¹ Ta' arkiwa ñahparbiro ishbara, parowá weshkupirowa to' Patatishta akaparenñá akash patenhí unta kaorí Macedonia ñá. ² Inká ã a'kaas kií akamaskí in ameshkí, we'lerií ahrariñá su extrema ôisirií wanaishkri a'kari nontishkí to' we'kayó. ³ Ankró ñah wishkarií to' Ekayoterí wishkarí archari to' artapún atertií Ekayó ishtahrií Ekañá in akachiti untahrayopé. ⁴ Inka wria'kayo kahkapashkri, kaishkrií to' privilegio akrehlerpiró in karwarkepiró to' anahweshtaró. ⁵ Inka weshkrií untaské chabrí awakbrá. Ã kaã, atahtukñá ahtokrií to' Señor ñá. Akes, awishkrií ãrerí a ekapé untasrohó. To' untahrayapé Patatishtayó. ⁶ Akẽs achahbrí Tito ñá, taro atahtukirisa to' katunró aspés, ki'piro in acto we'kalerí pihe'riwa payowá. ⁷ Ankaro pawaí we'lera to' krihroñá: Fé yó, ñahyori, arihrapiyo, uwãriyó, to' amor untasyó. Akarõ to' wa cha'akaishi parowá we'rí in arkatún we' kayó. ⁸ Inka ta'kotawã katun paro, inka a enka'tahní, ñahawá apisti akamasparó sinceridad to' amor askentishkerpiro inka pesh akuayó. ⁹ Inka payawá arihñawi to' akaparen unta Señor Jesucristoyó, inka Ekaró nonrií, eñari payowá Ekamá ôisi tishki, akarõ ahraño ôisiyó parowá nontishkupiro. ¹⁰ Inmá ñah as kawishpa karwarpiro, sukiã kuih as ki'wá, pawaí to'pero atahtukñá ki'ri yas, Akaro ishkri ki'lerpiro. ¹¹ Inkitama ka'cheuwá. Akashkuá to'chií akashkrií ishkerpiro, akashkuá ki'piri, ãrií ka'cherií, uwãripé ki'rechẽri. ¹² Inkarí pawaí anhelan ko'wá to' katunhí, eñaí yas to' aceptable, imá chipé barado to' pesh aspes ká akashhuwá, akashkua to' akachitukẽ. ¹³ Ankró in katunma akuañaá to' archanahnuñá inka pama'wá pirkua'wãwĩ, inka asñá, cho'chá Justicia. ¹⁴ We'leripe payowá to' kãró achahupirowá weshiskuahá to' Ekayó kakachipiro inka to'wá musti Ekañawá suplir in kakachitu'ro parowá, akashkuá paskupiro Justicia. ¹⁵ Inka inke korskaí: "INKA WE' AKACHIIMA IN AKATAWARTIÍ IN AKINATIS IN AS AKATAWARTIHI". ¹⁶ Ankro kaparen Patatishtaro, in ñá tukisa Tito a turusaró Ekaña cheiro diligente tasma takachuwá payowá. ¹⁷ Ankro Ekamá to' chẽrí ahtokí unta awikawãro, inka wãripe iski ihí. Ekamá te'ki paya hã pirayopé. ¹⁸ Untasmá tumbará Ekayó to'arki aryeshkiyó inka krihĩ to' kaoñá ñahña kupiró ta'evangelioró. ¹⁹ Ima inpetahí, inka Ekaró akamanaskrirás kaoriñá naapirowá untasyó apistiña papirohõ in katunhí we'kayó imá to' honor hí Señor asken archaamiro unta anhelo karwarbarbií. ²⁰ Untasmá chaprá awakbrá krihrohõ asnaña ñah nehish kuahã untasró eñayó we'kayorí achahlorii kaishbaryó. ²¹ Untasma chamarwá ka'parpiro to' honorableí, to'petahí Señor, awakiñá to'rí pesh wakiñá. ²² Untaswá achahbri tumpará Ekaleryó arkí akua ñá; wãripe akamasprií, pasbrí diligente wria'karí katunró inkitamá eká archaí diligente a'kari to' arihwayó eka akachuyó payahwá. ²³ Akashkuá, Tito ñá, Eka ta' waí in ishtarí katún ishkuari payowá, akashkua unta arkiyorí ekalerá katunrií to' kaoñá ekamá honor lerá Cristo yó. ²⁴ Akashkuá archuchawiĩ amor yó, prahuwá kaoriñá to' ñah untasí jactancia payahwã to' kaó akuañahwá.