¹ ¡Galatas ei rutuwa! ¿Taña warku paña pirtukisá? Piwatapak pañawai Jesuscristoma kabis pakri porkra ki'rí. ² Ima i'pei tosma ari'parishkawa pañawá: ¿To okuansa akatun suku'riti to ley a akuá weshkriró? ³ Panawá yar intariñawĩ? To akuansayo ki tishki nei, ¿Inkatana nei yukuyo tawarkerpe? ⁴ ¿Wê yas õhsitishkrí ima intarií, ima in tarií? ⁵ To'ña akuansa kawishkuá paro'wá i milagros ishkuá pañawahá, ¿Ley katún ishkuaró, weshki fé ro te'kuá? ⁶ Tõ'kema Abrahamké: "PATATISHTARO YAR ÑEHI IMA APISHTICHẼ CA'WESHKRI," ⁷ Tõ'ke askema, ari'hupiwaí akashkuá, tõ'ñalerwã to fé ña Abraham ayerwã lerwá. ⁸ Toh kakorskama, patatishtaña gentilesro justifikipe evangelio ñe'ri asawá Abraham ñehí: "KRI KÃÃUYA ENKAKIPIWAS." ⁹ Tõ'kema Ekalerma toh fe ró enkakipiwa Abrahamyo askén toh arwã to fe e'riró. ¹⁰ Tarõ to krima to katun leyma warkuá awakña akeraí: tõ'ke kakorskaí: "WARKUA IMA KRIMA IN KI'TUMA TO YAS KAKORSKARO I LEY AWIKAWÃÑA, KRII KAKILERPIRO" ¹¹ Inkatama ke kabis akuá asnani justificado a atipe patatishta awakiña i ley ró inkén: "I EÑA ISHKUMA FE RÓ CHIPE" ¹² Toh leyma Fe chiiña te'tuwa, i'ka akẽsh: "PESH AS IN KATUN ISHKUAMA I LEY RÓ, EKAÑA CHIPÉ." ¹³ Cristoña pitasuki ta ñawarkuaña to leyña ñawarkuá ishkri pitasña. Tõ'ke kakorkarií: WARKUA LERWA KRIROWÁ TARÕ PENÑA AS PE'LERMÁ. ¹⁴ Abraham pita uñe'hima te'pirii to gentilesña cristo Jesúsña, pitaswá artapesprá akuansá pita sukulerpiró. ¹⁵ Arkiwás, tish tatuknauwá peshke kapashparishkawá. Ima arwã pesh katunhí, asnani ôkertipe i artukertipe ke ley ro ke tõ'ñatishkima.̃ ¹⁶ Inkatama tõ'kara to Abraham a katun ñehí kapashkiró to te'kerpiriró. In ñe'tuwã: "To te'kerpirima", to te'kerpiró, in ñe'tuwã: "To te'kerpirima", tõ'na'pe wê ñe'ri i'ka akẽsh aspeí." i te'keri" Cristo ii ima. ¹⁷ Inkatoma tas tõ'karó ña'parishkawá imaá: Toleyma, kui awá ká mai mai mai ti'kãã, akuakema tukatipé Patatishta tu'neirá. ¹⁸ Akaró pitatenlerma ley ña chii te'tii, akuashkuá tasma to ley tukriro te'tawã. Akarõ to patatishtatuma Abraham ti'kii wishki. ¹⁹ ¿Piarisa, akashkuá to ley iro tu krima? asti' tiskri warkuarí, Abraham chii te'kertani to te'kerpirii taña to tukriro chii tishki. To leyma atapum wê tukri ángeles awakiña as kawarpiró. ²⁰ Inkatama, pesh as kapash kuama awakiña akuaña ima arwa' akachituwã patatishtapeka kii Abraham ekacharo wishki. ²¹ ¡Akrẽsh horipe! akarõ to ley as chiima tõ'ña inpita pesh kao pitaténpiriti,akaskuá apistiñer kilerpima yar tishki leyro te'kishki. ²² Akaskuá to kakorskama katishki warkua awa'ñá patatishta i'ro kii itukriró fe Jesuscristo yo chaapiró yar ñe'leró kawishkapé. ²³ Inkata;Fe te'tuwá, ley ñehupera chaasbri,pitaka'tishkerá Fe te'kuatãni chẽra ñe'ri. ²⁴ I'ká akẽhma tohley tawartuki ké cristoró pitawa' te'ki, eñatishkapiri to feyo ²⁵ Akarõ inkata fe rishki te'ki,pirtawa'ta asma aakutipé ²⁶ akarõ kri pamawã patatishta ayer wãñariñawĩ fe cristo Jesús ara tishki. ²⁷ Pish tishki parowá cristoyo kamu'rii,pamawá cristoro sukuhuñawĩ. ²⁸ Judios i griegos chani chituwã,ima ke kasu'kakua aketuwã,arwã kortachani chituwã.akarõ panawã kri'ro cristo Jesús asperañawĩ. ²⁹ panawá cristoyo aakima,pamawá aña abraham chi'te' kiñawĩ, papetishkupei.