Juan_HRomeroC-pay_2ti_text

Capítulo 1

¹ Pablo, apóstol as i ã Cristo Jesús yó, Patatishta en ishkuayó, akenai toh promesa chuí ã Cristo Jesús ñá. ² Ã Timoteo ama, aye' amadoi: Kaparen ôhsiri eñari Patatishtayó tus ka i'ka Cristo Jesús unta Señor ka. ³ Kaparenka awa Patatishtaro, i'ka arwarta ki'ri lerií ã â'rrarí we'kayó, akes ta'ta akuama tas arñahama, kakañari i'ka anharwa. ⁴ Akes ta'ta akuama toh aka'nií, chaish takiwa, i'ka tohkari arari' chaparo. ⁵ Ta'ta akua aôh kaawa yar rrás, i'ka chiirras ata'túk pi suwãña Loida, akes pi kakilari Eunice. I'ka akua kena raras ãke chuwa paña'wa. ⁶ Tohkari ta'pikaawa en chaupiro Patatishta â don yó paña akẽ tukupiro pi sawa. ⁷ I'ka Patatishtama unte'tihi akuasâ akati'waâs, akes atapúk wãkeñaró, amor i'ka disciplina. ⁸ I'ka pi pesh wa pikachitihí toh en ish i unta Señor ró, ta'chaniâ, Pabloâ, toh akatishkaí, i'ka en ishkutuma toh ôhsirish â ñâh eña akes Patatishta atapúkyó. ⁹ Patatishtaña salva patakii i'ka patarwani a eña yó, ekaña kií ihí, ima untas ameshpar kena tanhí, i'ka ima eka ñehuakeí akaparki. Ekaña yas patenhí toh Cristo Jesús rish bak tishtu tewa âê. ¹⁰ I'ka inkatama toh salvación Patatishta êî ima untenhí ã apaskií unta salvador ka, Cristo Jesús, toh pichẽ kií ôhma akes pé'kí chaâ ôhna chachã ã kamaskuayó añah eñayó. ¹¹ Tohkarish tapi tikrí añah eña ñaharo, anike apóstol i'ka kachawishta kerí. ¹² Irish taswa ôhsirawa i yas rish. I'ka ish taki'tuwa; ama ariharas Ekaí, atah aôh kaaí. Akes en chaawa ekaña en ki'pé toh kapaârií, i'ka eka ñehwãchẽ. ¹³ Kua ã aku toh añaha eñe wehkaí, ã weshkurií tasña, i aôh kaâña â amor i'ka Cristo Jesús ña. ¹⁴ En akau toh akuasã eñaña, ã chui untasña, a eña tukuâ Patatishta. ¹⁵ Pa arihiâ, toh cherri kari'ro Asia ña takas tesh cheri. I atawehleña aâkrí Figelo i'ka Hermógenes rí. ¹⁶ I'ka â' Señor ña en kachẽí â Onesíforo a kaôña, akes ke atapuk takachuma i'ka ish taki' tuwã toh tatikrirish. ¹⁷ I'ka â' tamakema, akashkua eka chii chẽ Roma ña, ekaña taprohí en tachẽí, akes tartapuki. ¹⁸ Ekaña ta' wishkí paspiro ôhsirish ã Ekarish tohchẽ, pama arihiâ enrish toh kari'ro yas inke tar war ki asrí aniña Éfeso.