Juan_HRomeroC-pay_eph_text

Capítulo 5

¹ Akashkuá atamakén entishkuwãwĩ patatishtakresh kenke. ² Amorkén tarteshkuwãwĩ, tõkẽ Cristo amapitakiiken ekape tishki pistaró. Ekama platoken tishki to amaskrichẽ poprotishki patatishta e'riró. ³ Nawarku ishma ó yas warkuamá to'perishkama ima pitasña in na'tahaí, to araba'talerma ekapesh e'pelerwá. ⁴ Ña kapashma warkuaró, akachitucharí a'kapashka sukuishkuarí ña'kapash eñatarí ima tõ'karó ña'heka taí tõ'karõ akaparbrishki. ⁵ I'ka Pamawá tõ'ke eña aakupiwá akapash akachituyó ima irishki patatishtama akaiwá ima ke te'bonaishkua to' pesh ayerwã pesh e'ña. ⁶ Asnani as te'ki pirkase'tipiwá akapash akachituyó ima irishki patatishtama akaiwá ima ke te'banaishkua to' pesh ayerwã pesh e'ña. ⁷ Akarõ tokãró ekayomawá citauwãhutiuwãwĩ. ⁸ Akarõ kekeri pamawá sukuarũri, akãro inkatama patatishta ña'ró kabisñariñawĩ to'kẽ patatishta ayerwãke tarsteshkuwãwĩ. ⁹ I'ka akẽsh to penwa'ma to kabisma ima kri bonda í, justiciarí i yarirí. ¹⁰ Karpeshkuwá yo Patatishta arari ki'waró. ¹¹ Nauwa tauwahuwarú to pencuá in kakachituña to ña ma ta0kakapiwá. ¹² I'ka to akatunma auhikilerwa to ekalerma, ima akatiparishkerwá inkén ña'pra kakarskapisa. ¹³ Kri yasma, i kabisro kakii kachẽlerma ima expuestatawarkuá. ¹⁴ I'ka kri yasma ima kabiskakachewá, akãró, piwá ñe'wã: "Wakú, paí okaishkiyá, to' onniapishkerña ta ishtakú i Cristomá pirwarpe paro'hó". ¹⁵ Akãró ari pikachipiwá inkén weterkena, pesh artoketukenaró asãña'pero ameshkerwá. ¹⁶ Ãn as te'kuama redimiishkerwá, akãro ãn as te'kuama warkualerwá. ¹⁷ Pisanwarkuá tishkutiuwãwĩ in to'ñaró, ari huwã wĩ patatishta inken ñe'wakenaró. ¹⁸ Tãro tokuna, to'ma warkuá pakuá tõ'ñama, akuansa mustitishkerpiró. ¹⁹ As as kapashkuwá to salmoña, himnos eyeshkarí peshkuansaró ayeshkuwá arari Pesh turusaro to señorña. ²⁰ Atewata kapar ña hupiwá to kri yas ró patatishta Cristo apinyo atusrí. ²¹ Pakekawas tokuwãwĩ to Cristoña'ró. ²² Akawa eka pi arwã ekayo tukuwá Señor kẽ.‌ ²³ I'ka akẽsh arwã ekamá tohró asaí, to akawaeka kortaró to Cristokẽ siki kao asan ekae'í Ekama pitapeshkaoma pitakuaa'pe. ²⁴ Tõ'ke sikin kao wrihalerma Cristo ña aa'kuá, tõhkẽ Cristoma to sikin kao pesh wrihalero, tohkẽ pesh kawaekama pesh arwãnaró ekaña'pero a a'kerpé. ²⁵ Pesh arwã eka, pesh akawaekaró eñakakauwá tohkẽ to sikin kaoró eñakakiiró pi arwãyo aakupiwá ekayo. ²⁶ Ekama toh karo kii eñaripiró. Ekama kaushkí aso yo kasukí akashró. ²⁷ Ekama i'ró kii sikin kao eka pe kawishkerá gloriosatishperó kakiná' tawri'rí kri yas asnani, tohkẽ eña. ²⁸ Tohke asken tishki, pesh arwã ekama kacha en kaupiwa pesh akawaekaleró pipesh kao e'ké, tarõ akawa enkiuma ekape entishkua. ²⁹ Asnani pipesh kaoro inta'kautiiri atamakenma, a'kakii ara enkiwá, tohké Cristo ara en kiiken. ³⁰ Akarõ pitasmawá pita peshkao a inraparwá. ³¹ Ima irishki i arwãma a tus ro tu'nepe i akakiri akawaekayo asawa sukulerpe, i pok ma to ayukuma aspe tishpé. ³² Ima i'ro a'kai yarma auhíi akãro tasma Cristo añaharó i sikinri kapashka ishkawá. ³³ Akashkuá, pa aspewa pamawá arari kaupiwa pi kawaró tohkẽ papewá, i toh akawa ekama ararikauwá pi arwã ekaró.