¹ Arkiwas,arwã as sukulerma iña warkuá as ña,panawa akuansa eña pikachuwãwĩ paña te'kuwá to akuansa eñayo te ta'kauwãwĩ ameshkuawãwĩ papekawã,pawãha intipikiler tipiwaró. ² To atena as pok maiña pakuwãwĩ cristo to ley akén tishpiró. ³ Tarõ asna as apaskuma yar tish ishpiró akarõ tõ'ma intãhi ekapeka arkasaha ishkua. ⁴ Aspeka taña'pa inken wetakena ta katunña,akashkua tóh yar ekae'ma ekapeka wa'pe a ñe'pe akema akapeka aa'pé asnaniñamaa ⁵ Akarõ to atema aspeka pape. ⁶ Taña akapashña archiwishkuma tõ'ña kri kawish piwa,kri eña yas kachiwishkuaró. ⁷ Pirkase'warú,patatishma a'ka kon tãhĩ akrõ taña arwã asña tishkuma,tõ'wã awaki suku'pé. ⁸ Akarõ tãro awaas ekapeka tishki ñawarkuai ishpakiró warkachepé tarõ awa as akuansayo tish kuma,akuansa apeshkao pero ishpakpé. ⁹ Hõ karak ñabartii eña ishró.to aete'kuachema awa eñaro ishpakapiwá,i hã inchẽ ña barmaa. ¹⁰ I'ka akashkua, tõ'ke pitakilerma tõ'kẽ pitakachipé,eña ishbarwa kri to pesh wriháyo,taña lerma fe pita kaoña cherleró. ¹¹ Chaú i kakorskama tasa wa ekayo kakaawá ¹² Ekalerma eña kilera kuchiwish kerpirishkera piyukuña'ma atapunyo ti'pika ish kuawĩ kartaskera kartrelerpiró.Ima iña'pero ishkerá karachilertipiró cristo pen prak pishró. ¹³ Akarõ tãro kartrerima tõ'chani leyma kaenkilertuwã,tokarõ ekalerma pamawá artrahupiwaró i ekalerma wa'ni kapash kerpiró piyuku pi pesh kaoñaró. ¹⁴ Akaro tasma ña'tapa akarõ to pen prak pishma señor pitaste Jesucristo e'i tõkarishki kuk chaparma taporkrii tasroõ tasma i chapar ró. ¹⁵ Akaro to kartaskrenrima ima in awesh chituwã,to kartrelerturi,akẽshma iawesh kakiima weikai. ¹⁶ Tarõ i kriro ñe'rá chilerma chuprenri õhsipitakiiri a aña kanepe ekañolero i'ká patatishta israel aañari. ¹⁷ Inkata keki neuma asnani intitaki'tipe,akẽsh Jesús awãshmá ta pesh kaoña pakawá ¹⁸ Pitaste señor Jesucristo kaparkama pikuansa pape'e'yoripiwá ta arkiwas akenai.