Juan_HRomeroC-pay_2th_text

Capítulo 2

¹ Inkatama ã te'pichẽ unta Jesucristo â i'ka arta púkharpichẽ asken Ekayo, untasma ta'kakabará untaska, arkiwa, ² pawaí karkaselertipiro aôhwarí, akuasãrikiâ, i'ka ñahyorí, ke bak tishkuaha achẽ te'pichẽ Jesús ka. ³ I'ka tâh kawishkutihi wãwĩ asnaniâ karkaselertipiro. Akes te'tipé inkemaâ i'ka ke taêhwaha te'pé. Toh arwã warkua leryo aka'pé, â ye'lerí warkua. ⁴ Ñaí atah â'ka tishkua ekapé atah kri'ka tahkaparí Patatishta ã arñahparí. Akenarás, i'ka Patatishta akoôña chipiro aêkapé Patatishtake. ⁵ ¿Pirta akí tas aâkaruri payowa ta'kakaârií i yas í? ⁶ Inkatama ke arihiñawĩi pawaí aôhwa kaki'pé, ekalerma kâ'taahpiro achẽpé. ⁷ I'ka toh ministerio eña tán ma ke kaâí, aspes chuwa a ki'tumaâ inkatama ekaña ke paskertani a tâhña. ⁸ Akashkua atâh eña tánma kâ'ta âhpé, atah Jesúsña karmas pií eka asapa aûyó. Akes Jesús Ekaña kaki'pé ika tanrikea pêh taâ'pé. Eka te'kuachẽ. ⁹ A te'pichẽ ã en ishkertihiris Amaisara akatún rish ripé eka atapúnyo, chẽlerme yas karkasepiro, ¹⁰ Akes karkase en kakií. I yasma atah tashkerpií añalerwa, i'ka i lerma añah yarhí weshkertihí akes en kakanepiró. ¹¹ Patatishta aña tohkari katúnhuâ ekalerña kasaró en añah weshkerpiró, ¹² ama tohkena ripé atah kari'ro juzgado leripií, atah añah yarhí weshkertihí i'ka kar esh ñah weshkrií warkuaro. ¹³ I'ka untas parma kaparen ka'pra Patatishtaro palerish, arkiwa Patatishtama en patachẽwã, ti'ka Patatishtaña pi prohiwa pawaro akes ata'tuke awa tukuwa eña ripiro kabis akauwa ã akuasayo añah yarhí weshkuwa. ¹⁴ Ima iñalerwa atah Eka karwani ñah eñaya i'ka kawishpiro unta Jesucristo â gloria â. ¹⁵ Akes akashkua, arkiwa, enri aâkuwa kartashtihí en ishkuwa ã kachawishkaké, i'ka ñahyó akes awikawãyó. ¹⁶ Inkatama, unta Jesucristo ekaí, i'ka Patatishta unta tus en patachẽwá akes untenhí aôh en kií atestaripií akes akarenyó, ¹⁷ en patatenhí atapú'yó kare' ma pata turuzã yo en añah ñahparpiró