¹ Pentecostesche' tehboni, ekama krihró askén achihri anchiya. ² Ekaken arani tehboni piriña a ráfaga to' ompish taminihwaké, akanskuá umuchehí akaoi eka achi'leruriña. ³ Ekaró arapaskrii uwa tenwaké ishkrií distribuidaské tis tis tawarkrii to' ekayó. ⁴ Ekama Akuansa Eñaró umustrii e'kakes kapashkrii uwâ akuaké, to' akuansa kawishkuariké kapashkerpiró. ⁵ Akanshkua Judíos chilerurii to' Jerusalénña, arwã eñalerwá, to' kaauña krihró a piri awahkia. ⁶ E'kakes to' aranai weshkrii, apeshwrihama atawehrii to'ma eylertururii ama aña akuaró weshki a eka auwayó. ⁷ Ekama chihti aakerá arari tishkrii; Ekama ñehrii: "To' Galileo krihró ta' lerwá to' ñehhiaakri? ⁸ ¿Akaró untasma weshki achahbarwá, to' auwá tistisyó a chabriche? ⁹ Arriehlera toh' Partos, Medos i Elamitas, to' Mesopotamia chilerwá, a Judea ñari a Capadociari, to' Ponto i Asia, ¹⁰ To' Frigia, Pamfilia â Egiptoña to' regiones Libiañari, to' cirene arwichihña ama to' Roma Chanalerwá, ¹¹ Judíosri i Posélitoswá, Cretenses to' Árabeswá, úntasma weshbarwá to' auwayó ñehleri Patatishta tapún katuishkeryó". ¹² Ekama chohtiaakrii perplejos; as as ñehrií: "¿Iró ñehpirishkuasa i hi?". ¹³ Akaró akuama sukapashkera ñehrii: "Ekama to'na we'karo umusti achi'riri". ¹⁴ E'kakes Pedroma aakii ukua as yó: "To' arwa Judea kri'ró pa chileri Jerusalénña, pama eyrupiwá ĩhí; ima weshkuwá ta ñaha. ¹⁵ To' peshma to kertihiwaakrii to' pawaké to' tokuaña, akroh to' aharma menpessi. ¹⁶ Ankró to' profeta Joelña ñehi: ¹⁷ IMA APISTIRIPÉ, PATATISHTAÑAÑEHWÁ, TASMA TA KUANSORO KAWISHPA TO' PESH KRIHROWÁ. TO' AYEHRI AYEHKORTARI ÑEHLERPÉ, TO' YEERWAMA KUANSA CHELERPÉ TO' CHUWAMA ONRÓ CHELERPÉ. ¹⁸ AKANSHKUA TO' KATUISHKERI AKATUISHTAWÁ TO' CHE' TASMA KAWISHPA TA KUANSA, E'KAMA AÑAHYÓ ÑEHLERPÉ. ¹⁹ TASMA EÑARO KACHIWISHPA TO' PIRI TAHWAÑA KU'YAAKI, TENWÃ URÍ, AURÓ TORSH PEHWÁ. ²⁰ TO' ANMA SUKUA TISHPÉ TO' YAWIMA URITISHPÉ, TO' KI' AHKAÑA TO' SEÑOR TE' PICHÉ. ²¹ TO' KRIHRÓ TO'KE TISHKERPÉ TARO SEÑOR APINRÓ KAPE'LERMA AMA SALVO TISHKERPÉ. ²² To'ma arwá Israelerwá, weshkuwa ĩ añahi: Jesús de Nazaret, to' arwama Patatishtayo eyruwá payowá to' tapún katuishki eñai a cherii to'ma Patatishtaña kii parishki, a pawakei eylerwá, ²³ akanshkuá to' ki'riké determinado Patatishta ki'eyleri, Ekama pakawishkri payowá, to' arwá pesawaya to' ley ta'yó, prahpishña oysi ki'riri. ²⁴ Tatisa Patatishta ishpakii, en ki'waakri to' apa'na onniwakuri, akaró to'ma to' kenata'rii ekama a ekayo aahpirii. ²⁵ Akaro David ma ñehwa Eka abri achihiró: TASMA TO' SEÑORRÓ CHAARI TAWAKIÑA, AKARÓ EKAMÁ TASAWÁ AKRA ATENSSIA ACHIHI ANKRÓ TAS TAMINIHTAPARÓ. ²⁶ ANKRÓ TATURUSAMA ARARI AAKUA TA UWAWA AHRARI AAKI. AKANSKUÁ TA TU KUMA CHIPÉ EYRURAS. ²⁷ PAMA TUNNOOPÉ TA KUÁNSA TO' SEHWAYÁ, TISNANI TA' WISHKUTIPÉ TO' SANTOHI CHEMBIRO A EÑATA'RÓ. ²⁸ PAMA TA OMPISHKURÍ TO' TA' EÑARÓ. PAMA TA UMUSTUPÉ AHRARIAKI TA WATAPAKÁ. ²⁹ Ta arkiwa tasma ta'kakaarawá eyraroska er David abriña: Ekama onni onshkri, to' onshkrima untassin achihi inkatama. ³⁰ Akaro ekama profetari eyruri Patatishta ishtipiriiké Ekama ñehwaakri to' ekama ki'piri to' pesh waké a chaha achiké. ³¹ Ekama aro chei to' Cristo wakatishkiro ñehi: EKAMA TO' SEHWAÑA TUNNATAHARI, TO' YUCUCHANI CHENDIHI TO' WARKUAI. ³² Ĩ Jesús, Patatishtama ishpakii, untas krihrowá eybarwá. ³³ E'kakes ki'waakri Patatishta akra eñayó tihkiwaakri to' Akuansa Eñaró atuska, Ekama iro tuhí, a pawai cheuwá weshkuwá. ³⁴ Ankró Davidma tuntihí piriña, to' karo ekama ñehwá: TO' SEÑOR ÑEHÍ TA SEÑOR RÓ: CHRACHAHÚ TO KRA EÑAÑA, ³⁵ UNTAS KAATANI TO' PI WARKUA KI'RÍ PITAHTUKUPIÑA. ³⁶ Ankró, tunnauwá Israel akao krihró yarma eyrupiwá Patatishtaya atenten kii, Señor Cristo, ĩ Jesús ró palerii pracpishkaña amaskuriwá". ³⁷ Inkatama ankró iro weshkerma, to'ma kapuk peshkriwaakri Pedroro ti'kirí to' apóstoles ĩ: "Ta arkiwá, ¿Inkashkapiwãsa? ³⁸ To' Pedroma tihkakií ekaró: "Ké warkua ishkutihiwawí tamuhuwá pa as as ró, Jesucristo apinyó to' warkua ihskriró, pama sukuhupiwá to' Akuansa Eñaró, ³⁹ To' parowá ñehwawí eka pesh ye'yó to' kri' kara achihriró, pesh we'leri to' Señor ké Patatishta wahní". ⁴⁰ A we'ke añah akuayó ekama kapashki akayí ti'kakií: "Warkua ishta na en tishkuwá". ⁴¹ E'kakes ekama sukuhri añahró ekama tamuhrií, nelera untukrii to' che'rii akuansa krih men menleri. ⁴² E'kama wartapehí ishkrii to' apóstol achiwishkeri, to' a'waké, pan tis tis kii to' arñehiché. ⁴³ Akatii te'ki to' akuansa krihró, chelera we' en ishkri to'ña ki'ri apóstolesyó. ⁴⁴ To' krihró weshkri asken achihri to' yassi askén kaakri to' comúnké. ⁴⁵ Ekama pesh kuhró uchache'ri to' en kakachiri to' krihró ki'ri, tasma eyrawá to' akachui. ⁴⁶ Akanskua ekama an we'ri nelerurii to' aspes yó to' kaoña, to' panma tistis ki'lerurii a kaoleriña to' sirama arari kawishkerurii to' pesh turusama eñalerii; ⁴⁷ ekama Patatishtaro arñehleruri to' pesh krihró kakachirií to' Señor ma ã as ã as untukuarurií to' en achihlerurii.