Juan_HRomeroC-pay_heb_text

Capitulo 1

¹ Karêhma ki'rií Patatishtama ñehwaruri pata ta'wayó a tah profetas leryó kapâh kapâhri ekamaâ. ² Akes ke anûhche achẽh, ekama inkatama aye'yo ti'patakima, eka atah túnhií eka êâ tishpirií ã yas kari'ro. Ekarish kií Patatishta ã kúk kari'ró, ³ ¿ekaí ã kamaskuaí Patatishta agloria â, Eka tena ra? Ekaña kuẽí aâkí ayas kari'ro awẽhí Eka añah atapúnyó wãripe ekaña kabis kií ã warkuaí, akes na achihí asawa eñaña ã majestad kaâhrí. ⁴ Ekama tishki asken a'karí toh ángeles lerke, atah apike ekaí karesh a'kaí eñari ã apikena lertuwa toh ekalerí. ⁵ Akes ¿Pi ángelesro ti'kiisâ Patatishta kri'as: "PAMA TA YE'RIÂ, I'KATAMA YAR PI IUS RAWA" "TASMA ATUSRAPÁ EKARÓ, I'KA EKAMA TAYE' AS RIPE?" ⁶ Akes wartapehi, Patatishta pêhkuachẽ aye' ki'ta i kúkña, ekama ñehwa: "I'KA ÁNGELES KARI'ROMA PATATISHTARO ARÑEHLERÁ." ⁷ ATAH ÁNGELES KENA LERMA EKAMA ÑEHWA; ATAH ÁNGELES KAKI'WA AKUASÃ, ATAH KATUN ISHTA LERMA TÉNWA ITITÍ." ⁸ I'ka aye'rishma Ekama ñehuâ: "PI PURUMA, PATATISHTA, AMA AKENARIPE I'KA AKENAI, EKAMA ARAI PI REINO EKAMA EÑA ARAI . ⁹ PAMA EÑA CHEIÃ I'KA WARKUA MAHÔ. TOHKARI PATATISHTA, PATATISHTA PAI, EKAÑA PI MUKHI ASEYÓ ARARI' KARESH ATAH PI'WA KENA LERMAHÔ." ¹⁰ "ATA'TUKMA, PATATISHTA, PAÑA KAURIÍ Í KUK TUKURIÍ. TOH PIRIMA PI SAWARO KAURIÍ. ¹¹ EKA LERMA EN KAKANETIPÉ, PAMA EN NAUPÉ. Ã KARI'ROMA TAWARCHERIÍ IÑA UKAKÉ. ¹² PAÑA KAUMUKUPE TUNU ASKE, EKA LERMA ATAMAKE AKILERPE IÑAKE ASA SÁS; PAMA ASKENA RAUPE KUI TUKTESHKUARIKIÂ." ¹³ I'ka, ¿Pi ángeles lero ti'kiisa Patatishta: "ACHAHÚ TA SAWA EÑAKE ANI KAKAÂTANIÍ TOH WARKUA ISHTA ANIKE PI TÂ' TUKUPIÑA ACHAHAKE"? ¹⁴ ¿Kari'ro lertuwã toh ángeles leri akuasa ke ã katún ishkerí, tohma katunha lerwa na kachaen kaki'lerpiro atah kawishkerpií ã salvación â?