Juan_HRomeroC-pay_jas_text

Capítulo 1

¹ Santiagoma, Patatishta akatún ishta ria i'ka arwã eña ã Jesucristoâ, akes toh ukua pok tribuleri karahrí ã cherña, kaunñahawa. ² Akashkua araríh, toh ta arkileríh chelerpé a karihro lerí ñah warkua. ³ Arihpara toh aôhwaí pi feyo, tishpe atapúkwarí. ⁴ Atapuk akasteshkuwã en tishpiró toh katúnhí i'ka en tishpiró eñarih í architipiró. ⁵ Taro asna pawaí kakachituma toh i arihlertukeña, Patatishta akapau penpiró, eñarí akes karihro kawishkua taro arkapewãma, Ekama kawishkua. ⁶ I'ka kapauwãwĩ feyó, akes duda ishkutihiwãwĩ taro duda ishkerma anikena lera take awaske, i'ka ôhpishña paki pehkua. ⁷ Akashkua toh peshlerma ameshtihí kawishií ã arwã eña ñaâ. ⁸ Atah; peshma kri'pok akachuí animo â, piâ piâ chui ta' karihroña. ⁹ Toh arki ôhsima âhka tishki araríh tishki ã akachuyó, ¹⁰ I'ka toh arkí plato tónnama aye' tishkí, akes tohma ôhpé anike aôh wahake toh campoña. ¹¹ Toh ãma taishtakua pataôkuayó armuki i'ka â pehlerma arsh tishkerá, toh aôhma enhua i'ka ã eñama ôhlera. Akes tohkenaí, a pesh platô tohna lerí araríh tishkera pesh kakún rish. ¹² Ararih akanewa atah arwã atapuk akachui to aôhwaya, ekama wishkerpe toh corona chui, atah ti'kakií Patatishta amah ki'lerí. ¹³ Asnaní ñehtihí i'ka tentadomaâ: "I tentacionma Patatishta e'tanhi" i'ka patatishtama tentado tanhí warkuayomaâ, akes Patatishtama tenta ishtuwa asnaní. ¹⁴ Pesh âsá sas tentado lera ekapé toh warkuaro eña ke chelerá arahna pichirihra. ¹⁵ Akashkua ahí, eña ke chelerwa toh warkuaí, i'ka toh pecadoma boná, akes toh pecado karesh tishkuama asken, tishkua ôhni. ¹⁶ Akasautihiwãwĩ, ta arkiwa. ¹⁷ A karihro eña patawishkerí i'ka toh don karihrówa kaâña chi te'kua, Atusña chii te'kera ã kamaskua. Ekayoma chituwa atamake wartapehí. ¹⁸ Patatishtama pata chẽí un tehpiró âñaha yarhí, tohke untastiki awa achahapiro i'ka a cheryó. ¹⁹ Pawaí arihíñawĩ ihí, ta arki amadowa. Arwã taro weshkuama wãripé, ka'ro ñehua, ka'ra akaiwa. ²⁰ Taro arwã katún ishkua akaiyó akema Patatishtama en chenuwa. ²¹ Akashkua, akasnauwa toh eñatanhí ã warkua chuwa iñahí, aye' tishkuwa sukuhuwa añaha tukaí, tohkenama en salva ishpe eka akuasã. ²² Ñah en weshkiñawĩma, weshpé weshkutihi wãwĩ, pa aêkape akasautihiwãwĩ. ²³ Taro asna añah weshkuama i'ka i ishtuma, arwã askena cha en kiwa awatapaka akena ekana ani achaâ ña. ²⁴ Ekana awatapak cha en kiwa, akes newa i´ka artachewa inkena riekana. ²⁵ Ta arwãro arihen ki' wama cheí ã ley akenama, i'ka toh ley en kawishka'rí, akes en ishkerá; i'ka weshta petanhí ima artashtuwa, i arwãma en akanepe toh ishkuarish. ²⁶ Taro ameshkuama ekape anihi religiosoâ, i'ka a uwa en ki'tuwã, ekama aturusãro arkasewa akes a religionma warkuaí. ²⁷ I'ka religion eñama tor warkua tanhí i Patatishta tus inkenaí eka eí: karwarhí atah kakachituí i'ka aôhwañá, akes en kachemiro tohke i kúk wartuaña.