Juan_HRomeroC-pay_eph_text

Capítulo 6.

¹ Taye'wás, pituswaró aña weshkuwãwĩ toh Señorña, akarõ ima yastii. ² "ARARI KAUWA PITUSRO I PIKAKIRI" (Ima i'ro ki kakorskaí toh ñe'hiró). ³ "EÑA PIKANEPIWARO, PAROWA I KUKÑA WÉ CHAUPIWARÓ". ⁴ I, atus pamawá, pi ye'waró inta'kakautiiwãwĩ ñawarki akairo ñahuwarú, atamakén, patatishta añahayo eña ta'kakauwá. ⁵ Esclavoswa pamawá eñatishkuwãwĩ toh amas cher ró uru a'ka akati, añaweshkuwá akupiwá pi turusãró eñatishkuwá Cristoké. ⁶ Aña weshkuwãwĩ toh pita chẽ akerpero awa'parti ekaro eñaro kaapiró, tõ'ñaró, eñatishkuwá to esclavolerke toh Cristoké Patatishta ameshkuwá pi turusaro kauwá. ⁷ Kawishkuwáwĩ piturusa ekayó, Señor kawishkaishkiñawĩké i pesh wrihama hó. ⁸ Pamawá arihupiwá i asna katún eña ishker ro i arwã wrihalero, ekama Señor ñá wishpé, o eña esclavorí eña wetari. ⁹ Pamawá amos wã asken yas ishkuwá toh esclavo ishkerké ta'kakautiiwãwĩ pamawa arihiñawĩ toh Ekamá, toh piriña chuké pamawá aspema chẽ chituwã. ¹⁰ Tohchẽma, atapum tishkuwá patatishtayowá i atapumma ekayó. ¹¹ Atukuwãwĩ patatishta awayowá, tokaro pamawá atapun wétishkupiró tãrp te'kekenaró amaisara akatun ishkuaró. ¹² I'ka akẽshma pitas anu'parwa pita yukú urí yo ta'hĩ, Akẽsh toh pita sã ta asã warkualeryó walacha wriler yó artapuk akuansa warkualeryo celestiales a a'kerña. ¹³ I'ka akẽsh atukuwá Patatishta awayó, pamawa eña aakupiwaró toh ã as warkua te'kuaró. Tika i'ro ishkerma i kri'ró pamawá tohña yasti aakupiwá. ¹⁴ Akẽsh tohña yasti aakuwá, ima ti'ka te'kuwá pi yatukama yar atikupiwá i corazama justicia ripé. ¹⁵ Ima ña'ro ishkupiwá pi'ta anuhututewá evangelio ña wa'lera ki'lerpiró to inchẽ. ¹⁶ I kri'ma circuntanciama to escudo toh fe pikachupiwá, pamawa tohkaro auhupiwá flechalerma toh warkuaró. ¹⁷ I tokuwá asamuká salvaciónró i ispararí akuansama, ima to'karó Patatishta aña kapashkaí. ¹⁸ As as aña'hama arkape'leró, añahupiwá anas kri chaparró akuansayó in ameshkama atewata tohña a akupiwá kachãuwá aakupiwá añahuwá i kri araba'leró. ¹⁹ Aña kapauwãwĩ tasró, i akapashma tasña tatenpe toh kapashkachẽ tasapa aprihachẽ, arkapauwá tasma taña we kaa ña'pa i yar ró i evangelio aûháro. ²⁰ I ma evangeliorishkii tasma chra'tarawá toh chra chra'yó, tohkaró inkenro kapasparó tapuro ña'paró inken kapashka ken na. ²¹ Akãró pamawá tohkẽ arihupiwaro tas akapashró in ken ta' newa kena, tíquico, to arki arakiuma siervo eñai to Señor ró, ti'kakipé paro hó i yas kri'ró. ²² Tasna tunharii pañawá i proposito asken ró, pamawá arihupiwaró pitasro hó, i ekama pesh turusaró ña eña ti'kakipiró. ²³ Eña inchẽ tishki pi arkí lerró i araenma i feñoma, Patatishta atus i Señor Jesucristoyó. ²⁴ I akaparma pitas kri'yo 'piwa taña pesh ara eña tishker yó pitaste Señor Jesucristoyó ara enkii ima chẽ ontipé.