Juan_HRomeroC-pay_2th_text

Capítulo 3

¹ Inkama, arkiwa, untasrish arñahuwa, Patatishta añah weshchelerpiro inka glorifica kaâro, pa ishkrike. ² Arñahupiwa atah pesh warkua leri i pataki'ler tiíro, i'ka kari'roma aôh kakachituwa. ³ I'ka Patatishtama en ishkua, atah en kachemií warkua kaki'lertipiró. ⁴ Untasma Patatishtama aôh ka'para palerish, i'ka pawaí yas en ishkupiwaro toh kachawishparike. ⁵ Akes Patatishtaña pi turusã en kakií en pichẽ pirowa Patatishtawa i'ka chaupiwaro Cristoyó. ⁶ Inkatama kachawishpara, arkiwa, unta Jesucristo apiyó, pawaí chã' kauwa kari'ro atah arki chẽrí chẽ' atañah weshkertuí, atah chẽ' en ishkertipirish kerí toh pawa kachawishparike patasñaâ. ⁷ I'ka pawaña askenaí ari'hiñawi palerña ishkerpiró ake. Untasma chapartuwa pakera atah asna akachitihike disciplina â. ⁸ Akes sira â'bartihí asnani i'ka tamihbartu ekalerish. Añahí, kakañari ânhar rrí katún ishpia aôhwaña unta pú'yó, ika pa aschaní katúkatipiró. ⁹ I ishparií, i'ka unta atapúk patakachituwã. Ima akenatánhí, ima kâ'parií chaupíwaro palerí, ake pawaí kaupiwaró. ¹⁰ Akes payowa chaparirí kachawishparií: "Taro katún ishtipirishkuama, ima i ê'tipé". ¹¹ I'ka untama weshpara asna pikera lerña pañahwa ta'teshki wetera i ishkertú. Ama katún ishkertuwa akes iñama en ishkertuwa. ¹² Inkatama untasña ta' kakapara toh lerí Jesucristo añahyó taúra, ekalerwa katún ishkerpiro katirá i'ka ê'lerpiro pe sirâ ekaí. ¹³ Pawaí, arkiwa, atapúk sukuhuwa en ishkupiwaro â yestike. ¹⁴ Taro asna pata ñah weshtipirish kuama i awĩkawãña, i'ka chaupiwa akes ekayoma aâkutipiwa, i'ka ekama ish ki'piró. ¹⁵ Ekama chẽ' chautipiwa kalekemaâ, i'ka arkiké ta'kaupiwa. ¹⁶ I'ka Patatishtaña en ki'piro eña kií ta'ña. Akes Patatishtama pa kari'leryowa. ¹⁷ Ima ta únñahí, Pablo, ta sawayowâ, ima tukawa kari'rowa i awĩkawaña. ¹⁸ I kaparenhí unta Jesucristoyó ima chuwa kari'roña palerña.