Juan_HRomeroC-pay_jas_text

Capítulo 2

¹ Ta arkiwa, chautihíwãwĩ pesh asa sas fe apiyó unta Señor Jesucristo, a Señor kaâhrí araríh. ² Taro kokuama ã atawẽhlerña anillo sâ sewayó i'ka iña wehka ki'yori, ake arwã ôhsirií akowa sokuayo. ³ I'ka chaenkausa toh arwã akowa wehkayoí, akes ñehiâ: "Teshku, ña achahú, i'ka eña asña" akes ti'kiwa ã arwã ôhsiró: "Pama ataña na aâkú" "achahupisrí ta tahña achahú" ⁴ ¿I'kes en ishkutuwãwĩ papewa, ishkera Juez ke pehsa maña warkuayó? ⁵ Weshkuwãwĩ, ta arki amadowã, ¿Patatishtama kachẽí atah ôhsilerí i kukña cherrí i'ka plata tónna kaki'piro ã feyó akes kawishpiro toh reinoâ atah ama ki'lerí? ⁶ ¡Pawai en chautuwãwĩ atah ôhsií! ¿Akes atah plató tônnaña amesh ki'lerá, ekaña kawakera tribunalña? ⁷ ¿Toh plató tónna lerma blasfema ishkertuwã api eña rish karwalerma? ⁸ Akenama, pama en kiíma toh ley yarhí, i'ka kakoskaña ke: "AMA KAUPE PI A'WA PA ASKENA RIKE" en ishkú. ⁹ I'ka chẽ' kachutuma toh pesh lerí, pama warkuaro ishkiâ, ama kakatishkera ã untrókta warkuake. ¹⁰ ¡Taro en ishkuama toh ley yó, i'ka akarike a'tatasta aspe tohña, ima artukera en ishtihí toh ley yó! ¹¹ Akes Patatishtañ ñehuâ: "I'KA ISHKUTI ADULTERIOÃ" Akashkua ñehí: "I'KA AMASKUTIHÍ". Akes adulterio ishkutuma, i'ka amaskima, akes tishkurií warkua ishta. ¹² I'ka, ñehí en ishkima ã bak tishkua toh ley yó archẽlermií rarchituí. ¹³ I'ka juicio te'kua ôhsi tanleripe atah ani kakachi tihí atah ôhsi leryó. ¡Toh ôhsima karesh eñaí ã juicio yó! ¹⁴ ¿Ima eñaí, ta arkiwa, taro ñehuama aôhro akachuma, i'ka ima hatún ishtihí? ¹⁵ ¿Akes aôhkiwaña pata warpiti? Akes ta arkias i'ka ta pakcha asri iñarí sirarí kakachituma kapan kapan. ¹⁶ Akashkua pawa asña ñehuama: "En naú pata okuarí i'ka achahú" Akes wishkutuma toh yas akachitui apesh kaôña, ¿Ima akenai? ¹⁷ Tohkenama ã aôhkiíma akenaí, i'ka akatún akachituma, ama âhnií. ¹⁸ Ama ake asna ñehpé: "Tasma aôh kaâ takachuwa i'ka pama katún." Tachawishku aôhkií i'ka katúnyo mahó, akes tasma pichawishpa ta aôhkaâí ta katúnyo. ¹⁹ Pawaí arihí ñawĩ Patatishta as chuí; ima yarhí. I'ka walashwa ke ari'lerwa toí akes akati'lerwa. ²⁰ ¿I'ka arihupirishkiâ, arwã necio, ake aôhkaâri i'ka akatúnrí netuma tohkema eñatanhí? ²¹ ¿I'ka Abraham tanriere unta iâ, akes akatúnrish eñarií i'ka Isaac ro wishkií, ayeâ, toh aniña altarña? ²² Paí chẽiâ toh aôhkaâri a ishkuayá, akes akatúnyo arúnhi toh aôhkiwayo ã ishkií. ²³ Toh kakoskama ke aê' tishki akashkua ñehuama: "ABRAHAM PATATISHTARO ARIHÍ, I'KA TI'KIRÍ ANIKE TOH EÑAKE." Abraham ti'kirí Patatishta akolê. ²⁴ Te'kuwa pawaí arwãâwa pi katúnrish eña riñawĩ, i'ka aôhkaâ pe tanhí. ²⁵ Tohkenarií, ¿Ata rahab prostituta eña akaneí akatún rish, akashkua ani ti'kakií inken te'kiñawĩ, toh ñah pata i'ka kawakí ta' akuaké? ²⁶ I'ka apesh kaô i akachituma akuasa tohma a ônnií, tohkenaí ã aôhkiiyowa chertuma ã katúnyó ama ônhí.