Juan_HRomeroC-pay_heb_text

Capítulo 3

¹ I'ka akẽsh arkiwas santoswá pamawá kawishkiñawĩ celestial. Apinmaró Jesusro amẽs hkuwawĩ, to' Apostolma paré a'ká pitaste confesiónña. ² Ekama eñararíí Patatishtayó taña akamanaskir, Moisés ké tõ'wá eña tishkí to' Patatishta akaoñá. ³ Akarõ Jesúsma akenna kii a'ka gloria kii Moisés kema hó, inkén tarõ kao as kiuma eña wê akachipé to' kaoken eka e'kén. ⁴ Akẽsh kao krí'ma kaama asnaña kiswá, akarõ taña ka'cheuma ima Patatishtaí. ⁵ Atẽshkema, Moisesma eñarii Patatishta, wishtaríí to' kri akaoña. Ekama añaha as ñehí to' yas kapashka te'piriró. ⁶ Akarõ to Cristoma ayerwãĩ Patatishta a kaoña kuã aki. Untasmawa Pesh kaoraparwá, eña yasti awa'barma pitasta ekañaripé awa'barma yaripé. ⁷ Akén tõ'kenma, tõ'kén Akuansa Santo ñe'wakén: "INKATAMA, PAMAWA AÑA WISHKIMA, ⁸ HÓ PITURUSÃMA KUẼ'NIKAUTI WÃWĨ TO' ÑA'WARKIKÉ, Ã AS TE'KUACHEMA KUK SE'NNAÑA TU' TESKUPIWA. ⁹ IMA AHÍ KEKERIMA TO' WÃ'WÃMA IMA AKAIWA TARKAMANASKRI, AHI´KE ARIA KÁ KUÍ KÍUMA, EKALERMA TAKATÚN CHẼRI. ¹⁰ I'KA AKẼSHMA, TASMA EÑA A ATARII TO' CHIRIYO. TAS ÑAHARI: "EKALERMA ATEWATA ISHKERA PESH TURUSÃYÓ UNTROKAISH KERWÁ. EKALERMA ATEWATA TA TA'MA ARILERTUWÁ". ¹¹ IMA EÑAI TASMA AKAYAMA AKENNARI: EKALERMA TAS ACHAHAYAMA TOKERTIPE". ¹² Eña achãuwãwĩ, arkiwas, paña'wa asnani pi turusãn ñawarki chitipiwá i'rõ yarñelerturó, aturusãma Patatishta wakuama tish teshkuá. ¹³ Atamakénma, arari'tishkuwãwĩ pa eka pewá kanta kanta, aken to' arwarike "INKATAMA", asnani pamawá kuakuani tishkutiiwãwĩ to' karkase'lera to' ñawarkuariró. ¹⁴ Akẽsh tentawalerma atamakenma ki'bartirii to Cristor'ó, ôô yasti a abarma pitaste eka awa'baró to' kekerí ki'rima to' apishtichẽma. ¹⁵ Erñama ima í'ro ñe'rí: "INKATA, PAMAWÁ AÑAHA WESHKIÑAWĨ, HÓ PITURUSÃRO KUẼ'NI KAUTIWAWĨ TO' ÑARWARKIKEN." ¹⁶ ¿Tarisá to' Patatishta aña' weshkí akaiwatishkí? ¿Egipto ña tãró kri apaskri nerima Moisés rishkiã? ¹⁷ ¿Tayó akaiya ishkisá to kui'ró? ¿T̃õ'ñalertiriere to' ñawarki ishkriró, Pesh kaoma onlerma to' kuk sẽ'na na taenrí? ¹⁸ ¿Taña ekaña yar ñehí ima tokertipirií to' chuñá, to ekalerma añaweshkertiríí? ¹⁹ Chamarma to' ekama chẽ atapúm kakachi'tirí to' chuñá irõ chẽ yarñelerturó.