pay_heb_text_reg-heb-2

Capitulo 2

¹ Tohkarí, untas parma karesh ñah weshparpé ã weshparke, akaro tis tesh katipiro ekalerña. ² I'ka atah ñah ñehrií ángeles ká ima yarhí akes atah warkua ishkrímaâ toh ñah eña weshkertu tohma yar ñaskaki'pé, ³ ¿i'ka inke akií akashkua en patakanepisa patas ká añah weshpartuma ã salvación a'kaí? I salvación ma ata'túk ñehri Patatishtaña ti'patakií patasro atah weshkriñaâ. ⁴ Akenaras Patatishtama ñehí ekalerish yasyó, ake kakií, kawishki ã dones Akuasa Eñayo Eka a'rarí ⁵ I'ka netihí ángeles kemaâ Patatishtama sukuhí i kúk te'kuaí. ⁶ Atamakema, asna ñehwarurí tohña, ñehí: "I¿NKENA RIPISA ARWÃÍ, PAI PICACHIPIRO PI SÃ'MAÑA EKAKE? ¿ARWÃ AYE'KE AS, I'KA AMESH AÃKUPIRO EKARISH? ⁷ PAÑA KAURIÍ ARWÃMAÂ TOH ÁNGELES KEMA HÔ; PAÑA A'KAKAURIÍ A GLORIA ÑA EN KAU. PAÑA TUKURIÍ SUKUHÚ KARI'RO PI TA' WAKE." ⁸ I'ka akenaras Ekaro Patatishtama sukihí toh yas kari'ró. Ekama asnaní akasteshtuwa ã sukuhi toh Ekaró. Akes untasma i chamarnu kari'ro asukús partuwã Ekaña. ⁹ I'ka chamarwa atah kaâí karesh ke ángeles lerke, akes akina tish aê'chẽ, toh Jesús í, ã õhsirií i'ka Eka õhni toh akena riras a'kakií ã gloria ña en kií. Akes inkatama, Patatishta akaparen rish, Ekama akenaras õhní arwã asa sás rish. ¹⁰ I'ka akenaras Patatishtama, eka rish yas kari'ro akes ekaras toh yas kari'roma, kawapiro aye' kari'ro ã gloria ña, tohke kií ã autor salvación í en kaâí akeraña ôhsirií Ekaí,. ¹¹ Inka asken, atah kabiskir i'ka kabiskakií, akachuwa tus aspeí. Akari Ekama ishki'tuwa karwani arkiké. ¹² Ekama ñehuá: "TA'KAKAPA PI PIRO TA ARKILERÍ; ARESHPA AKES PARISH TOH ATAWE'RA ASA AÑA AÂKA." ¹³ I'ka wartapehá: "EKARO ARIHEN KAÂRAI." I'ka wartapehá: "CHAUWA, ÑA AÂKARI I YE' LERYO ATAH PATATISHTA TENHÍ TASRÓ." ¹⁴ Tohkarí, i'ka Patatishta pesh ye'ma krâ' ki'lera yukuke akes urikerí, Jesús wa akes kawishki tohke â yas í ekaleryó, Eka õhniyo karpechehí atah kueí aâkuaruri atapúkyo toh õhná, ima tanií, amaisará. ¹⁵ Ima Ekaña en kakií kari'ro atah, tanilerií, toh õhniyó, chiríí kari'ró i'ka cherurií katikaké. ¹⁶ Akenaras, Ekama ameshtuwa ángeles rishmaâ; i'ka, atah Abraham awarishma yarií. ¹⁷ Akaro, tohkenaras Ekama tishki eka aârki lerke i kari'ro ña, aniripiro suma parêhke, õhsiké yarhí toh yas Patatishtarish, akenaras Ekaña pẽhkí perdón ka ã warkua ishkeri peshlerí. ¹⁸ Akes Jesús ekaras, õhsi riras, i'ka warkua ki'lepirishkrií, i'ka ekama karwarkua atah warkua kaki'lepirishkeri.