Juan_HRomeroC-pay_2th_text

Capítulo 1

¹ Pablo, Silvano rí, i'ka Timoteorí, kaô Patatishta arñahaña aniña Tesalonicenses kaña unta pata tus i'ka Señor Jesucristo. ² A kaparen pawai ararí Patatishtaí i'ka unta tuska â Señor Jesucristo rí. ³ I'ka akaparen ishpra Patatishta ro pawarish, arkiwa. Akes eñaí, i'ka pi aôh en tawehwá wehrí, akes en achẽleras paraí atawehupiwa a akuayowa. ⁴ Akenaras untas í en ña' para arari'rí paña'wa kaô Patatishta akeraña. Untasparma ña'parwa eñari aôh kari'ro karachihí. Untas parma ña'parwa inke pawaí toh yas kaki'lerí. ⁵ I chaiñawĩma Patatishta â juicio eñayo. Akenaras pawaí eña raupiwa Patatishta a reinoña, toh inke ôh siraña wiasrí pawaí. ⁶ Eñaí Patatishta rish wartapehí ôhsileras atah ôhsi kaki'leñaâ, ⁷ I'ka en kakaâpiro atah ôsilerí untasñaâ. Ekaña akashkua te'kuachẽ Jesúska piriña chií ángeles yo atapúkyorí. ⁸ A ténwã ihiyó Ekama ñas kaki'pé atah Patatishta ari'lertihí i'ka atah ñah eña weshkertipirish krirí unta Jesús. ⁹ Ekalerma ôhsilerpé kare'maâ ñas kakií tohchẽmaâ, Patatishtama tishteshki akes a gloria yo akes Eka atapúkyó. ¹⁰ Ekama ki'pe Eka te'kuachẽ toh chẽ akes kahalerma ararî ki'lerpé, eña ki'lerpe atah kari'ró añah weshkrií. Akes unta ñahma weshkrií pañaâ. ¹¹ Tohkari untasmaâ arñapará kapâh kapâh palerish. Arñahpara unta Patatishtaró ekama ekama en patachẽme patarwanarás. Arñahprá tohke tishpiro ã kari'ró awahpari â katún eñayó aôhyó a atapukyó. ¹² Arñahpra iñas í unta Jesús apirish ararih aâkapiro pawaí. Arñahpara pawarish ararih aâpiro Ekaí palerish, ã kaparen rish unta Patatishta i'ka Jesucristorí.