¹ Ima cristaña yas pita kií ishparwá. Akẽs hma tõ´ña aakupiwá warkí te´kuwa awa´ña aakutupiwá tõ´ño kakaspaskertuña awa´ña aakutupiwá tõ´ño kakaspaskertuña. ² Chãuwá Tas, Pablo rawa, tas ta´pikapawá ke pamawá kartaskerma, cristoma in kawishtipiwá. ³ warkiã, tasña arwãró ta´kakaawá ley kri´ro aña´weshkerpiró. ⁴ Pamawá kaparkaña aakiñawĩ. ⁵ Akaró akuonsa tishki. Feñarí, Pistama wêyo awaka ishparwá kacha en apishtic hẽ. ⁶ Cristo Jesúsña taskera ima artrelertipé ima intãhĩ, akẽs Fe Pero katún ishkuaró arakiwañá. ⁷ Pamawá eña ôhaishkiñawĩ. ¿Taña ti´pikiwisá yar aña wesh kutupiró? ⁸ i Ima kachiwish tapumma ima aarwãni te´tuwã!. ⁹ Akinatis sukuhí uncho" parma untorchebama tõ´ña masçhewá ¹⁰ Tasma ekapero onkaawá señorña pamawá akuama na´ma kakachitupiwá ¹¹ Arkiwas, tasñá kartaskera atewata wã´namá. ¿Atewata tosma tara chihiunetera? Inkenama, toh sãma atastasma atewata minihatãrií. ¹² Tãro pesa ameshkema wartukua paro´wá, tasmá ameshkamá tõ´kẽ kartrerishkí. ¹³ Akarõ pamawá ameshkamá tõ´karo karwãri to we´terña. Akarõ pamawá kaútiwã tõ´karo karwãri to we´terña. Akarõ pamawá kaútiwãwĩ in tawarkuá chaparña; tõ´ñawá, ara en ki te´ki, sukuhuwãwĩ pa as te´kuwã inkuwãwĩ. ¹⁴ Akarõ i ley kri´roma awĩkawõ aspes yo tishki: PAMA CHAENKAU PIARKIRO, PAKE TISHKIA." ¹⁵ Akarõ Pamawá asa´kreíma yukú sa´kre pachepicuá pa ekapewá. akaro pamawá chẽ tõ´kutupiwá papewpa. ¹⁶ Tasma ñahawá, akuansa tarteshkuwá, i kara pikiuna pakertipiwá warkuá chaparña. ¹⁷ Akaro pita Pesh kao warkuaró chaparma. Akẽsh ima ke anu´kera krika, akẽsh pamawa ishkupiwariki inkashki ishkupiwá. ¹⁸ Akarõ pamawá akuansaro ki newãwĩ, pamawa ley awa´ña a akutuwãwĩ. ¹⁹ Inkata i katunma ta warkuá ke eñachabrá: Peskao warkuá ishta, so´kuarí, warkua ishrí, ²⁰ To pe´riskema, walak iskerí, kakastokerí, aranu´rí, akatiwarí, karsukulerá akaírí, askenrí, tisteshrí, krawriya, ²¹ To´peró tõ´tarí, ñaha akuarí, yas akua tishrí. To´kakaawá, ki ta´kakaariró taña i yas ishkerá i yasma piri patatishtaña chuñama tõ´ma ara tãhĩ. ²² Akarõ to akuansa awama ima amesh eñaí, ararí, ehapren, tisawakú, eñatishki, bonda´rí.Fe´rí ²³ wekachiwishrí, kaenkaarí; tarte´kuarí ley ma chituwã. ²⁴ Tarõ Cristo Jesúsyo chilerma tõ´ña porkerá aña warkuá we kakachuma peçherí kri iro ishkerkena. ²⁵ Pitasma ekarishki akuansayo chaparwá, tõ´wá akuansa eka eýo tarteshpra. ²⁶ Chẽ wa´kachautís, iro, ta´kupikena akuansa ekaeýo papekawãa kachuishkakí warikía pepekawaã.