Juan_HRomeroC-pay_jas_text

Capítulo 5

¹ Inkatâ te'kuwãwĩ, platô tánnariawĩí pawaí, aka'nuwa tapura toh ôhsi raupiwai pawai. ² Toh yas pikachuwãwĩi anihí múktí i'ka pi iñama ani pesiraí kakumâ. ³ Pi sâ sewari i'ka sâ kamasari aôh kakachituwã, pi warkuama ñehuâ pa aêkape akes pi yukuma itan tishpe te'wãña, pawai awãhiñawĩ pi yas tónnaí ani ãn apistichẽ. ⁴ Chauwã, toh katún ishta katamihlerma i kukña, atah katamih lertuí, tapina aka'lerwa i'ka atah arñehra chileri pesh katún ishkeri ke aru'riike patatishta asúnta pakñá. ⁵ Pawaí eña chiiñawĩ i kukña papéh eña akiñawĩ, Pawaí tamukti riâwĩ pi turusã toh õnlerpichepewa. ⁶ Warkua ishkuwa amaskiñawĩ toh arwã eña as i, i'ka kakawartuí. ⁷ Akashkua tis awakú, arki, i'ka Jesús te'kuachẽ tani atah katún ishta awakuake toh apaskuaí ã kukña, awaki tis ekaña, toh asawachẽ waripe enhí anipe. ⁸ Parowa tish awakuwãwĩ; Pi turusã en kauwãwĩ, i'ka Jesucristoma ke bak tiskua te'piro. ⁹ Iñahutí, arkiwa, pa aẽkapé akawarkuwa, i'ka juzgado tónropiwaro, chauwãwĩ toh juezma aâki kusapaña. ¹⁰ Sukuhuwa ishkuwãwĩ, arkiwa, toh âhsi katira awakeri ã profeta lerke ñehlerrí api Jesucristoâ. ¹¹ Chauwãwĩ, untasma kawah para atah tisteshkertuí, "Añah weh peí". Pawaí weshkrí toh Job tis awakií, i'ka arihiñawĩ toh Patatishta enchẽí Job ró, jusúswa weh akachuwa toh ôhsi kachẽí. ¹² Karih kema, ta arkiwa, iñahutí, i pirike chani, i kukchẽ kenari, ni akua chena kenarí, i'ka ñahu tihiwa "ô ô" "Inkenasâ" "ô ô" i'ka "hô'", i'ka taánhutipiwaro juicio awake. ¹³ ¿Akes cherwa pañawa ôhsilerí?, arñahupiwaro, ¿I'ka tis cherwa ararih lerí?, akes en areshkerpiró. ¹⁴ ¿Taro a asna chanayo chuma?, kawáhnuwa chuwa arraâ â kaô arñahaña, i'ka chuwa arraña ishkera, aseyó muhí patatishta apiyó. ¹⁵ I'ka arñahu feyo en tishpe ã pesh chana akachiima, akes Jesucristoña ishpákpe, ta peshro warkua ishkima, Patatishtaña a'rari ki'pe. ¹⁶ Akashkua, toh warkua ishkri ñehuwãwĩ asa sas, i'ka arñahuwãwĩ pa aêkapewa, akes en tishkupiwaró, i'ka toh eña arñehuama. ¹⁷ Eliasma arwã asrií untaske Ekama arñehí tapura ishki asotipiró i kukña yawĩ maichẽ i'ka kui serachã. ¹⁸ Wartapehí arñehí, i'ka pirima tarripkri asoro i kúk ke akes kúkma paski awaâchahá. ¹⁹ Chauwãwĩ ta arkiwa, ta asnaro tisteshkuama í yerña pawa keñaí, ta asña ti'kakiwama nastra achahupiwarp. ²⁰ Toh peshma ari'pé inke akií péhpiro wartapehí ã warkua ishkuaí toh ta'ña, en ki'pe ôhtipiro ama armukpe wehrí ã warkua ishkuaí.