Juan_HRomeroC-pay_jas_text

Capítulo 4

¹ ¿Piâ chi te'kuasa atah aôh akileri pa kerañawa? ¿I'ka pi warkua ichish kakiwa pa pewá? ² Pamawa ichish kakiwa toh pikâchitu waí pawaí anukiñawĩ pi ñahyawa pawai irish Patatishtaro a kapautuwasá. ³ Pamawa kapeh lerike ĩ kawishkertuwã, i'ka kapehleras, akes tohke warkua en ishperpiro. ⁴ ¡Warkua ish! ¿Pawaí arihutuwãwĩ toh warkua ishkií i kukña Patatishtama en chenuwa? I'ka, taro ishkuama kaleke i kukña akes Patatishta a'warki tishkua aspé. ⁵ ¿Pawaí ameshkertuwa toh kakoskaña en ñehua akashkua ñehí kuasa eñaro tukari pañahuâ, i'ka akiwa en ishki asaâraña? ⁶ Karesh Patatishtama kaparen kiwa, toh kakoskaña ñehuake: "PATATISHTAMA ARATANHÍ ATAH A'KA TISHKER PIRISHKERYO, I'KA KAPARKUA ATAH AYE' TISHKERYO". ⁷ Akes artokuwãwĩ Patatishtayó atapúnhu wãwĩ amaisara i kaki'tipiro, ekama tró'pe pañahua. ⁸ Patatishta abriña tishkuwãwĩ, Ekawa pi briña tishpiwa, pi sawa kabis kauwãwĩ pawa warkua ishkeri, i'ka pi turusã en kabis kauwãwĩ, pawaí ararí pok kakachuí. ⁹ ¡Ameshkuwa aka'nuwa ahíruwãwĩ! Kauwa pi arko' anike ameshke i'ka pi araríhma ameshkewa. ¹⁰ Aye' tishkuwãwĩ Patatishta akeraña, Ekama kaishpakpé. ¹¹ Pa aekape warkua ñahutihi wãwĩ arkiwa ta arwãro warkua ñehuama yas ñehí aarki warkua ti'kií, ñehiâ warkua â leyka tohkema warkua kiiâ leyka patatishta eâ, pama añahweshkutuwã ã leyka, i'ka juez tishkiâ eka leryó. ¹² Aspes chuwa i ley yomaâ i juezri, Patatishta i'ka atah Ekama karmapirike en kakí'pé ¿Paí tarisâ toh ñah ti'kakií ã pi'waleró? ¹³ Weshkiñawĩ, pawaí ñehleri: "Inkata chari untasma i kahaña naparpé, tohña yawi as chaparpé, u'chahpara karesh weh ishparpé". ¹⁴ ¿Taro ari'huasa châ iro chipiekana, i'ke chaupisa pahí i kari'ró ña? Pama wanak kena riâ katina tish apaski aêchẽ i'ka akes tôsh newa. ¹⁵ I'ka akes, pawai ñehreshki: "Toh Señorña patah wishkuama, chapara ishparpe i yashí". ¹⁶ Akes pawaí a'ka tishkiñawĩ toh ishkerish, toh ishkiñawĩma warkuaí. ¹⁷ I'ka akes, taro eña ishi ari'huama, i'ka ki'tuma, ekaro warkuaí.