¹ To' awi kaweî ki'ririi kakorskarií, Teófilo ma ñehwarari krihro to' Jesús kii ish ki kachi wish kuaruri, ² Achehrii to' tawuaki sukuhrii. Imatikatanirii to'ña wishkia kiri añe hii to' Akuansa Eñayo to' apóstoles ña kah kama nas kuakiri. ³ Ehkakes oysitish kriche, ekama eka ya to' teshki wẽhri convincentes. Kaukuariche ekama ekaro karakara paski, Patatishta a reyno nañe hi. ⁴ Ehkakes ekama atawehi achi hi ekayo, ekama ti'kakii to' Jerusalén ña apasketipiro akaro ekama awâkera ekañe hiro, to' erña, ekama ñehi: "Pamatasro weshkrii, ⁵ to' Juan ih efecto aso yo kamuh wâruri pama to' Akuansa Eñayo tamuh hi awi ánbishma cheh chiti pe". ⁶ Eka atawéhia achiri ya akrih ro akape'rii: ¿Señor, ima inkata ih paih cha upi ih to' reyno Israel ro?" ⁷ Eka ti'kakii: "Papétalerwa to' kaã ari hupiwai atús akerpia ekape ish kií eka atapún yo. ⁸ Ehkakes pama tapún suku hupiwã, to' Akuansa Eñayo teh piche pa akuri yo, to' ñaleripe to' ñelerpii Jerusalén ya Judea kriro Samaria ri to' apistiche". ⁹ Ehkakes to' Señor Jesúsma ñeh waakiri i yassi, akaro ekama tah waña a kui chei aakrii, Ekama to' wananak ña ish pahkrii to' awaña auhii. ¹⁰ To'karo eka chẽrema to' intensamente piriña ãkashkua Eka neí' ãkes to' arwã poh ish takkri ãeka ya pesh kaowa kamasaleri. ¹¹ Ekama ñehri: "Pawama, arwaleri de Galilea, ¿inkro ña aakuriwasa pirí chuuwá? ima Jesús tawehii piriya inka wakite' pe to' ke cherike piriya nei". ¹² Akashkua warta pehlera to' kasina de los olivos, inka pia to' ya aaki to' Jerusalén, jornada as kapahni Sábado. ¹³ Ekakes eka nabonrii, tawehrii to' aposento kaahi, piyata warkilerii, ekama tanilerii Pedro, Juan, Jacobo, Andrés, Felipe, Tomás, Bartolomé, Mateo, Jacobo ayerwa Alfeo, Simón to' Zelote inka Judas, ayer wua Jacobo. ¹⁴ To' eka kri'ro atawehlera aakrii ã aske, akashkua ekama katushtaleri arñeh lera ki'nauwã. To' kortama as kenachihri, Maria Jesús akaki pesh arkiri". ¹⁵ Achehma Pedroma pesh arkiakera ya akiri, ukúa pok ukúa erñaleri to' peshka ehka ñehi: ¹⁶ "Ta arkiwa, eñariro to' kakorskai to' Akuansa Eñayo ñehi to' David asawa asapaya Judas abriya, to' ña kacha wishki, Jesús akatishkerpirii. ¹⁷ Akes ekama úntaske as ri tis sukuhi to' ministerio ro". ¹⁸ (Inkitama arwa kuk as kuhí to' ganancias to' ekama sukuhi awarkua ishkii, akes asã ake aki toki inka apesh yori to' entrañas ma ta uki tapu'chei. ¹⁹ To' krihro chileruri to' Jerusalénya weshkriitó abriña ãakii, akesma eka karwanrii acampoih ãuwaro "Acéldama", akenai, "to' campo ãurike"). ²⁰ "To' awikawaya Salmos ya achihi: APIKUKMA IHCHITIPIRO, TISNANI TAH WISHKUTIHIWA APESH CHIPIRO TO'YA. TIS WEH CHUIH TO' ÃAK PIYA LIDERAZGO. ²¹ Ama kenari po, akes, arwa as úntas ya ãakrii to' wih kriro akes Señor Jesúsma takiapaskuaruri untas akeraya, ²² kihlera to' Juan atamuhiche achehrii eka pakri untas ahak bari tahwuaya, amato' yaripe ñepii anniwuache". ²³ Ekama kihtu' krii arwua pok, José api'ma Barsabás rii, to' wuarii apima Justo ri, Matias ri. ²⁴ Ekama arñehlera ñehrii: "Pa, Señorma, pesh turusaro arihiya to' pesh krihroi, akes pión chaape apopyo ih to'ya ih par ahkamanaskuri. ²⁵ Ama suku hapep aministerio ya apóstolado akes Judasma ishkii nepiro eka akuk yo". ²⁶ Ekama en ache'rii eka aakakriña; A suertema eka akina tã ehii Matías aakiña akens aweshkrii to' apóstoles ukua as.