¹ Pablo apostol as rii, arwã pesh e'tarií arwã pesawá tarií akẽsh Jesucristo arañarií Patatish atús, to'ña to onna apishkerña ishpaki, ² To Pesh arki wrish lerma, to Siki Kao Galaciaró: ³ To kaparma payolerpiwá i to paz patatish pituste a tus Jesucristori, ⁴ Ekapeka te'ki toki pitas warkuá ispiriró i'ka patatishta aña'peka Patatish atús, ⁵ a ekaró gloriá kaape i ka'prá. Akenai. ⁶ Wa Pichããwãwĩ parowahá ke pamawa kãra tishki na ishkiwãwĩ to Ekaña pitarwãwĩ kaparki to cristoró. wa' píchã wã wĩ parowahá ke pamawá akuátishkaishkiñawĩ evangelio akuaró. ⁷ Ima akua evangelio nãhátãhĩ, akarõ pesh akua cherwá ñawarkipero pro'lermá payawa evangelio akvaró cristoro kilerpirishkerá. ⁸ Akashkuá pitasmawá, i'ka angel pirichata, evangelio akuaró ñelerpiwá pitas ña'baró tõ'ma warkuaripe. ⁹ To ña'prikema kekeri, tõ'karo warki ñahowá: "Tis akua evangelio ñaharo pe'kuama pañawá i'ko evangelio akuaró sukurima, tõ'ma warkuaripe" ¹⁰ Akashtuá, ¿Prohaiskawá inkatama yarkena to' arwã pwah e'ró o patatishta e'kenaró? ¿Prohaiskowa arwã pesh e'ro? O tõ'karo probaiskowa arwã leryõ tasma Cristo siervo tarawó. ¹¹ Akarõ ameshkawa arihupiwaró, arkiwas, to evangelio ñahama ima evangelio arwã pesh e'tã hĩ. ¹² Tasma arwã pesh evangelio e'ma osnani suku'tarií tarchawishtetirii, i'ká tamakema, Jesucristo a onrii tasñaró. ¹³ Pamawá tañaha weshkiñawĩ Judaismoro, tasina tõ'karo siki kaoma karachaharuri Patatishta e'ró. yas ka'parií i tasma kawarki warkache'parií. ¹⁴ Tasma ki tish naarii to Judaismoñarii tae wrish leri, kãã uya chatalerí. Tõ'kema wé tishki arkaikakaari tasña ñawarki ka'pari ta tusró. ¹⁵ Akarõ ahí Patatishtama, tõ'narí ta kaki aya asaaña akuake ta'kií akaparki ke tarwãni, ¹⁶ arari' tishki ayerwãró tosña, tasña ña'parií etaró kra gentiles, tasma waripema aka'petarií yukuyo i auritarí. ¹⁷ Tasma Jerusalennama tawêtarri tõ'ñaleri tõ'ro chulera nebori apostolerí tas ki'tishki, akaró naarí Arabía ti'kate'ki warki Damascoña. ¹⁸ Waripe tiká kuí mai ki Jerusalenña a cefas ari'lerpiro, tawarkarii ukua onki kii. ¹⁹ Akaró tasma asnani chanarií to akua apostoleró, krẽsh Santiago, a arki Jesusrii. ²⁰ To'karo kakorskawá, tasña kachaenkakapa patatishta ki'ña tasma korkasaha ishtawã. ²¹ Tika naarí to regiones to Siria y Ciliciari. ²² Atewata chẽ arilerturii Peshpeka to sikikaoña Judea cristoña a aakrí. ²³ Ekaña peka weshkri ñe'ri. "To arwã kris te'ki pitarachiwarurií, inkatama wã'na ishkuá to fé as te'hi warkache'pirishki." ²⁴ Akema to ekalerma arari'tishkri Patatishtayo