Juan_HRomeroC-pay_eph_text

Capítulo 3

¹ Inkaskí i'rõ tas, Pabloma, Jesucristo atapastama parowá gentileswá. ² Tasma ña' hawá weshkiñawĩ to erña akapor Patatishta e'ró, Ékona tatenhí pipanpawá. ³ Tasma kakorskaishkawá tõ'kenari chãá tatenhí tarchiwishki. Imá uhama yar rri tõ'ke akinatis kakorskariró akuá awĩ kãwãñá. ⁴ Ima i'ro aweshkima ari'hupiwá tas percepciónro' i aya auhi yar Cristo e'ró. ⁵ I akualerma i yarma arwã pesh yerwaro kachiwishka tarií. Akarõ inkata kuansarishki pitachiwishki apostolesrí i profetas kauña enkií. ⁶ I yar aûiima gentilesña ima ekapeshlerwá apeshkao tentawa'lerwá Ekama tõ'ña aakerwá Jesucristo tu'neiro evangelio rishki. ⁷ Akẽsh tasma akuatishkawá i evangelio yó akapar eña patatishta e'yó atapun tatenhí akatunró. ⁸ Patatishtama i'ro tasró tatenhí akriki tasma tõ'karo aye'rawá tis tis aakriyo patatishtañá. I patenhima gentilesro ta'hahapawá i evangelio ima uruí chẽ artoka aranhatãhĩ to Cristo nánro. ⁹ Tasña to Pesh lerma kareshchepaweí Patatishta a ûhí eño kii ima tõ'kii ñai inke atewarii tu'teshkuchẽ ima aû'hari Patatishtaña, iña yusma ekaña kri ka'chei. ¹⁰ Ima inkata ña'rí, sikin ara tishki, pesã'talerma a'kalerwá celestiales ña te'kerpiró ari'lerpiro Patatishta eña wé asã ameshma a'karii. ¹¹ Ima inkentrii tõ'ke kiiró tõ'ke ki'pé Jesucristo pitaste Señorna. ¹² Akarõ cristoyoma toishtakii to onkaaña pitaste Fé e'yo. ¹³ Akrõ pirkapa wãwĩ ôhsitishtuwa amesh kutiiwãwĩ parishkiá. Ima ñaí i arari'ma. ¹⁴ Tõ' karishki ta tus awaki unachkawá, ¹⁵ Akrẽsh kri tain lerma piri kuk ñari apin tukrii. ¹⁶ Tasma ekañaró orñaha akapaawã pipenpiró, nón kakii kakipiró eñariró. Pesh akuansayo wé atapum piperpiwá, paña aakuá. ¹⁷ Tasma arñahá patatishtaró arkapaawá pitu rusañaro to Fe'ma chipiro. Tasma arñahawá tõ'ñaro apis sukuenakuwãwĩ tish chenaakuwa to amorñá. ¹⁸ Pamawa amor ña aakupiwá ari en kaupiwaró, askén yar ata' bakeryó, akapak inkenalerkena, inke bestikena, kaanri amorma Cristo e'ma ûruí. ¹⁹ Tasma arñahawá pamawá a'kama ari hupiwãró Cristo amor e'riró, asamesh Pitatenpiró. Pamawá i'ro ishkupe patatishta kri'rowa musli tishkupiwaró. ²⁰ Inkata Ekamá, ima yar ka'hewár kri yas. kaka'chewá, tõ'ña newaraska i kri Kapa'baró ameshparwá, akenki to' katunma pitasña a akua, ²¹ etaña eñariró to sikiña Jesucristo to' kri te'kuaró aken aaki akén Akenarípé.