¹ Awri'a ñelerma katuki chetashpiro inyas ñe'waí ki te'bona untasña. ² Toh unta untenriké untas, toh taró ki'riñaro ari'rerí i siervo toh eña'ñanta. ³ Inka taswá eña chaachi toh erparó tarrirí kaarirí toh kri'ñas chi'irí kiriña kacoskra eña kaupiró pa'iró eñaí Teofilo. ⁴ Inka inmá ari'upiró toh yarhí toh kri pichiwiskrí. ⁵ Toh Herodes, chiiche rey de Judea pareé as chií apinmá Zacarías, Abias agrupo, Akawamá Aarón ayé cortarí apinmá Elisabet. ⁶ Toh pokró asken rerí Patatishta arweshkerurí toh kri mandamiento toh Señor ñe'waké. ⁷ Inka yé'ro kakachitií toh Elisabet yé suku'turi i'ka pok ró tustirerií toh achemá. ⁸ Akashkua prowamá Zacarías Patatishta arpuró pishtaró tuki toh inke papirií toh atawe'riyó. ⁹ Pesh ahorría kakachií inparéyo wepirimá, Ekamá kí akamanaskarí toh we'rerií Patatishta asikinkao asaña topiro ne'i atu'piró incienso. ¹⁰ Kri'ro araknapé aakrí arñera toh incienso atuka ki'rema. ¹¹ Inkatamá Señor asu'nata as arpaski ekañá, akachki te aakí toh altar incienso a'eñake. ¹² Inká Zacarías weshkuamá cho'ti akati'wá artoki eka. ¹³ Inkariké toh a angel ti'kií ekaro: "Akati'uti Zacarías toh arñahurií ke weshkaí toh pikawá Elisabet yé as akachipé apin tukupé Juan. ¹⁴ I arrarí tishkupe i kri'ró arraché akirepé toh chipiche. ¹⁵ Ekamá a'karipé el Señor awakerá ekama to'tipe toh to'ke keñama toh akame, i tohmá el Espiritu Santo, we'artope toh akakí ayañá. ¹⁶ I Israel peshye wé wartapehí tekepé al Señor pesh Patatishtaña. ¹⁷ Ekamá ki'nepe del Señor i akuasá yopé nastrá chirrá tekerpiró toh pesh tus peshyé, toh weshkertuí tohwá tarkra nelerá pensa eña pakerpiró toh en weterké toh Señor akaá na en ki'lerpiró". ¹⁸ Zacarías tejkii toh angel "¿Inken tas herpasa? Tasma arwa tosti rawake i takawawa tustií". ¹⁹ Toh angel to'kií: "Tasma Gabriel, rawá taró Patatista arrá tishkií aakuaí tasma tatunrí inña enña te'ka kapashparó. ²⁰ Inka inña, tawarkepé kapashkuti aakupé katira kapashkutu toh aas te'bohpiché inma'í paró taña weskutirí, taró yartishpe toh ache". ²¹ Tis kaa uyama awaká ishkri Zacarías rishkrá ekamá awaktawarkrií toh toshneí sikinkaoñá. ²² Inkariké eka apaskuamá ka'kapashtuenkí, Ekamá ari'rí toh visión roh akachiwa akirí toh sikin kaoña a akuamá ti'kakií aakí asawayapé i kati'ra aakirí. ²³ Akashkí toh eka aeché tuhteshkuama akaoke neí. ²⁴ Akashki an a'as tuk teshkuama, akawá Elisabet ayawá tawárkí taki yawí meí eka ñehí: ²⁵ "Inróh toh Señor kií tasyo toh tachewama toh tarwarki akenri tarpeshpiró ta akati'á peshkerañá. ²⁶ Toh ayawí será chemá, toh angel Gabriel tunhí Patatishtaña toh kaa uya as Galilea apinmá Nazaret, ²⁷ toh sikin as ekamá a arwá akachii apinmá Jose Ekama David akaa chatari i toh sikin apinma Maria. ²⁸ Eka te'ki ti'kií: "Piñahawa ¿Pa tarisá en pichaawá? Toh Señor payó aakí". ²⁹ Ankarike ekama wé ertií toh añahyo ekapé arkapeí in ñahro yehikena. ³⁰ Asuhnata ti'kii: "Akati'uti Maria, pamá paskurí iña enña Patatishta awákiña. ³¹ I Chau pamá yehas pikachipé pi ishkiña apinma artukupé Jesús. ³² Ekamá a'karipe apin inke arwarepe a'ka ayerwá Señor Patatishta achahá wishpé toh ki'ri David i'ri. ³³ Ekaña tu'pé toh Jacob acaoñamá toh eka peripé inka toh katunnpimá tohmá cheí untipe a reino". ³⁴ Maria ti'kií asu'nataro: "¿Inkeripisa inhí in tasmá arwã as ya as chaní a pishtarií?" ³⁵ Toh angel akawarpiskí: "Toh akuasa eña paña te'pe i atapun del altisimo paña te'pé, inka iña enña as chipií inke arwarepé Patatishta añe". ^{37 36} Inkachaú piinpi'wa Elisabet ekawá yéhas pehkí suwa'riki'a inmá yawí será eka paki toh taró yé suku'tua ti'kilerui. Inka eka Patatishtamá intaí". ³⁸ Maria ti'kií: "Inka tasró la sierva del Señor rawá en kau tasyo toh piñah yo". inka tu angel akashteshneí. ³⁹ Akashki Maria ishtakí tohché waripé neí wahá chuña, ka'a as churiña Judea. ⁴⁰ Zacarías akaosaña tokí yehí Elisabet ⁴¹ Inka Elisabet weshkuama toh unyehií Maria, inka aye'ma nasti aishkí asaña inka Elisabetmá arraché kií akuasá eñayo. ⁴² Eka aña pe'i ñehí: Pa korta eñariyá toh korta kri peshkera pirkapani pi ishki ye'kao. ⁴³ ¿Irish inke tas tu'teshkasa toh tatus akaki tasña te'piró? ⁴⁴ Inka chaama toh akapash tasuhña te'towamá taye'ma taaya asaña arrarí nasti. ⁴⁵ Ika eñai eka tasña en tacheí toh krí'ro en apas pirí toh ti'kií ta Señor". ⁴⁶ Maria yehí: "Takuasamá en kiwá taSeñor ⁴⁷ Itakuasmá arra'rí tishkua Patatishtayo tarpuro'pishta. ⁴⁸ Toh eka cheihí toh ois: korta eñari, inkata chá i'pok toh pe'ro pakerí tarwarlepe arkapa'naria. ⁴⁹ Taróh kresh a'kay taróh tasyo eñata'kií inka apinma santo. ⁵⁰ Su misericordia newá generación en generación toh taróh tis arkatiwa. taróh onka ishkuaí asawá tapunyo; ⁵¹ Ekama karpeshki toh tish pensáwarkí pakeruri pesh turú saña. ⁵² Ekamá karwartuki toh reyes pesh chahaña inká pesh Peirá eña kahispakí. ⁵³ Ekamá kawishkí toh úwá kakiíróh iña eña Peróh, inka toh nónlerma ka'kartesuki. ⁵⁴ Eka karwarki a siervo israel. Y neí karta ápiro como mostro miserricordia. ⁵⁵ (Tóh tikakike peshtus) Abraham tóh tish cherpí aróh". ⁵⁶ María tawarki Elizabethyo an Yawí maí Iakesh teki akaoke. ⁵⁷ inkatama áe té'bor tóh Elizabeth de Paris I ekamayé chií. ⁵⁸ Tis Pesh briña cherrimá Pesh coréh weshkrí toh Señor lachiwish kua ahiri tóh a'ka misericorodioso ekasyo I orrarí tishkri ⁵⁹ Inkatamá tu' teshkua an tash ekama. Te'bori a circuncidar toh yeí ekama arwa'repirí "Zacarias", tóh atus apinrike. ⁶⁰ Akes akakima ka'kawarpishhí yehí: "hó ekama apinmá Juan ripé". ⁶¹ Eká ti'kirí äs naní chituwá pekore as Tokena ripiróh apin ⁶² Ïnka ekamá Seña KIrí atusró akape'ra inkekaró artupirikena apinha. ⁶³ pesh tusmá ka'kapeí tabla as Akakoskaro ikakoski: A pinma Juan ; kri'ekama chok tawarcheri inyó ⁶⁴ Waripé asapama ataprií I'ka avwamá entawarki Ekama kapshkií patatishta eyeshkí. ⁶⁵ Akatíkartekí toh krí cherrií Toh in kri'ro nehí toh kuh wáhá de Judea. ⁶⁶ I taróh weshkrima Pesh turusaña enkira ñérí ë "inró tish Pisa innyea?" inka Seño asawá ekayó aakirí ⁶⁷ inka atus Zacariasma arraché akií espiritu santoyó IpioFetiza ishki, yehí ⁶⁸ "Eñasa el señor, tóh patstishtá de Israel, I ekama inña téki Karwarki y e enkakií akaák. ⁶⁹ Ekama ispaki cuerno de salvación ós untastí i'ró tóh siervo akaá David. ⁷⁰ tóh eka ñehiké tá asapá de sus santos. profetas. taró te'krí tóh kris ki'rí. ⁷¹ Eka Salvación pe'pe tóh warkuá ishta. lerí tóh krih asawái warkra ñe'leri ⁷² Ekama in ishpé Kachiwispiro tóh misericordia, in untatuská. Inka ka"taápiró su Santo pactó. ⁷³ tóh Jurameto ekakií Inka Abrahan untatus. ⁷⁴ Eka nehí untempiró untasró taroh en untakií tóh Peshwarki pesh sawaraky á a, en Chamiró akatípartú. ⁷⁵ tóh eña Pakerrí y Justicía I ekaña tóh kríkapaní ⁷⁶ inka Piyé'ma arwaremá profeta tóh kríKaPaní. ⁷⁷ tóh pesa enña kawishpiro de salvación a'kaa in tóh Perdon Warkua ka'kachií ⁷⁸ inmá tu'teshkuarurí tóh Ku''ña demisericordiá untastí Patatishta, inka la aurora tóh kaán chií te'pe untarwarpiró ⁷⁹ Kamaspiró tóh taróh su'kuaña cherrí y aha'na weterí. Eka kipe inhí untatá en kipiro Atá de paz. ⁸⁰ inkatamá tóh ye'ma, tewehí atun akachi en espirituyó I eka chií. ku'se'naña Inkatatá Chamara Israel