Juan_HRomeroC-pay_2pe_text

Capítulo 3

¹ Inkatama pika karskawá amados awi kauwá pok tomá ariruras peshenñarias. ² Inki arú piwa pa patasukñaha ta pehupiwá ekama wesh istan takiwa akema pesh kuese, ekamá ñeh lerpe prah hishisa. ³ Ki arihpawá pataton shihi piriña kuk pe'kri aso tuk kiyaso pekri inkatamá piriwá inkukmaá, ten kau eña tah kau tenwá. ⁴ Inkatamá pasku tope, taarki akanai, Patatish awakarpe kui ukuara ukua kenaí ukuará ukua a ãskena pata ñahyo tesh ka piruwa pama krihro shaapiruwa. ⁵ Patatishta kaitishta tekipe. piriña ahñehi te'epe se'lepe tohma. ⁶ Te'wayó se, hi te'pe Pamaá krihtowa, pesh eñai tosa waku waripé a Patatishta tekua awaripe, akẽ te'epe piri tasehpe tenguayo, take sehi se'epe tenwayó pa tasmaá inkatama a wakape pirí ika kuk ika wa'aha eña. ⁷ Akashkua amado, pawai amakiña miwá ñasi eña eshkuá na kapros kapas parwa amaka tanhú asennai enkayó. ⁸ Ima tro'teshtipiwaí to' atenciónyo, amados, ã asri Señor yoma kuih mil ma a kuih milma ã aspeske ki'wa. ⁹ To' Señorma katiri apehtuwã a respeto promesasyo, ã asnanike ameshku katiri. Pachi ya payawahí tahri. Ekama ñehwa tisna toshketipiro, kawishkaki'wa tis tu'newa to' krih ameshkerpiro. ¹⁰ Akashkua, ã to' Señor ã as te'kua ka ishtishtake. Pirima to' teshke ã arani a'kayo. To' yasma tasehlerpe tewãyo, a ku'ya ki'ri ekayas ónchelerme. ¹¹ Ñaro kri yas karmachepe inke. ¿Ipeshlersa pawahí? Pawahí pesh en santas chilerpe i devotasyo. ¹² Awakerpé wãripé to' ãã Patatishta neboh pichẽ. To' ããche', to' piríña karmasche'pé itenwayó inka elementos wã'chelerpé patao' we'yo. ¹³ Entawarpari to' ñehhií. Untasma awa'pará piriña' wuka' inka ku' we'karí to' justicia chuwaña. ¹⁴ Ãkashkua, amados, mientras awa'ñawĩ pawã ĩ yas, eñaro kauwã inka kapashkerpiró ĩ kakachituĩh to' eñalerí atahtu' eka, en aakrí. ¹⁵ Akashkua, ameshenkaa awakareña pata shuwá en patakue a'piro akés inken pata arki Pablo kakorskí pawaró, akashkí a sabiduría eka ne wishkrí. ¹⁶ Pablo yas ñehuá awikawã krihroñá, añama aóhuaí patasãmana akastokaaí. Arwã eilertuwã peshñahró wrihwrih kilerwá, akes ekalerwá akuake kakorskerwá, tohma kiklerwa ĩhtah tishpiró. ¹⁷ Akashkua, empichãai, inken pi arihlerás ĩh iñayas, achaũwãwi ekapé pawaí akes toshkertipiró ta kasayó, toh peshma ley arihlertuí ihka pawaí tõshkestiripó pieka fidelidadí. ¹⁸ Akaró tawehuwá akapar kay ó aríhlera pata chuwá ihka salvador Jesucristo. A gloriama eka e'rií, inkatá ihka chihteshpé. ¡Akenaí!