¹ Profeta ark¿asata tekrí ka'aña, i arkasatá achiwistarí ekawá tekepé pañawá. Ekamá ñá au'ha kachiwish kerpe ñahakuá, i ekamá in ñelertipé to achiwishta taro kaku'hií i ekama waripé pekerá warkuáperó pe'kera eká pecheró. ² Wé ara'chirepé warkuá peró ekareyó toh ata eña yarmá blasfema ki'repé. ³ Toh eka en ishkrá kasuku'repé paróhwá ña'kasayó toh pi warkua te'kuamá karitaripé; i toh warkipimá otuwá. ⁴ Akes Patatishtamá perdona'kaki'ti toh angeles warkuá ishkri akes akashkua okake katunhí tohña katika kakua'piro toh su'kua asaña toh aechetani. ⁵ Akashkua toh pesh kiriña'wá perdona'kaki'tii. Toh aakaña en chei Noé ñahas kahpu'kri toh arwá tawa'yó toh aso uyã as pe'kí to pesh warkuá krihña. ⁶ Toh Patatishta warkií to kaá Sodoma i Gomorra ti kô kií warkua kaka'chei, toh cheremiro tohké kaki'pií warkua ishtá. ⁷ Ankarike toh lot má atá eña paki, toh taro, amesh aakirí toh arwá peshta warkua wetririshkrá Patatishtá enkií eka. ⁸ I akes toh arwá eñamá taró chií ekareriyó take chií we' chi ekama ameshchí apeshakuasá toh chewariró i weshkuarií. ⁹ Toh Señorma ari'wa inkekaró kapershkí en kaki'pikemá toh arwá rerí warkua ishta toh kaki'pi aeché. ¹⁰ In ña'barmá yarhi toh taró nera pakeri toh apes kaish kaki'wapero i toketipirishkerá atapun a'kareñá, ekalermá to'kererá warkua ishtá ekama akati'retua ña'warkua ñaha a gloriosos. ¹¹ Toh asu'natamá katapun kakachuá i toh ekama juicio pekertuwá i toh ña'worki chani ekarero al Señor. ¹² Inkarike toh peshwakuamá inbecilesmá akenarerá tohke ki'ri la capturá i warkaché. ¹³ Ekama atami'repe toh warkua ishkri eka ameshkerma toh lujos toh ankrihpi eñakencherá ekamá atu'kena rerá itachas ekama arrarí tishkerá weterá akasayó eka en ishkema payo'wá. ¹⁴ Eka peshwamá kortapero ameshkí cherwá korta adultera paró, kri'as chani apeshketua toh pecado. Ekama karkaselerá peshkuasa inestable toh warkua ishkerpiró peshra warkua peró kakachua en codicia. ¿Tohmá warkua aye'erwá rerá? ¹⁵ Ekama ta'nera toh tá yestimá apaskra nera arachi'ri Balaam ata'ro ayé de Beor, taro en cheí artamihí por Justicia. ¹⁶ Ankarike ekamá ishchistan artoki transgresión ekañá saismá kapashtú as kapashka pesh pataña'yó arte'ki toh lukura del Profetá. ¹⁷ Toh in arwarema ata manantiales kena rerá aso akachitri toh wana'kena rerá toh aso a¿ka pe'kuaí su'kiípe'kua eka peshi'ró. Ekama papashkera arkasayo y karkase'lerá peshró toh ekamá ñahish kakiwá toh pessayopé. ¹⁸ Ekama karkaselerá peshro tohke kakaspashish kakiwá toh chileri warkuañá. ¹⁹ Eka ti'kakilerwa enkakasteshkerpií inkariki ekawá esclavo lera toh warkuaña akes arwa asmá esclavo hí Tohyas chewama tehke kiwa. ²⁰ Toh taro apaskua toh ku'warkuaña toh ata Señor aya'eña i Salvador Jesucristó, akashkua wartapehí te'kua weshketuí akawarkra apisti akes ekamá kresh warkuá ki'ritan kenatan ripé. ²¹ Ãkes eñareií ekama arih retirichki atah eñá to' Justicia ari'hrá apaskrí eña kachawishkí kawichkuá akirií. ²² In proverbio ma yarhí ekapechẽró: "To' pakú má eka a'ti wartapehí a tokuá to' warí arokamâ wartapehí natokwá pakñá".