh katán ishta ripe. ²⁷ I´ke, ¿Taró a´kasá atah achihuaí artesaña? I´ka, Tasró aâkarí pikeraña pi katún ishtakewa. ²⁸ Akes pariawĩ tabakerĩawî asken tasyo i yas ishkaña. ²⁹ Tasma kawishpawa parowa reino as, ta Tuske reino as tenhí, ³⁰ ãkena ras pawaí aupíruwa i´ka tokrí ta artesaña ima ta reinoña ripé. Pawaí achahupiwa ta puruña juzga ishkuwa ã ukua pok tribu leró toh Israelña. ³¹ Simón, Simón, amaisaraña takapehwa paró, ani pi prushpiro tiwiraké. ³² I´ka Tasma arñahawa parish, i´ka pi fe toshtipiró. Akashkua te´kima, atapún kawishku pi arkilerí." ³³ Pedroma ti´kií Ekaro: " Jesús, tasma en aâkarí naparo payo, pata katishkerñarí i´ka õhnapiñarí." ³⁴ Jesúsma ti´kií wartapehí: Tasma ta´pikaawa, Pedro, ã tatoni areshtipé inkatamaâ, i´ka ki´ripe kasaupií krih mai ta arihutuí." ³⁵ Waripe Jesús ti´kakií chalera: "Akashkua tasña katúnhana i kakachito âraâ, âraã yas, ã ta´kaôrí ¿Iro pirchuwasa pawaí? " Ekalerma akawarkrí: "Irí." ³⁶ Akashkua Ekama ti´kakií:"Inkarama, i´ka toro âra akachuma, pakí i yas akachuma ã âraña achehí. Akes tare ispara akachituma úkchehi ã mantoâ ku´piro as. ³⁷ I´ka Tasma ta´kakaâwa, toh kakoskaro aâkí ã Tasro ñehuâ tohma ake ti´takilerish akes tohke tishpé." ³⁸ Akashkua ekalerma mehrí: "¡Jesús, cheiâ! iñama ispara pok chuwa." I´ka Ekama ti´kakií: "Eñaí." ³⁹ Ke a´parwaha, Jesúsma neí, i´ka anike, ã waha olivo ti´kelerña, arbakwa arachihrí. ⁴⁰ Akashkua na bolerma, Ekama ti´kakií:" Arñehuwãwĩ pawaí warkua kakanetipĩro." ⁴¹ Ekama tishteshkí sâ tunhaske, achanyope aâkí arñehí, ⁴² ñehí: "Ta Tus, pi voluntadma, tasña tukteshkí i copaí. I´ka ta voluntad tanrií, akes paperií." ⁴³ Akashkua Ángel as te´ki piriña chií arapaskí atapún wishkí. ⁴⁴ Chiirí ôpiruke, Ekama arñehí karesh wehrí i´ka Eka a ôntishma urike tishki bak bak kií enhí kukña. ⁴⁵ Akashkua Ekama taishtakí arñehipe aâki, neí toh arbakta aâkriña na kachẽí ôka ishkrií anirish ameshkerá, ⁴⁶ Akes karkapeí: "¿Irish âka ishkersa? Taishtakuwa arñahuwãwĩ, warkua kakanetipitó." ⁴⁷ Akashkua Eka a tewata kapaskuarí, i´ka pesh wriha tis te´borí Judasyo, asrií ã ukua pok lerña, kachawishkí. Ekama Jesús abriña ti´kí ônnashkí, ⁴⁸ i´ka Jesúsma ti´kií: "Judes,, ¿I ônnashkiyo kawishkií Arwã Aye´i." ⁴⁹ Akashkua atah arwachinhí aâkrima Jesúska cherá ã ishkrí akes ñehrí: "Jesús, ¿Isparayo ñaskakaâpe? ⁵⁰ "Akashkua asña neí apehí pareh akatún ishta asyó, I´ka asun aêñaro taskí. ⁵¹ Jesusma ti´kií:"Awãsta ishkií." I´ka Ekama penhí, asunro, akes eña kií. ⁵² Jesúsma ti´kakií tah aâsã aâhta parehlerií, toh capitanes kaô chata i´ka wãwãrí, te´kera aâña arte´kera Ekaña: "Pawas te´kĩawĩ, untrókta ke tachẽlerwa, i´ka isparayo akes penyorí? ⁵³ Akashkua Tasma payo aâkarí kapan kapan ã kaôña, pawaí tukkertijí pi sawa Tasña. I´ka inkatama yarhí toh autoridad sukuayó." ⁵⁴ Sukúklera, pakrí pareh â kaôke. Pedroma karahrí karachihí. ⁵⁵ Karehma ekalerií ténwaro ki´rí akeraña i´ka achi´rí karihro asken, Pedro achihí eka pesh keraña. ⁵⁶ Katú ishta asña chẽí atewata achi´tu tewa toh tenwa kamaskuaña chẽí ekaña ñehí: "I arwãwa Ekayo aâkrí." ⁵⁷ I´ka Pedroma arkaseí, ñehí:"Korta, tasma ari´tawa taekana." ⁵⁸ Akes wartapehí, akuaña cheí ñehí: "Pawa as riâ ekayó." I´ka Pedroma ñehí: "Arwã, tas tanrawá." ⁵⁹ Ke bak tishkuahá wartapehí akuaña ñehí: " Yarma i arwãwa Ekayo aâkrí, i´ka ekama galíleoí." ⁶⁰ Akes Pedroma ñehí: " Arwã, tosma ari´tawa iro ta´takií ekana." Waripe, eka kapaski aâkuarí, totoni os areshkí. ⁶¹ Atawachinhí, Jesúsma chẽí Pedroró. I´ka Pedroma artaâki toh Jesús ti´kiwa aakrí, akushkua Ekama ti´kií: "I´ka totoni aresh tutewa tartasaupe kri´mai inkata." ⁶² Apaski, Pedroma na aka´ni yorôh krií. ⁶³ Akashkua ã arwã lerma chẽí aâkrí Jesúsra yas ti´kira arpishkera. ⁶⁴ Wãpe awa arpestera, ekama arkapehrí, ti´kira: "¡Profetiza ishku! ¿Taña pir pishkuasa?" ⁶⁵ Ekalerma ñehrí Jesúsro ti´kirá, blafema ishkera. ⁶⁶ Waripe arahkiíraí, toh wãwã lerma á kaha chata atawéhlera, asken pareh asã aâhta inka escribarí. Akes pakrí pesh wriha tawehra aâkriña. ⁶⁷ Akes ñehrí: "Paro Cristo rima, tahpatakau." I´ka Ekama ti´kakií: " Tasña tahkakaâma, pawaí taña ueskutupiwa, ⁶⁸ I´ka Tasña karkapa âma, pawaí i tohtakautipiwa. ⁶⁹ I´ka inkatama, Arwã Aye´ma achihpe aêñake a Tus Patatishtaña." ⁷⁰ Karihro ekalerma ñehrí: ¿Akashkua Pariâ Patatishta Ayeâ?" I´ka Jesúsma ti´kakií: "Paña ñahiñaw̃ĩ Tas raí." ⁷¹ Ekama ñehrí: "¿I´ka chana as kapahpará? I´ka untasña weshpara un ta sunta pakyo Ekaña ñehwa asapayó."