¹ Pablo, Jesucristo apostol as rii Paltatishta año'perii to eña Efesios leró Jesucristo eña weterwá ² Kapartawa i chapren ri pitas Patatish a tus pitaste e' wá to Señor Jesucristori. ³ Toh Patatishta pitas atus Señor Jesucristori añabarwá, ekaña pitauñewa kri we pakuansayo pitauñewá piãten lerkena Cristo celestial ña. ⁴ Patatishtaña pitakamas ki tôhkuk kekerichẽ pitasma eña tishbrá wetapiró awá iñabatupe. ⁵ Patatishta pita yo erwã Pitakií Jesucristoyo, akena kií tishki ekapeka kii. ⁶ Pitaste eka e' tishbrima ima eyeshká kaparka ararí tishkí, Ekaña pita artakí pitatenhí taña enkiwaroská. ⁷ Cristoñama pitauwẽhĩ Pitakachuwá auririshkiá ñawarki pita uskí, non kaparkawa kakií. ⁸ Ekama workachẽi to kaparomá pita aña acha'cheí kri pitu sa eña amesh kapiro. ⁹ Patatistaña pitachiwishki ipiãrikena uhí enkií tenhí, tohkekií tishpiró, tõ'karo Ekama karchiwishki cristo yo. ¹⁰ Cristo akatunma ima ãnas te'spirií yar tispiró, i yasma kri'o askén kawe'chepirií, yas kri'ma piriña i kukrñari; asã as awa'ña, tõ'kê cristoma. ¹¹ Cristoyo pita Kamaski Pesh ye tishkapiró: pitasro napri toh kekií asawa ekaña ameshkuma to'kenarií tõ'na tohkekií ka tun ishkuá ekakií ¹² Patatishtaña Pirtakamaski aye' e katishkapiró, akẽsh pitasmaró ki tish a akapiró ekaña patakachii ekaña onkaapiró Cristoyó, pitasña ka'pra arari eyẽs ka Kaapiró. ¹³ Cristoñá tõ'wã pamawahá, ke akapash weshkima to yarró to evangelio ne tõ'kẽtipiró keyar e kaña etaña atewata weshtaha kaki akuansa eña ñohiró. ¹⁴ To akuansa eña tõ'ñaró pita wishki, suku'chebartoni to achihiró ekañahá, eyeshka eka arari e'ro. ¹⁵ Ima inkenaró, tõ'chẽ tas weshká Señor Jesús Fe ri, i pa aenkiumá to kri kauya Patatishta ño e'i. ¹⁶ Tõ'ma tokarõ to kaparma parishki tasma tu'narí tasña añaharó pirkapaawá. ¹⁷ Tasma arkapaawá Señor Jesucristo Patatishtaña, arari patatishta e'má, paro kawishpiwá to akuansa asamañaró chaenkiiri asama ña eka e'ró. ¹⁸ Tasma añahawá pesh turusãma awama ima karpeshpiró, ke arihúpiwáró to onñe'waró eñaripé tõ'karish ekaña karwã'ní eña nón kawishkiró kra kri Patatishta eña e'ró. ¹⁹ Tas añahama kapaawã pamawa arihupiwaró inmesurableri atapúm a'karí pitasma tãña ke yar ña'brá katun to'kekií Fortaleza a'karipiró. ²⁰ Ima iñaí to akatúnma Patatish Cristoro wishki, Ahí ke eka ishpakuma to onlerñama ekayo ehrechii asawaná e'ñaña piã celestial lerikena. ²¹ Cristoma pe'sã krẽsh aya chrechihí ekapeka aenkií to arwã kri apinleryoma Cristoma pesa'ta ãn aspema chitipé, akaró ãnas te'kuawá. ²² Patatishta tama Cristo ata' akẽsh awa'ña pero tukí, ima sikinchilero asán pelerkenaró kawishki i kri yasma. ²³ To sikin lerma ima apeshkaoí, kis chamarma ekae'í tõ'na musti kri mustika'cheí.