¹ I'ha atah tu'ria ñahas ñahas i'ka Patatishtarí to' ñahas Patatishtari. ² I'ma atah tu'ri to' Patatishta yo. ³ To'kri'ro yas nerala ki'ri to'eka yo, i'ka to' eka i'to' ki'rií to' ki'rií. ⁴ To' ehaya akii apeshka i'ka to' apesh i'ka Luzri to' arwã kri'roleri. ⁵ To' kamaskua to' sukuaya i'ka sukuaya i'ka chii'. ⁶ Arwã as achiri túhí Patatishta ya to' cuyo api'ma Juan rii. ⁷ Eka te'ki to' ñe'piro to' kamaskua i', to' kri'ro ari'ler piro Eka yo. ⁸ To' Juan ma kamakuatarii, i'kakeste'ki ñe'piro to' kamaskuai. ⁹ I'ka kiwãma yarhi, to' arwã ki'ro yar ishkuai, i'kamaskuai ku' ya te'kua. ¹⁰ Ekama ku' ya akiri to' ku' ekaya kii ekama ku' arítii. ¹¹ Ekama te'ki tu e'ñama sukulertii. ¹² I'kakes to' kriro sukucheri, taro arírisa to' arwãya, eka kawish ki Patatishta ayerwã tish kepiro. ¹³ I'ma ãuri yoma tawẽ lertii, to' yukudani, to' arwãchani, Patatishta e'taripe. ¹⁴ To'ñama yuku tishki habito úntasyo, to'gloria chán bari, to'gloriama aske te'ki atúsya, yar umus aki. ¹⁵ Juan ma ñehi to' eka ñewaruriro ñehi: "I'ma taro tai ñahai: Ekama te'kua tasúkia ekama a'kai, ekama tutari". ¹⁶ I'kake to' plenitud untaskri'ro sukubri kaparbri. ¹⁷ To' ley nei wishkri Moisés rishki. To' kaparen yar nebori to' Jesucristo rish. ¹⁸ Tisnani cheletuí Patatishta tis nanii Patatishta peri pe. Taro achi hi sa atus seno ya, eka kawishki karí hi. ¹⁹ I'ma Juan añaha i', ache to' Judío túri to' sacerdotes yari to' levitas yari to' Jerusalén ya arkalerpiro: "¿Paí tarisa?" ²⁰ En ti'kakawã to'nego, akes ñehi: "Tasma Cristo tarawã". ²¹ Akes eka arkapéri: "¿I'kakes tarisa? ¿Elías riá?" Eka tíkakii: "Tastahi". Eka ñeri: "¿Paí profatari?" Eka ñehi: "To'ma hó" ²² Inkitama eña ñéri: "¿Tarisa páhi?, tañaha eñá barito to' ya úntatúri ¿Iro ñéwãsa pribriña achirí?" ²³ Eka tíkakii: "Tasma ñaha taro, ñéwã i'chituya: Yestitish ku Patatishta atah ya, inkeñehi sa to' Isaías profetari". ²⁴ Ataya tarisa fariseos ka. ²⁵ Arka périi ti'kiri: "¿Irish kamuhi sa, Cristo tarii, Elias tani, profeta chani?" ²⁶ Juan ma ti'kakii ñehi: "Tasma kamuhawã asoyo. Akarike, piãkera ya asachihi payo wa arihuwã; ²⁷ I'ña ya i' tasukia te'kua, taro digno tarawã arrioke pe to' atá istikaro". ²⁸ I'yas ki'lera neri to' Betania ya to' Jordan atesta ya Juan kamúwaruria. ²⁹ kite'kuai, to' Juan Jesús ro cheí eka abriña ñehi: "¡Patatishta ã Cordero ña aki to' ku'wãr kuaro arpesh kua! ³⁰ I'ña yai' taoñaharí: Ta su' te' kuama arwãro te'kua to' takií, to' tati kiki'ri. ³¹ Tasma arítarii, to'karo i'rishki te' kamuhari to' asoyo to' eka ã án pishpiro to' Israel". ³² Juan ma ñehi, ñehi: "Tasma Akuasa Eñaro tuhi to'paloma piriya chipe to' Ekaya. ³³ Tasma arítari, akarike eka tatuhi kamuparo asó yo ñehi: "Taro chewāsa Akuansa chewúasa ki'ra chilepe to' eka ya, i'ñaya i' to' kamúwa i' to' Akuansa Eñaro. ³⁴ Tasma kacha i' ñérii Patatishta ayerwãri". ³⁵ Wãr tapehi, arákiwã, akashkua Juanma ã akiri to' po' asuna taya, ³⁶ chei Jesús tu' teshki, ñehí: "¡Chaú, to' Patatishta a Cordero!" ³⁷ To' po' aracháta weshkri i'ñehi, Jesús arachíri. ³⁸ Akashkua Jesús te'ki chei ara chiraneri, ti'kakii: "¿Iro prolesa?" Eka ñerii: "To' Rabi (to'kii ñe' pirish kua" to' kachawishtai), ¿to' chiwã ya?" ³⁹ Eka ti'kakií: "Te'kera chaúpiwã". Wãripe eka cheri to' eka chiriya; Ekaya tawãr kri to' chérii, to' ãukua tish piruri. ⁴⁰ To' po' weshkri to' Juan kapashkiaki i'ka wã ripe Jesús ro arachi hi Andrés neí, to' Simón ã arkiwã to' Pedro. ⁴¹ Eka ta paski ã arki ekai Simón, i'kati'kii: "To' Mesías yo próbarí" (Cristo ya kii). ⁴² Akashkua Jesúsro pe'ki. Jesúsma ónni, i'ka ñehi: "Paí Simón ri, eka ñehi to' Juan pama Cefas ripe pipia". (To' Pedro kii). ⁴³ A' pokkrií Patatishtama apaspirishkii toh Galilea ña, Felipero ne paski tihkií: "Tarachahunau". ⁴⁴ Felipe ma Betzaida chatari, toh Andres a' Pedro chileruriva. ⁴⁵ Felipe ma Natanaelró ne paskii tihkii: untasma pasbrii toh kakoskii Moises toh ñehwãi profeta, patatishtama tihkii José ró a' Nazaret ña". ⁴⁶ Natanael ró, tihkii: ¿Kaopiti yas eña ñehwã apaspii toh Nazaret?" Felipe ma tihkii: "Tehki chau". ⁴⁷ Patatishtama chei Natanael ró, Neboni tihkii abriña nei: "Ama chauwá a' yarhi israelita, akesh ama kasa chituwã!" ⁴⁸ Natanael tihkii: "¿Piña ta cháurisa? Patatishtama chei tihkii: kihrii toh Felipe pirwãhnii, toh pehawãkia aakuriche, tasma pichaari". ⁴⁹ Natanael ma nehí: "¡Rabí, pama patatishta arerwarira! ¡Pamá Rey riya toh israel ña!" ⁵⁰ Patatishtama ñehi tihkií: "¿Inke tapikaarisa: pehha wãkia pichaari", Inkatama arihiya? ã yas ahkai inkatama chaupe". ⁵¹ Ehkamã tihkakii: "Yarhi yarhi tihkakii ã payowá: piriró apriharó chelerpe, toh Angeles patatishta tawhi chrepe ã ãyerwã ochihiña".