Juan_HRomeroC-pay_eph_text

Capítulo 2

¹ Pish akarõ pamawá, ñawarkuá ishkuwa onniñari ñawĩ ² Ima ña'lerií, kris pes tarteshkuri, ichaparma ãn te'ki akenkií. Pamawa inken tarteshkaishkurinãwĩ tokenkauwa pesa'ta aû' tape'lerá. Ima akuansaí tõ pesh yerwã ña'weshkerturó. ³ Pitasma kriro raparma askén aaraña abrí to añoweshketuyo. Pitasma tõ'ña aabri tõ'ke Ka'bra pita yuku warkua ameshbarí ichishpitakiwá. Pitasma pirtu maski a yerwãrubarií to akualerkẽ. ⁴ Akarõ patatishtama ôhsii nón i to'kẽrishkí amor riro a'kayó tõ'kẽ pita arapitakii pitasró. ⁵ Atowatá onni apishparimá warkuayó, Ekama pitupesh weika pata we'ki Cristoyó ima akarparki pamawa annottiwãwĩ. ⁶ Patatishtama pitaishpaki askén achapra pitakií toh celestialña Jesucristoyó. ⁷ Ekama ĩro kii to ãn as te' kuachema ekaño pitachiwishpirií nón a'ka akapar akachiiyó, Ekaña pitachiwishpé arra tishki ekaña eñokii Jesucristoyó. ⁸ Akẽsh pá akapar tishkuwá annutupiwá arra Fe rishkia, ima pañama te'tií, Patatishtaña wishkí. ⁹ Ima akatunyotãhĩ, i'ka akesh asnani ñehĩ wa'tipiwá ¹⁰ Inkén tõ'karó pitasma patatishta asken ke pitakií, Jesucristo pitakii akatun eña ishkapiró, patatishta eña ameshki suk wê kekeririró, akrõ pitasma ekaña ta'ña tarteshtapiró. ¹¹ Akrõ a'taakuwá pamawá kris as ma gentil rriñawĩ a yukuyó pamawá karwãni ñariñawĩ "inkartrelertirií" Kartrelera apin karwãrikena to yukuró arwã pesawayo ki'ri ¹² Tõ'karó tõ'chema Cristoyó tis tis aakuriña wĩ. pamawá akuariña wĩ kãã uya Israelriró, pamawa chẽ aknaken Pichẽriwá pacto tu'neiró, pamawa in kakachi'tirii cha i'pok te'kuakenaró pamawa patatishtaro pikachiti i wãwĩ i Kukña. ¹³ Akarõ inkata Cristo Jesusyoma kris asma pamawá patatishtañama tis kãra akiñawĩ patatishtaña tis erña kawe'ki Cristo auri yó. ¹⁴ Akarõ ekama chapren pitaste e'i. Ekaña Pok ró kakii aspekii ayukuyo Ekama warkacheí atẽsh krakiiñá pitasña kra tis tis pitaki'ri to hostilidadña. ¹⁵ Ima ñai, Ekaña i ley ma ôishkí i añaharó ima akenkakií ekaña weika kaki'piró tõ'ño arwãrípiró. Ekaña chapren kii. ¹⁶ Ekaña i'ro Kii kauya nabará warKi añakapa apiró, Patatishta pita peshkuoma pen prak pishñoma tõ'ña ripiriro. to pen prak pisyorima tõ'ña onnama apishki to hostilidadña. ¹⁷ Jesús te'ki chaprenró karwãni paro'wó karã aakuriñawi, erñanakrima chapren kawishk ¹⁸ Jesus aakia, pokró a kuansa as pes ró pitakachuwá tu tusñá. ¹⁹ Akẽ akashkuá inkata gentiles pamawá akuaken tãriñawĩ atamakenma pamawá tentawáriñawĩ ekaleryó patatishta tis tis kakiiró patatishtayo ta inlerwá. ²⁰ Pamawá pikaki'ri apostoles chirichẽ to profetalerí, Cristoma ãsperii sá angular rii. ²¹ Ekañama, kri kao a'kalerma katu'chehí tawehuma Señor tõ'kẽ askii akenarii. ²² Ekaña tõ'kenaí Pamawa tõ'karõ warki kaakiñawĩ asken patatishta chii chipiña akuansayó.