Juan_HRomeroC-pay_gal_text

Capítulo 2

¹ Ahashkuá, tikãá kui ukua ká tasma warkí tawêharii Jerusalenña Bernabeyo, suku'lera tõ'wá titowá askén. ² Tas taweharí onchã as chamaró evangelio kawishkarii tasña ñahawá ara gentilesña. Tasma katira auí kapashkarií tổ'ma yarKenarii eñakenarii, kacha enkaarí tasma ôháishkarii, âhônu ôhtari. ³ Akaró asnani Tito chãni, tõ'ñaro tasyo akuarurí griegorii, awãshta aña a'kayo ti'kiri artrelerpiro, ⁴ Toh Falsos arkima te'krí katira tishkera te kachēlerpiró pitakatikelertuwã Cristo Jesusnaro Pitakachuró. Ekama pitakiler pirishkri esclavosró ⁵ Akaro pitasma ha cedimas ishpatiri to evangelioró sumisiónño Ki etoñama, ataro to yarma to evangelioró ekayopero chipirii. ⁶ Akaró ekalerma ke askentishkri eñatishke chẽri, tõ'ñalerií tosñama netuwã, patatishta kriro eñalerwá, tolerma, tasma ñahawa, yar kenatari, asnani tasña te artukitirií. Ekalerma tõ'ñaleri ima intahí tasñama. Palatishla asnani Pesh wrihama asro wê'ró. ⁷ Atamokema, ekalerma chẽrí tasñarí to evangelioma tãró artrerima. ⁸ I'ka akẽsh Patatishta tãro katunishkima, Pedroro apostoladoro katunishki tãró artrerima, tõ'wa tasña Katúnishki. ⁹ Ahí ke Santiago, cefas i Juanri sikikaoma tõ'ñaleri ki'rií, kaparma arileruri tatenri, pitatenri asawá eña ta arkileró Bernabé i tasri. Ekalerma i'ro ishkri i ekalerma nelerpiri tãro' artralerima. ¹⁰ Ekalerma ekapeká pitakape'ri pita a'piro to ôhsileró, i yasma ekalerma ishkerpirishkrí. ¹¹ Akaró ke cefas ke te'kuama antioquía, awakiña aakarií ekaña awatapah akaró eña ishturiri. ¹² ki tishkerá to arwã tislerma santiagoña añaharo te'kri Cefasyo Gentileryo ããishkri, i'ká akẽsh i arwã tish te'kerma, ekama tis te'aaki tõ'ña tawarki Ekamá akatiaishki tãro ti'keleriró to kartaskeró. ¹³ Tõ'wá Judios tistawarkrima taũwẽlerii ĩ ñawarkua ishkeró. akriki to Bernabéma tõ'wá pakri to warkuaishkeró. ¹⁴ Akaró ke Kachãishkama inkenalerkena ekapesh e'ró ima karachilertiri i evangelio yaró, ta'ikaariwá cefas awa'tapa'ña: "Pama Judiorima i'ka gentilke chaaishkiyá" Inkashki ta'ka kaû Gentiles Judioke chilerpiró." ¹⁵ Pitasma Judiosrabarwa chapariró to warkuá gentileské; ¹⁶ Akashkuá pitasma ke ariparwá pesh asnani Katúnma to ley ró, akẽsh Jesucristo awa'tapehaña. Pitaswá cristo Jesús ña naboparwá akaro pitasma yar ti'tukilerpiró to Fe cristoña Katun ley ma hó. Akaró to akatunmá ayukuma asnani justificaishtipé. ¹⁷ Akarõ kẽ atewata pitasma nabortuma cristo justificado raparyó, to'wá pitaswá, ñawarkí ishta pitarprorí, ¿Akashkuá cristoma añaha minihñi ñe'wá? ¡Inkénkii hóripe! ¹⁸ Akaró tasña warti kaama to yas lerma, tasma leyro wartu'pa. ¹⁹ Inkén ley a araña tasma leyña onnari Patatishtayo chapará. ²⁰ Tasma Cristoyo taporkri tasratowã to chaama i'ka cristo tasña chipé tapeshkan chaooma fé chaawá Patatishta ayer wãña tõ'ña arata'kií eka wishki tasró. ²¹ Tasma tis Peshtapa Patatishta akaporkuaró, akaro to apistiche tishke tatenlerpiró i'ka ley ña, i akashkua cristo a ôhnú anni.