¹ Pablo Cristo Jesús aketuista, patatichta ah'rrai i'ka Timoteo unta arki, ² aña weskri yari ta aeki tichkera Cristo yo, tarochilerma to colosaña, kaparwa pawai i'ka wechpren patatichta unta tus' tenhí. ³ Untasma kaparen wichkawâ patatichtaró, Ekama atuska untasma arwâ Jesucristo i'ka areri arñabara pawai. ⁴ Untasma wechbri pi fe Jesucristo yo pichacnishkawâ toh' akachuwâ toh krih'ro to' aleri tistis a'kiri patatishtaya. ⁵ Pama pikachuwâ, akara ichka awaka onkawâ pitas kua a'briró toh piriña, pawa wechkiawidi i wakaró on kaaro kekire akapach ñenriro to' yarri, i Evangelio. ⁶ Ekama parĩchke te'ki i Evangelioma awaró achaichkuá i tawé newã ikukña ima iro parichki ichkaichkua, to' che' weskrichema patatishtama aya to' yarmaa awichkri. ⁷ Ima evangelioma achawichkeii Epafrasyo, untasma pichaenkiwâ kaluishta, tasa to' yarri katuishta Cristoyo untayo, untasyo arwarku. ⁸ Epafras, tasma ke ariharas pichaenpikawaras pi kuansa. ⁹ To' akaroich kiawisa to' pichaenpikiwaras, to' che' weskari tasma tis a a'bartuwã to' arhapari payowã tasma kapaichpara payowã mustiras pi sad mañaña payowã to'ma Eiruras pisaña to' akuansayo. ¹⁰ Untasma uñehi chaparwã payowã toh' techkuapina to' arwã eñañayo to'ma che'kii. Untasma uñehi chaparwã to payowâ paskerpiró âwa to'kri'ro enaii to' ichkua pama tawehuwâ pisamaña patatichtayo. ¹¹ Untasma uñehawã payowa pama to puh ishkeras toh'ma eiruras to'ma tapuma eiruwã to' yeichti akwa awa'tukkraró. ¹² Untasma uñaparwã payowã arari kaparkú pituska, tañaa patakirsa pawa eriruras tistis ka'bri to' akachuii suknataleri to' kamas kaya. ¹³ Ikama te' ta'paski sukuaña to'kuepetakorii ekama ta' tunhiras patatichta achihiña aye' erwayo. ¹⁴ To aye' erwayo untakachua, ĩchtakariras warkua takachituwã. ¹⁵ Aye' erwama akarwayo patatichtama chamartuwã ekama aye'erwariras kri'rro chamarwâ. ¹⁶ To' ekarich kri'rro yas kii, to' piriña, to' arlewã kukna, yas achileri chamarwã ikama chamartuwã, to' achahaña, kripe sadtawâ ama kri'rro yas kirii ekayo ikarí. ¹⁷ Ekama kirii to yas kri'rro, ekayo to' kri'rro achilerwá asken. ¹⁸ Ekama asaró apechhi kao patatichtawá Ekama to atahi tukrii ata' tuk krii aye'a omni akeraña chuwã, Ekama akachua atah' tuk yasro a kachua kri'rro. ¹⁹ Patatichtama arari aki, to' kri'rro achihi cha'ape ekayo. ²⁰ Ekama arih'waró aye' erwáyo yas' kri'rro untasí patatishtama kii chapren urí bar kiiña prak pich keña patatichta che'ii to yas kii, to' yas chii kukñá piriña yas chuwá. ²¹ Kirii pawá wartapehi nerí atestaña to' patatichta ña pechwarkileri a'katunyo warkuaro îchkri. ²² Inkatamá Ekama pitariwâ payowã to pech akaoyo to' omniche' Ekama kii te' kachawichpiro che'ii, to'ma i' akachii ekaña. ²³ Pawa bakima to'fe yo yeichtiri, pama tishtesh kutipé awakparwã to arihharas to' evangelio pa weshkiri, i evangelioma piñaha pesh kri'rro piri awakia, i evangelioma tasmá Pablo arkunishkari. ²⁴ Ikatama arirí akawã hoysirari parowá, cheii ta aryukuyo pish shuras to' hoysii apesh akao eñaii Cristo patatishta akoi. ²⁵ Ike to akao tasma katuistaii she'kiwã patatishtayo to' wishkriraska payowã, patatishta añaha she' kapee. ²⁶ Ihmá yarrí toh ĩnke auhí akuiha toh we'ká te'kerí akesmá to' inkitama ôn sheĩ shẽ taro añahweshkera ã Ekaró. ²⁷ Ekalerá toh patatishta kaki'pii arihlerpiró akachui eh aakuri toh yarma toh pesh aakriña yarhi kativii peshyowá Cristo payó achiní, tasma tariraras chanima gloria. ²⁸ Irah toh nahbari untassi tasma tahkaawá tasma tahkaawá pesh krihro, krihró arihawá, hamachiwisku toh krihro toh Cristo. ²⁹ Tasma katuishkawá tasma apura kaawá toh yarhi tahta punyo katuishkawá tapunyó.