Juan_HRomeroC-pay_2co_text

Capítulo 9

¹ Kahparwã untar wãkua toh creyente ma, necesario kaskostapa wã. ² Tasmas ariha wã kaish takiwã payo wã, aka kashkua tasma ahkatish kari toh pesh yo Macedonia tasma toh kari toh akaya tohma ahkatish kashkua kuituh teshkiyo, tohma ahrariaki payowã ahrari krihro toh Ekayo aishkuaih. ³ Tasma katu hari ta arki yó inketasma ah kari, ishkuapa yawã toh kemata hi, akashkuapama enakuri, tasñake paya akerpe. ⁴ Akesma manera, enka aichuma macedonios tas yateh kerma nekachelerma en aketiri untasma ish untakii pama karesh ish kakiwa, akesma toh wish kuriras toh payawã. ⁵ Akashkua ari hari toh ta arkiwã nelepiro payo wã to ish en kiler piro pesa wãrkrii payo wã toh ñehrií ihma inkena che ah pii toh wish kii, akema toh kena ta hi Forzado. ⁶ Ima ñahi: Toh tish kuaih ehi tuya paspe toh chituya, taro tishkuama toh propositayo, wishkawa to' sukuhpii to' wishkari. ⁷ To' tistis eka ñehi aturusaño ameshki wish tihi to' obligación Patatishta wishkua to' ahrari wetai. ⁸ Patatishtama arihwaras to' ki' piih wishpima weh tishpe payo wá ãnkriró yas i'. Pama kue aakerpe to' kri yas kapa'ñawĩ ima inkenai we kueaakerpiro to' katun eñaih. ⁹ Ima inkei' to' kakorskai: "EKAMA WÉ AKACHURAS KAWISHKI TO' ĨH KAKACHITUĨ. EKA JUSTICIAMO ÑA DA' PE AAKICHIPÉ". ¹⁰ Ekama awãyó tu kuama tukitishkuama, pánma sirari tohma wẽkipe toh poha awã ih payó wã atishkiawĩ ekama weh kipe justicia payo wã. ¹¹ Pama kresh pika chi piwã toh krihro generoso, ima akapa kiteh pe Patatishtayó untasyori. ¹² Inke pavama toh arwãrkuai aeka pah suple toh kape leri creyente akashkua we kipe ã krihro kaparkua pata tishta. ¹³ Akashkua pama akanabas kri toh arwãrkií, pawã Patatishta añelerwã ñah weshkrevas payó kihriras evangelio de Cristo, pawã Patatishta añeler wã toh generosidad pa arwakrii ekari toh krihro. ¹⁴ Ekama amesh kera payo wã ekama Patatishta kapeña kera parishkia ekama kilerwã ekama kilerwa toh ah kayo kaparkawa Patatishta ta payo aki. ¹⁵ Patatishta ¡Kaparkawã toh pate hiro inefable!